ايان 20:1—15
20 بۇدان سوڭ مەن قولىندا تۇڭعيىقتىڭ كىلتى+ جانە ۇلكەن شىنجىرى بار كوكتەن ٴتۇسىپ كەلە جاتقان پەرىشتەنى كوردىم.
2 ول ايداھاردى+ — ەجەلگى جىلان+، ياعني ٸبىلىس+ شايتاندى+ — ۇستاپ الىپ، 1000 جىلعا بۇعاۋلاپ تاستادى.
3 1000 جىل وتكەنشە ەندى قايتىپ حالىقتاردى الداي الماۋى ٷشىن پەرىشتە ونى ٴتۇپسىز تۇڭعيىققا+ لاقتىرىپ جىبەرىپ، اۋزىن جاۋىپ، مورمەن بەكىتتى. وسىدان كەيىن ول از ۋاقىتقا بوساتىلۋى ٴتيىس+.
4 مەن تاقتاردى كوردىم، ولاردا وتىرعاندارعا سوتتاۋ بيلىگى بەرىلدى. يسا تۋرالى كۋالىك ەتكەندەرى جانە قۇداي تۋرالى ۋاعىزداعاندارى ٷشىن ولتىرىلگەن جانداردى كوردىم. بۇلار جىرتقىش اڭعا دا، ونىڭ مۇسىنىنە دە تابىنبادى جانە ماڭدايلارى مەن قولدارىنا ونىڭ بەلگىسىن قابىلدامادى+. ولار ٴتىرىلىپ، ماسىحپەن بىرگە 1000 جىل پاتشالىق ەتتى+.
5 (ولگەندەردىڭ قالعاندارى+ 1000 جىل وتپەيىنشە تىرىلگەن جوق.) بۇل — العاشقى قايتا ٴتىرىلۋ+.
6 العاشقى قايتا تىرىلۋگە قاتىسقاندار باقىتتى+ ٵرى قاسيەتتى. ولارعا ەكىنشى ٶلىمنىڭ+ بيلىگى جۇرمەيدى+، قايتا، قۇداي مەن ٴماسىحتىڭ ٴدىني قىزمەتكەرلەرى بولىپ+، ماسىحپەن بىرگە 1000 جىل بويى پاتشالىق ەتەدى+.
7 ال شايتان 1000 جىل وتە سالا، تۇرمەدەن بوساتىلدى.
8 سودان جەردىڭ ٴتورت بۇرىشىنداعى حالىقتاردى، ياعني گوگ پەن ماگوگتى، اداستىرىپ، سوعىسقا جيناپ اكەلۋگە شىقتى. ولاردىڭ سانى تەڭىز قۇمىنىڭ قيىرشىعىنداي كوپ.
9 ولار كۇللى جەرجۇزىنەن شىعىپ، قاسيەتتىلەردىڭ قوسىن جانە قۇدايدىڭ سۇيىكتى قالاسىن قورشاپ الدى. ٴبىراق كوكتەن وت ٴتۇسىپ، ولاردى جالماپ قويدى+.
10 ال ولاردى اداستىرعان ٸبىلىس وزىنەن بۇرىن جىرتقىش اڭ+ مەن جالعان پايعامبار تاستالعان وت پەن كۇكىرت جانىپ جاتقان كولگە لاقتىرىلدى+. ولار سول جەردە ماڭگىلىك بويى ازاپ شەگەتىن* بولادى.
11 سونان سوڭ مەن ۇلكەن اق تاقتى جانە ونىڭ ۇستىندە وتىرعاندى كوردىم+. جەر مەن اسپان ونىڭ الدىنان قاشىپ كەتتى دە+، بۇدان بىلاي ولارعا ورىن تابىلمادى.
12 سونداي-اق تاق الدىندا ولگەن ادامداردىڭ — ۇلىعى بار، كىشىگى بار — تۇرعانىن كوردىم. شيىرشىقتار اشىلدى. سوسىن تاعى ٴبىر شيىرشىق اشىلدى، بۇل — ٶمىر شيىرشىعى+. سول شيىرشىقتاردا جازىلعاندارعا ساي، ولگەندەر ىستەرىنە قاراي سوتتالدى+.
13 سوندا تەڭىز وزىندەگى ولىلەردى بەردى، ٶلىم مەن كور* دە وزدەرىندەگى ولىلەردى بەردى، ٴسۇيتىپ، ولاردىڭ ٴارقايسىسى ىستەرىنە قاراي سوتتالدى+.
14 مۇنان كەيىن ٶلىم مەن كور* وتتى كولگە تاستالدى+. وتتى كول ەكىنشى ٶلىمدى+ بىلدىرەدى+.
15 كىم ٶمىر كىتابىنا جازىلماعان بولسا+، ول دا وتتى كولگە تاستالدى+.
سىلتەمەلەر
^ نەمەسە «شەكتەلەتىن، تۇتقىندالاتىن».
^ گرەكشە «گادەس». تۇسىندىرمەنى قاراڭىز.
^ گرەكشە «گادەس». تۇسىندىرمەنى قاراڭىز.
