اموس 3:1—15
3 «ۋا، يسرايل ٷرىم-بۇتاعى، ەحوبانىڭ وزىڭە قاتىستى ايتقان ٴسوزىن، مىسىر ەلىنەن الىپ شىققان كۇللى حالىققا قاتىستى ايتقان مىنا ٴسوزىن تىڭداڭدار:
2 —جەر بەتىندەگى حالىقتاردىڭ ىشىنەن تەك سەندەردى عانا بىلەمىن+.
سوندىقتان سەندەردى بار قىلمىستارىڭ ٷشىن جاۋاپقا تارتامىن+.
3 كەزدەسەتىنىن كەلىسىپ الماي، ەكى ادام بىرگە جولعا شىعا الا ما؟
4 جەمتىك بولماسا، ورمانداعى ارىستان اقىرا ما؟
ەشتەڭە ۇستاماسا، اپاندا جاتقان جاس ارىستان ىرىلداي ما؟
5 تور قۇرىلماسا*، وعان قۇس تۇسە مە؟
ەشتەڭە تۇسپەسە، قاقپان جابىلا ما؟
6 قالادا ٴمۇيىز كەرنەي دابىلى ەستىلسە، جۇرتتىڭ ۇرەيى ۇشپاي ما؟
ەحوبا جىبەرمەسە، قالا اپاتقا ۇشىراي ما؟
7 الەمنىڭ ٵمىرشىسى ەحوبا ٶزىنىڭ پايعامبارلارىنا،جاسىرىن جايتتى* الدىن الا اشپاي، ەشتەڭە ىستەمەيدى+.
8 ارىستان اقىرسا+، كىم قورىقپايدى؟
الەمنىڭ ٵمىرشىسى ەحوبا ايتسا، كىم پايعامبارلىق ەتپەيدى+؟
9 ازوتتاعى بەكىنىس مۇنارالارىنان،مىسىرداعى بەكىنىس مۇنارالارىنان بىلاي دەپ جار سالىڭدار:
—ساماريانىڭ تاۋلارىنا قارسى جينالىڭدار+،وندا بولىپ جاتقان ابىر-سابىرعا،ىشىندە جاسالىپ جاتقان الاياقتىققا قاراڭدار+.
10 ولار دۇرىس نارسە ىستەۋدى بىلمەيدى،— دەيدى ەحوبا،ولار بەكىنىس مۇنارالارىن زورلىق-زومبىلىق پەن ويران-توپىرعا تولتىرۋدا.
11 سول سەبەپتى الەمنىڭ ٵمىرشىسى ەحوبا مىنانى ايتادى:
—ەلدى جاۋ قورشاۋعا الادى+،ول سەنى كۇش-قۋاتىڭنان ايىرادى،بەكىنىس مۇنارالارىڭدى تالان-تاراجعا سالادى+.
12 ەحوبا مىنانى ايتادى:
—قويشى ارىستان اۋزىنان قويدىڭ قوس سيراعىن نە جارتى قۇلاعىن تارتىپ الاتىنداي،ساماريادا ٴساندى توسەكتەردە، ادەمى ساكىلەردە* وتىرعان+
يسرايل حالقىنان دا ازعانا ادام امان قالادى.
13 الەمنىڭ ٵمىرشىسى اسكەرباسى ەحوبا مىنانى ايتادى: —تىڭداڭدار، جاقىپتىڭ ٷيىن ەسكەرتىڭدەر*!
14 يسرايلدى بۇلىكتەرى* ٷشىن جاۋاپقا تارتقان كۇنى+
بەتەلدىڭ قۇرباندىق وشاقتارىن+ دا قيراتامىن.
قۇرباندىق وشاعىنىڭ مۇيىزدەرى كەسىلىپ، جەرگە قۇلايدى+.
15 قىسقى ٷيدى جازعى ۇيمەن قوسا بۇزىپ تاستايمىن.
—ٴپىل سۇيەگىمەن بەزەندىرىلگەن ۇيلەر+،ٴسان-سالتاناتتى* سارايلار ويراندالادى+،— دەيدى ەحوبا».
سىلتەمەلەر
^ مۇمكىن: «تۇزاق جەم قويىلماسا».
^ نەمەسە «قۇپياسىن».
^ نەمەسە «داماسكىنىڭ ساكىلەرى».
^ نەمەسە «قارسى كۋالىك ەتىڭدەر».
^ نەمەسە «قىلمىستارى».
^ مۇمكىن: «كوپ».
