ايان 15:1—8
15 كوكتەن ۇلى ٵرى كەرەمەت تاعى ٴبىر بەلگىنى — جەتى اپات ۇستاعان جەتى پەرىشتەنى+ — كوردىم. بۇلار سوڭعى اپاتتار، سەبەبى قۇدايدىڭ قاھارى وسىلارمەن اياقتالادى+.
2 سوسىن مەن وت ارالاسقان شىنى ىسپەتتى تەڭىزگە ۇقساس نارسەنى+، سونداي-اق جىرتقىش اڭ مەن ونىڭ ٴمۇسىنىن+ جانە ونىڭ ەسىمىنىڭ سانىن+ جەڭىپ شىققانداردى+ كوردىم. ولار قولدارىنا قۇدايدىڭ ارفالارىن ۇستاپ شىنى ىسپەتتى تەڭىزدىڭ جانىندا تۇر ەكەن.
3 ولار قۇدايدىڭ قۇلى مۇسانىڭ+ جانە توقتىنىڭ+ ٵنىن ايتىپ جاتتى:
«قۇدىرەتى شەكسىز ەحوبا قۇداي+، سەنىڭ ىستەرىڭ ۇلى دا كەرەمەت+. ماڭگىلىكتىڭ پاتشاسى+، سەنىڭ جولدارىڭ ٵدىل دە سەنىمدى+.
4 ەحوبا، سەنەن كىم قورىقپايدى، سەنى كىم ماداقتامايدى؟! جالعىز سەن عانا ادالسىڭ+! بارلىق حالىقتار الدىڭا كەلىپ، عيبادات ەتەدى+، ويتكەنى ٵدىل جارلىقتارىڭ ايقىن بولدى».
5 بۇدان كەيىن كوكتە كۋالىك شاتىرىنىڭ قاسيەتتى بولىگىنىڭ+ اشىلعانىن+ كوردىم.
6 سول جەردەن جەتى اپات ۇستاعان جەتى پەرىشتە+ شىقتى. ولار ۇستەرىنە تازا، جالتىراعان زىعىردان كيىم كيىپ، ال كەۋدەلەرىن التىن بەلبەۋمەن وراپ الىپتى.
7 ٴتورت تىرشىلىك يەلەرىنىڭ بىرەۋى جەتى پەرىشتەگە ماڭگى ٶمىر سۇرەتىن قۇدايدىڭ قاھارىنا تولى جەتى التىن توستاعان+ بەردى.
8 سوندا شاتىردىڭ قاسيەتتى بولىگى قۇدايدىڭ سالتاناتى+ مەن قۇدىرەتىنەن تۇتىنگە تولىپ كەتتى. جەتى پەرىشتەنىڭ جەتى اپاتى+ اياقتالمايىنشا، وندا ەشكىم كىرە المادى.
