تىموتەگە 1-حات 3:1—16
3 مىنا سوزدەر تۋرا ايتىلعان: ەگەر بىرەۋ باقىلاۋشى مىندەتىنە ۇمتىلسا+، ونىڭ يگىلىكتى ٸستى قالاعانى.
2 باقىلاۋشى ەش كىناراتسىز، ٴبىر عانا ايەلى بار، بارلىق جاعىنان بايسالدى، ەستى*+، ٸس-ارەكەتىنە ۇقىپتى، قوناقجاي+، ٴتالىم بەرۋگە قابىلەتتى+،
3 نە ماسكۇنەم+، نە قاتىگەز ەمەس، يلىككىش بولۋى كەرەك+، سونداي-اق داۋكەس تە+، اقشاقۇمار دا بولماۋى ٴتيىس+.
4 سونىمەن قاتار وتباسىنا جاقسى باسشىلىق ەتەتىن+، ال بالالارى مويىنسۇنعىش ٵرى ٴتارتىپتى بولۋى كەرەك.
5 (ەگەر ادام ٶز وتباسىنا باسشىلىق ەتۋدى بىلمەسە، قالايشا قۇداي قاۋىمىن قامقورلاي الادى؟)
6 ول سەنىمدى جاڭا قابىلداعانداردان بولماسىن+، ايتپەسە كەۋدە كوتەرىپ، ىبىلىسكە شىعارىلعان ۇكىمگە ۇشىراۋى مۇمكىن.
7 سونداي-اق جۇرت سوزىنە ىلىكپەۋى جانە ٸبىلىستىڭ تورىنا ٴتۇسىپ قالماۋى ٷشىن قاۋىمنان تىسقارى ادامدار الدىندا جاقساتتى بولۋى ٴتيىس+.
8 سول سياقتى، قىزمەت كومەكشىلەرى دە ساليقالى بولسىن. سونداي-اق ەكىجۇزدى نە شاراپقا قۇمار بولماي، اشكوزدىكپەن ارام ولجا ىزدەمەي+،
9 قايتا، سەنىمنىڭ قاسيەتتى قۇپياسىن تازا ار-ۇجدانمەن ۇستاناتىن بولسىن+.
10 الدىمەن، ولاردىڭ بۇل ىسكە ساي كەلەتىندىگى سىنالسىن. ەگەر ايىپسىز بولسا+، وندا قىزمەت ەتسىن.
11 تاپ سولاي، ايەلدەر دە ساليقالى، ەشكىمگە جالا جاپپايتىن+، بارلىق جاعىنان بايسالدى، قاي نارسەدە دە ادال بولۋى ٴتيىس+.
12 قىزمەت كومەكشىسى ٴبىر عانا ايەلى بار، بالا-شاعاسى مەن ٷي ىشىنە جاقسى باسشىلىق ەتەتىن ادام بولسىن.
13 ويتكەنى قىزمەتىن جاقسى اتقاراتىندار جاقساتقا يە بولادى جانە ماسىحشىلەردىڭ سەنىمى جونىندە بارىنشا ەركىن سويلەيدى.
14 جاقىندا ساعان بارامىن دەپ ۇمىتتەنەمىن، سويتسە دە وسىلاردى جازىپ وتىرمىن.
15 سەبەبى كەشىگىپ جاتسام، قۇداي وتباسىندا+، ياعني ٴتىرى قۇدايدىڭ قاۋىمىندا، ٶزىڭدى قالاي ۇستاۋ كەرەكتىگىن بىلسەڭ ەكەن دەيمىن. ال قاۋىم — شىندىقتىڭ تىرەگى ٵرى قورعانىشى.
16 راسىندا دا، قۇدايعا شىن بەرىلگەندىكتىڭ قاسيەتتى قۇپياسى اسا زور: «ول ادام رەتىندە كورىندى+، رۋح رەتىندە ٵدىل دەپ جاريالاندى+، پەرىشتەلەرگە كورىندى+، حالىقتار اراسىندا ۋاعىزدالدى+، جەر بەتىندەگىلەر وعان سەندى+، ۇلىلىقپەن كوككە قابىلداندى».
سىلتەمەلەر
^ نەمەسە «پارىقتى».
