بيلەر 5:1—31
5 سول كۇنى دەبورا+ مەن ٵبيناعۇم ۇلى باراق+ بىلاي دەپ ٵن شىرقادى+:
2 «يسرايلدىكتەر ٶز انتىندا تۇرعانى ٷشىن*،جۇرت ٶز ەركىمەن سوعىسقا اتتانعانى ٷشىن+ەحوبانى ماداقتاڭدار!
3 پاتشالار، تىڭداڭدار! باسشىلار، قۇلاق تۇرىڭدەر!
مەن ەحوباعا ٵن شىرقايمىن،
يسرايلدىڭ قۇدايى+ ەحوبانىڭ اتىن انگە قوسامىن+.
4 ەحوبا، سەن سەيىردەن+ شىققاندا،ەدوم جەرىنەن اتتانعاندا،جەر شايقالىپ كەتتى، اسپاننان سۋ،ٴيا، بۇلتتاردان جاڭبىر قۇيىلدى.
5 ەحوبانىڭ الدىندا تاۋلار دا،يسرايلدىڭ قۇدايى ەحوبانىڭ+ الدىندا ٴتىپتى سيناي دا بالقىدى*+.
6 انات ۇلى شامعاردىڭ+ زامانىندا،جاەلدىڭ+ زامانىندا جولدار قاڭىراپ بوس قالدى،جۇرگىنشىلەر سوقپاق جولدارعا ٴتۇستى.
7 مەن، دەبورا+، كەلمەي تۇرعانىمدا،يسرايلدىڭ اناسى رەتىندە كەلمەي تۇرعانىمدا+،يسرايلدەگى اۋىلداردا ەشكىم قالمادى.
8 ولار وزدەرىنە جاڭا قۇدايلار تاڭداپ الدى+،سوندا قاقپا الدىندا سوعىس بولدى+.
يسرايلدەگى 40000 ازاماتتىڭقالقانى دا، نايزاسى دا جوق ەدى.
9 مەنىڭ جۇرەگىم يسرايل باسشىلارىمەن بىرگە+،حالىق اراسىنان ٶز ەركىمەن شىققان باسشىلارمەن بىرگە+.
ەحوبانى ماداقتاڭدار!
10 جيرەن ەسەككە مىنگەندەر،قىمبات كىلەمدەردە وتىرعاندار،جول ۇستىندە جۇرگەندەر،مىنا جايلى ويلانىڭدار:
11 قۇدىق باسىنان مال سۋارۋشىلاردىڭ داۋسى ەستىلدى.ولار سول جەردە ەحوبانىڭ ٵدىل ىستەرى تۋرالى،يسرايل اۋىلدارىندا تۇراتىن حالقىنىڭ ٵدىل ىستەرى تۋرالى ايتىپ جاتتى.
سول كەزدە ەحوبانىڭ حالقى قاقپا الدىنا ىلديلادى.
12 ويان، ويان، دەبورا+!
ويان، ويان دا، ٵن شىرقا+!
تۇرەگەل، باراق+!
تۇتقىندارىڭدى الىپ كەت، ٵبيناعۇم ۇلى!
13 سول كەزدە امان قالعاندار ۇلىقتارعا كەلدى؛ەحوبانىڭ حالقى كۇشتىلەرگە قارسى شىعۋ ٷشىن ماعان كەلدى.
14 جازىقتان كەلگەندەر ەفرەم رۋىنان شىققاندار ەدى،و، بەنيامين، ولار ساعان، سەنىڭ اسكەرىڭە ەردى.
ماحير+ ۇرپاعىنان باسشىلار،ال زابۋلون رۋىنان اسكەرگە جينايتىندار* كەلدى.
15 يساحار بەكزادالارىنىڭ دەبورامەن بىرگە بولعانىنداي،باراق+ تا ونىمەن بىرگە بولدى.
ول اڭعارعا جاياۋ باردى+.
ال رۋبەن تارماقتارىنىڭ ويلارى مىڭ قۇبىلدى.
16 قورجىننىڭ ەكى باسىنىڭ اراسىندا نە ٷشىن وتىردىڭ؟قويشىلاردىڭ سىرناي تارتقانىن تىڭداۋ ٷشىن بە+؟
رۋبەن تارماقتارىنىڭ ويلارى مىڭ قۇبىلدى.
17 عالاقات يورداننىڭ ارعى بەتىندە قالدى+.ال دان نەگە كەمەلەرىندە تۇرا بەردى+؟
اشير قول قۋسىرىپ تەڭىز جاعاسىندا وتىردى،كەمەجايلارىنان تاپجىلمادى+.
