تاڭداۋلى ٵن 7:1—13
7 «ساندال كيگەن اياعىڭ قانداي ادەمى،ۋا، مەيىربان بويجەتكەن!
بوكسەڭنىڭ ٴپىشىنى اشەكەيدەيقاس شەبەردىڭ قولىنان شىققان.
2 كىندىگىڭ دوڭگەلەك توستاعانداي،ودان دامدەۋىش قوسىلعان شاراپ ۇزىلمەسىن.
قۇرساعىڭ ۇيىلگەن بيدايداي،اينالاسىن قورشاي لالاگۇل وسكەن.
3 قوس ٴتوسىڭ ۇقسايدى ەكى تولگە،كيىكتىڭ ەگىز لاعىنا+.
4 موينىڭ+ ٴپىل سۇيەگىنەن جاسالعان مۇناراداي+.
كوزدەرىڭ+ حەشبون+ حاۋىزدارىنداي،بات-رابيم قاقپاسىنىڭ جانىنداعى.
مۇرنىڭ سەنىڭ ليۆان مۇناراسىنداي،داماسكىگە قاراپ تۇرعان.
5 باسىڭ كارميل تاۋىنداي+،بۇيرا شاشىڭ+ كۇلگىن تۇبىتتەي+.
توگىلگەن شاشىڭ پاتشانى باۋراپ اكەتتى.
6 قانداي سۇلۋسىڭ، قانداي سۇيكىمدىسىڭ،ۋا، سۇيىكتى بويجەتكەن، ٴلاززات اتاۋلىدان ارتىقسىڭ!
7 تال بويىڭ كەلىستى قۇرما پالماسىنداي،قوس ٴتوسىڭ ونىڭ جەمىس شوقتارىنداي+.
8 —پالما اعاشىنا ورمەلەپ شىعىپ،جەمىس سالعان ساباقتارىن ۇستايىن،— دەدىم مەن.
بولسىن سەنىڭ توستەرىڭ ٴجۇزىم شوقتارىنداي،ال دەمىڭ المانىڭ جۇپارىنداي،
9 تاڭدايىڭ ٴتىل ۇيىرگەن كەرەمەت شاراپتاي».
«بۇل شاراپ سۇيىكتىمە جايلاپ اقسىن،قىمباتتىمنىڭ ٴسۇيىپ ەرىندەرىن.
10 مەن اسىلىما تيەسىلىمىن+،ونىڭ اڭساعانى مەنمىن.
11 كەلشى، مەنىڭ قىمباتتىم،بارايىقشى، كانەكي، دالاعا،دەمالايىق قىناگۇلدەر اراسىندا+.
12 ەرتە تۇرىپ، جۇزىمدىككە بارايىق،جۇزىمدەر وركەن جايدى* ما ەكەن،گۇلدەرى ونىڭ اشىلدى ما ەكەن+،انارلار گۇلدەدى مە ەكەن، كورەيىك+.
سول جەردە سەزىمىمدى وزىڭە بىلدىرەيىن+.
13 ماندراگوردىڭ+ ٴيىسى اڭقيدى،ەسىگىمىزدىڭ الدىندا تاڭداۋلى جەمىستىڭ ٴبارى بار+.
جاڭاسىن دا، ەسكىسىن دە،ۋا، قىمباتتىم، ساعان ارناپ ساقتاپ قويدىم.
سىلتەمەلەر
^ نەمەسە «بۇرشىك جاردى».