اموس 4:1—13
4 «مىنا سوزگە قۇلاق سالىڭدار، باشانداعى سيىرلار،ساماريانىڭ تاۋىندا تۇراتىن سەندەر+!
بەيشارانى الداپ-سۋلايتىن+، كەدەيدى جابىرلەيتىن،كۇيەۋلەرىنە «بىزگە ىشەتىن بىردەڭە اكەلىڭدەر!» دەيتىن ايەلدەر!
2 الەمنىڭ ٵمىرشىسى ەحوبا قاسيەتتىلىگىمەن انت بەردى.
سەندەر قاساپشىنىڭ ىلمەگىمەن،ال قالعاندارىڭ قارماقتىڭ ىلمەگىمەن ٸلىنىپ الىناتىن كۇندەر كەلە جاتىر.
3 سوندا ٴارقايسىسىڭ ٴدال الدىڭداعى قابىرعا تەسىگىنەن تارتىپ شىعارىلىپ،حارمونعا لاقتىرىلاسىڭدار،— دەيدى ەحوبا.
4 مەيلى، بەتەلگە بارىپ، قىلمىس جاساي بەرىڭدەر+،عىلعالعا بارىپ، قىلمىستارىڭدى ودان بەتەر كوبەيتىڭدەر+!
تاڭەرتەڭ قۇرباندىقتار ۇسىنىپ+،ٷشىنشى كۇنى وننان ٴبىر بولىكتى بەرىڭدەر+.
5 اشىعان ناندى ريزاشىلىق قۇرباندىعى رەتىندە ورتەپ+،ەرىكتى سي-تارتۋلارىڭ تۋرالى داۋىستاپ جاريالاي بەرىڭدەر!
سەبەبى سەندەر، ۋا، يسرايل حالقى، وسىلاي ەتكەندى جاقسى كورەسىڭدەر،— دەيدى الەمنىڭ ٵمىرشىسى ەحوبا.
6 مەن بىردە-ٴبىر قالاڭدا تىسكە باسار ەشتەڭە قالدىرمادىم،ۇيلەرىڭدە جەيتىن نانعا زار ەتتىم+.
سەندەر سوندا دا ماعان قايتپادىڭدار+،— دەيدى ەحوبا.
7 سونداي-اق ەگىن وراعىنان ٷش اي بۇرىن، سەندەرگە جاڭبىر بەرمەي قويدىم+.
ٴبىر قالاعا جاۋىن جاۋعىزسام، باسقاسىنا جاۋعىزبادىم.
ٴبىر ەگىس القابىنا جاۋىن جاۋسا،باسقا ەگىس القابى جاۋىنسىز قۇرعاپ جاتتى.
8 ەكى-ٷش قالانىڭ ادامدارى سۋ ىشۋگە ٴبىر قالاعا تالتىرەكتەپ باردى+،ٴبىراق ولار قانىپ سۋ ىشە المادى.
سەندەر سوندا دا ماعان قايتپادىڭدار+،— دەيدى ەحوبا.
9 ونىمدەرىڭدى اپتاپ جەلمەن كۇيدىردىم، كوگەرتىپ-ٴشىرىتتىم+.
باۋ-باقشا مەن جۇزىمدىكتى كوبەيتىپ ەدىڭدەر،ٴبىراق ٸنجىر مەن ٴزايتۇن اعاشتارىڭدى شەگىرتكە جالماپ قويدى+.
سەندەر سوندا دا ماعان قايتپادىڭدار+،— دەيدى ەحوبا.
10 ارالارىڭا مىسىرداعىداي ىندەت جىبەردىم+.
جىگىتتەرىڭدى سەمسەرمەن ٶلتىرىپ+، جىلقىلارىڭدى تارتىپ الدىم+.
قوستارىڭنىڭ ساسىق ٴيىسىن مۇرىندارىڭا اكەلدىم+.
سەندەر سوندا دا ماعان قايتپادىڭدار،— دەيدى ەحوبا.
11 مەن سودوم مەن عومورانى كۇيرەتكەنىمدەي+،سەندەردىڭ ەلدەرىڭدى دە كۇيرەتتىم.
سوندا وت ىشىنەن سۋىرىپ العان اعاشتاي بولىپ قالدىڭدار.
سەندەر سوندا دا ماعان قايتپادىڭدار+،— دەيدى ەحوبا.
12 سول سەبەپتى مەن ساعان، ۋا، يسرايل، وسىلاي ىستەيمىن.
ٴيا، مەن ساعان وسىلاي ىستەيتىندىكتەن،ۋا، يسرايل، قۇدايىڭمەن كەزدەسۋگە دايىن بول.
13 ويتكەنى ول تاۋلاردى قالىپتاستىرىپ+، جەلدى جاراتتى+.
ول ادام بالاسىنا ٶز وي-نيەتىن بىلدىرەدى،تاڭعى ارايدى قارا تۇنەككە اينالدىرادى+،جەردىڭ بيىك توبەلەرىن باسىپ جۇرەدى+.
ونىڭ ەسىمى — اسكەرباسى ەحوبا قۇداي».
