تاڭداۋلى ٵن 5:1—16
5 «مەن ٶز باعىما كىردىم+،قارىنداسىم مەنىڭ، قالىڭدىعىم.
ٴمۇر مەن حوش ٴيىستى شوپتەرىمدى جينادىم+.
بالىمدى، كارەزدەگى بالىمدى جەدىم،شارابىم مەن ٴسۇتىمدى ٸشتىم+».
«جەڭدەر، قىمباتتى دوستار!
ىشىڭدەر دە، ماحابباتقا ماس بولىڭدار+!»
2 «ۇيىقتاپ جاتسام دا، كوڭىلىم وياۋ+.
مىنە، قىمباتتىم مەنىڭ ەسىك قاعىپ تۇر!»
«ەسىكتى اش، قارىنداسىم مەنىڭ، قالىڭدىعىم،كوگەرشىنىم، كىرشىكسىز سۇيىكتىم!
سۋ بولدى شىقتان باسىم،تۇنگى ىلعالدان بۇيرا شاشىم+».
3 «كيىمىمدى شەشىپ قويدىم،ەندى قايتا كيەيىن بە؟
اياعىمدى جۋىپ قويدىم،ەندى قايتا بىلعايىن با؟
4 قىمباتتىم مەنىڭ ەسىكتىڭ ساڭىلاۋىنان قولىن الدى،سوندا كوڭىلىم مەنىڭ تولقىپ كەتتى.
5 اسىلىما ەسىك اشۋ ٷشىن تۇردىم ورنىمنان،ٴمۇر مايى تامىپ جاتتى قولىمنان،قۇلىپتىڭ تەسىگىنە ساۋساقتارىمنان.
6 قىمباتتىما ەسىك اشسام،كەرى بۇرىلىپ، كەتىپ قالىپتى.
كەتكەنىنە كوڭىلىم قۇلازىدى*.
ىزدەپ ەدىم، تابىلمادى+،شاقىرىپ ەدىم، ٷن قاتپادى.
7 قالانى قورىپ جۇرگەن كۇزەتشىلەرگە كەزىكتىم،ولار مەنى ۇرىپ-سوعىپ، جاراقاتتادى.
قامالدى كۇزەتكەندەر جامىلعىمدى جۇلىپ الدى.
8 ۋا، يەرۋساليم قىزدارى، ماعان انت بەرىڭدەر،ەگەر مەنىڭ اسىلىمدى كورىپ قالساڭدار،ماحاببات دەرتىنە شالدىققانىمدى وعان جەتكىزىڭدەر».
9 «ۋا، ايەل زاتىنىڭ ەڭ سۇلۋى،سۇيىكتىڭ وزگەنىڭ سۇيىكتىسىنەن نەسىمەن ارتىق؟
بىزدەن مۇنداي انت الاتىنداي،سۇيىكتىڭنىڭ باسقانىڭ سۇيىكتىسىنەن قاي جەرى ارتىق؟»
10 «قىمباتتىمنىڭ ٴجۇزى نۇرلى، بەتى نارتتاي.
ون مىڭنىڭ اراسىنان ەرەكشە كوزگە تۇسەر.
11 باسى ونىڭ التىنداي، ساف التىنداي باعالى،بۇيرا شاشى قۇرما پالماسىنىڭ بۇتاعىنداي*،شاشى ونىڭ قاپ-قارا قارعاداي.
12 كوزدەرى ۇقسايدى كوگەرشىندەرگە سۋ بويىنا قونعان،كوگەرشىندەرگە سۇتكە شومىلعان،حاۋىزدىڭ جيەگىندە* وتىرعان.
13 ەكى بەتى جۇپار ٴيىسى اڭقىعان گۇلزارداي+،حوش ٴيىستى شوپتەر وسكەن توبەلەردەي.
ەرىندەرى سۇيىق ٴمۇر+ تامعان لالاگۇلدەردەي.
14 ساۋساقتارى التىنداي، تىرناقتارى حريزوليتتەي،ٸشى بولسا جاقۇتپەن كومكەرىلگەن تەپ-تەگىس ٴپىل سۇيەگىندەي.
15 اياقتارى التىن تۇعىرعا ورناتىلعان ٴمارمار باعاناداي،كەلبەتى ونىڭ ليۆان جەرىندەي،تۇلعاسى تەڭدەسى جوق قاراعايداي+.
16 تاڭدايى ونىڭ بالداي ٴتاتتى،تۇلا بويى تۇنعان سۇلۋلىق+.
ۋا، يەرۋساليم قىزدارى، وسىنداي مەنىڭ قىمباتتىم،وسىنداي مەنىڭ اسىلىم».
سىلتەمەلەر
^ مۇمكىن: «ول سويلەگەندە، ەستەن تانا جازدادىم».
^ مۇمكىن: «قۇرما شوعىنداي».
^ مۇمكىن: «بۇلاقتىڭ جاعاسىندا».