18 زابۋلون حالقى بولسا جانىن اياماي باسىن قاتەرگە تىكتى.دالاداعى قىراتتاردا تۇراتىن نافتاليم دە سولاي ەتتى+.
19 پاتشالار كەلدى دە، سوعىستى،قاناحان پاتشالارى مەگيددو+ سۋلارىنىڭ بويىنداعى تاناقتا شايقاستى+.
ولار كۇمىستەن قۇرالاقان قالدى+.
20 كوكتەن جۇلدىزدار سوعىستى،سيساراعا قارسى ولار كوكتىڭ وزىنەن* سوعىستى.
21 جاۋدى قيشوننىڭ سۋى،ەجەلگى قيشوننىڭ سۋى شايىپ كەتتى+.
مەن مىقتىلاردى اياق استىنا سالىپ ەزدىم.
22 سوندا جۇلقىنا العا ۇمتىلعان ايعىرلارىتۇياقتارىمەن جەردى تاپتادى+.
23 ەحوبانىڭ پەرىشتەسى: —مەروزدى قارعاڭدار!ونىڭ تۇرعىندارىن قارعاڭدار!سەبەبى ولار ەحوبانى قولداۋعا كەلمەدى،مىقتىلارمەن بىرگە ەحوباعا قولعابىس ەتپەدى،— دەدى.
24 ايەلدەر اراسىندا كەندىك حەبەردىڭ+ ايەلى جاەل+ بارىنشا جارىلقانعان،شاتىرلاردا تۇراتىن ايەلدەر اراسىندا ول — بارىنشا جارىلقانعان ايەل.
25 سۋ سۇراعانعا ول ٴسۇت بەردى؛
ۇلىقتاردىڭ ۇلكەن توستاعىمەن قايماعىن ۇسىندى+.
26 ول شاتىردىڭ قازىعىنا قولىن سوزدى،وڭ قولىنا جۇمىسشىنىڭ بالعاسىن الدى دا،
سيسارانى ۇرىپ، باسىن جاردى.سامايىنان ۇرىپ، تەسىپ جىبەردى+.
27 سيسارا جاەلدىڭ اياعىنا سۇلاپ ٴتۇسىپ، سوندا جاتتى؛اياعىنا سۇلاپ ٴتۇسىپ، سوندا جاتتى.قۇلاعان جەرىندە، سەسپەي قاتتى.
28 ٴبىر ايەل تەرەزەگە قاراپ، ونىڭ جولىن توستى،سيسارانىڭ اناسى تەرەزەنىڭ تورىنان قاراپ:—ونىڭ ارباسى نەگە كەشىگىپ جاتىر؟
اربالارىنىڭ ساتىرى نەگە ەستىلمەيدى؟— دەپ سۇرادى+.
29 وعان بەدەلدى ايەلدەردىڭ ەڭ اقىلدىلارى جاۋاپ بەرەر،ٶزى دە بىلاي دەر:
30 «ولار ولجا ٴبولىسىپ جاتقان بولار،ٵر ەركەككە ٴبىر قىزدان، ٴتىپتى قوس-قوس قىزدان تيەر.سيسارا ٴتۇرلى ٴتۇستى ماتانى ولجا ەتەر، ٴيا، ٴتۇرلى ٴتۇستى ماتانى؛ولجاعا باتقانداردىڭ ٴارقايسىسى كەستەلى شاپاننان، ٴتۇرلى ٴتۇستى ماتادان يىقتارىنا ىلەر،ٴيا، ٴارقايسىسى ەكى كەستەلى شاپاننان يىقتارىنا ىلەر».
31 ۋا، ەحوبا، جاۋلارىڭنىڭ ٴبارى جەر قۇشسىن+!ال ٶزىڭدى سۇيەتىندەر شىققان كۇندەي جارقىراسىن!»
سودان بۇل جەر 40 جىل سوعىستان تىنىم تاپتى+.
سىلتەمەلەر
^ سوزبە-ٴسوز «شاشتارىن جايعانى ٷشىن». بۇل — انت بەرۋدىڭ بەلگىسى.
^ مۇمكىن: «سىلكىندى».
^ مۇمكىن: «حاتشى قۇرالىن ۇستاعاندار». مۇندا ساربازداردى ساناپ، تىركەيتىن ادامدار جايىندا ايتىلىپ تۇر.
^ نەمەسە «ٶز وربيتالارىنان».
