تاڭداۋلى ٵن 1:1—17
-
تاڭداۋلى ٵن (1)
-
بويجەتكەن (2—7)
-
يەرۋساليم قىزدارى (8)
-
پاتشا (9—11)
-
«وزىڭە ارناپ التىن اشەكەي جاساپ بەرەمىز» (11)
-
-
بويجەتكەن (12—14)
-
«قىمباتتىم مەنىڭ ٴمۇر سالىنعان قالتاشاداي» (13)
-
-
قويشى جىگىت (15)
-
«قانداي سۇلۋ ەدىڭ، سۇيىكتىم!»
-
-
بويجەتكەن (16، 17)
-
«سەن دە ادەمىسىڭ، قىمباتتىم» (16)
-
1 سۇلەيمەننىڭ تاڭداۋلى ٵنى*+:
2 «سۇيسە ەكەن مەنى ەرىندەرىڭ،شاراپتان دا ارتىق سەنىڭ ەركەلەتكەنىڭ+.
3 ٴيىسمايىڭنىڭ جۇپارى اڭقىعان+،ەسىمىڭ ٴيىسمايداي جاعىمدى+،سودان دا قىزدار عاشىق ساعان.
4 الىپ كەتشى مەنى، كەتەيىك قاشىپ،ويتكەنى پاتشا ىشكى بولمەلەرىنە الدى مەنى كىرگىزىپ!
بىرگە قۋانىپ، شاتتانايىق،ەركەلەتكەنىڭدى شاراپتان دا كوپ ماداقتايىق.
ولاردىڭ* ماحابباتىنا سەنسىڭ لايىق.
5 قارا تورى بولسام دا، سۇلۋمىن مەن، ۋا، يەرۋساليم قىزدارى،ٶڭىم ۇقسايدى كەدار شاتىرلارىنا+، سۇلەيمەن شاتىرىنىڭ جابۋىنا+.
6 قارا تورى ەكەن دەپ، قاراماڭدارشى تەسىلە،كۇن ساۋلەسى كۇيدىرىپ ەدى دەنەمدى.
اعالارىم ماعان اشۋلانىپ،جۇزىمدىكتەرىن قاراتىپ قويىپ ەدى،ال ٶز جۇزىمدىگىم قاراۋسىز قالىپ قويدى.
7 ايتشى ماعان، جانىمداي سۇيگەن اياۋلىم،قاي جەردە وتارىڭدى باعاسىڭ+،تال تۇستە قايدا ونى جۋساتاسىڭ؟
ايتشى ماعان، جۇرمەيىن بەتىن جاپقان* ايەلدەي،جولداستارىڭ باققان وتارلار اراسىنان سەنى ىزدەپ».
8 «ۋا، ايەل زاتىنىڭ ەڭ سۇلۋى، ەگەر سەن بىلمەسەڭ،جۇرە بەر وتاردىڭ ىزىنە ٴتۇسىپ،لاقتارىڭدى شوپان شاتىرلارىنىڭ ماڭىندا باعىپ».
9 «سۇيىكتىم، ٶزىڭدى پەرعاۋىن كۇيمەسىنىڭ سايگۇلىگىنە تەڭەدىم مەن+.
10 ٴجۇزىڭ سەنىڭ كورىكتى اشەكەيلەرىڭمەن*،موينىڭ دا ادەمى مونشاقتارىڭمەن.
11 وزىڭە ارناپ كۇمىسپەن ورنەكتەلگەنالتىن اشەكەي جاساپ بەرەمىز».
12 «پاتشا داستارقان باسىندا وتىرعاندا،اڭقىپ تۇرادى مايىمنىڭ جۇپار ٴيىسى+.
13 قىمباتتىم مەنىڭ ٴمۇر+ سالىنعان قالتاشادايكەۋدەمدە ٸلۋلى تۇراتىن ٴتۇنى بويى.
14 اياۋلىم مەنىڭ قىناگۇل شوعىنداي+
ەن-گەدي+ جۇزىمدىكتەرىنىڭ اراسىنداعى».
15 «قانداي سۇلۋ ەدىڭ، سۇيىكتىم!
قوس جانارىڭ كوگەرشىندىكىندەي، سونداي اسەم اجارىڭ!»+
16 «سەن دە ادەمىسىڭ، قىمباتتىم، كورىكتىسىڭ+!
توسەگىمىز بولار جاپىراقتان،
17 ٴزاۋلىم ٷيىمىزدىڭ تىرەنىشى قاراعايدان،ال بەلاعاشى ارشالاردان.
سىلتەمەلەر
^ نەمەسە «ولەڭدەردىڭ ولەڭى».
^ ياعني قىزداردىڭ.
^ نەمەسە «قارا جامىلعان».
^ مۇمكىن: «ورىلگەن شاشىڭنىڭ اراسىنداعى».