تىموتەگە 2-حات 1:1—18
1 قۇدايدىڭ ەركى بويىنشا جانە ٴماسىح يسا ارقىلى ومىرگە قاتىستى بەرىلگەن ۋادەگە ساي+، ٴماسىح يسانىڭ ەلشىسى بولعان مەن، پاۋىل،
2 سۇيىكتى بالام تىموتەگە+ جازىپ وتىرمىن.
قۇداي اكەمىز بەن يەمىز ٴماسىح يسا ساعان راقىمىن، مەيىرىمى مەن تىنىشتىعىن سيلاسىن!
3 اتا-بابالارىم سياقتى، ٶزىم تازا ار-ۇجدانمەن قاسيەتتى قىزمەت اتقارىپ جۇرگەن قۇدايىما العىس بىلدىرەمىن، كۇندىز-ٴتۇنى جالبارىنعانىمدا، سەنى دە ۇمىتقان ەمەسپىن.
4 كوز جاسىڭدى ەسىمە العان سايىن، سەنى كورۋدى اڭسايمىن. وسىلاي قۋانىشقا كەنەلسەم دەيمىن.
5 شىنايى سەنىمىڭ+ ەسىمدە، ول الدىمەن اجەڭ لويدا مەن اناڭ اۋنيكەدە بولاتىن، ال ەندى سەندە دە بار ەكەنىنە سەنىمدىمىن.
6 سوندىقتان مىنانى ەسىڭە سالامىن: ۇستىڭە قولىمدى قويعاندا قۇدايدان العان سيىڭدى وتتاي جالىنداتا بەر+.
7 ويتكەنى قۇداي بىزگە قورقىنىش رۋحىن ەمەس+، كۇش+، سۇيىسپەنشىلىك پەن ەستىلىك رۋحىن بەردى.
8 سول سەبەپتى يەمىز تۋرالى كۋالىك ەتۋدەن دە+، يەمىز ٷشىن مەنىڭ تۇرمەدە وتىرعانىما دا ۇيالما. قايتا، قۇدايدىڭ كۇشىنە سۇيەنىپ+، ىزگى حابار ٷشىن قيىندىق كورۋگە دايىن بول+.
9 قۇداي ٴبىزدى قۇتقارىپ، قاسيەتتى بولۋعا شاقىردى+. مۇنى قانداي دا ٴبىر ىستەرىمىز ٷشىن ەمەس، ٶز نيەتىنە جانە راقىمىنا ساي ىستەدى+. ول ٶز راقىمىن ٴماسىح يسا ارقىلى ۇزاق ۋاقىت بۇرىن كورسەتكەن ەدى.
10 ال ەندى وسى راقىم قۇتقارۋشىمىز ٴماسىح يسانىڭ اشىق كورىنۋى ارقىلى ايقىن بولدى+. ول ٶلىمنىڭ كۇشىن جويدى+ جانە قۇرىمايتىن ومىرگە+ قالاي جەتۋگە بولاتىنىن ىزگى حابار ارقىلى+ انىق كورسەتتى+.
11 مەن وسى ىزگى حاباردى جەتكىزۋ ٷشىن ۋاعىزداۋشى، ەلشى ٵرى تالىمگەر بولىپ تاعايىندالدىم+.
12 سول سەبەپتەن دە ازاپ شەگۋدەمىن+، ٴبىراق بۇعان ۇيالمايمىن+. ويتكەنى كىمگە سەنگەنىمدى بىلەمىن جانە ول وزىنە سەنىپ تاپسىرعاندارىمدى سوت كۇنىنە دەيىن+ امان ساقتاي الاتىنىنا كامىل سەنەمىن.
13 ال سەن ٴماسىح يسامەن بىرلىكتە بولۋدان تۋاتىن سەنىم مەن سۇيىسپەنشىلىك كورسەتە وتىرىپ، مەنەن ەستىگەن دۇرىس ٸلىمنىڭ ۇلگىسىن بۇدان بىلاي دا بەرىك ۇستان+.
14 وزىڭە سەنىپ تاپسىرىلعان قازىنانى بويىمىزداعى كيەلى رۋحتىڭ كومەگىمەن+ امان ساقتا.
15 ازيا* ايماعىنداعىلاردىڭ ٴبارى+ مەنەن تەرىس اينالىپ كەتكەنىن بىلەسىڭ، ولاردىڭ اراسىندا فيگەل مەن ەرموگەن دە بار.
16 يەمىز ونيسيپوردىڭ ٷي ىشىنە+ مەيىرىمىن توكسىن، ويتكەنى ول مەنى ٴجيى جىگەرلەندىرىپ تۇردى، بۇعاۋدا وتىرعانىمنان ەش ۇيالمادى.
17 قايتا، ريمدە بولعانىندا، مەنى تاپقانشا، بارىن سالىپ ىزدەدى.
18 سوت كۇنى يەمىز ەحوبا* وعان مەيىرىمىن كورسەتسىن. سەن ونىڭ ەفەستە قالاي قىزمەت ەتكەنىن دە جاقسى بىلەسىڭ.
سىلتەمەلەر
^ «ازيا» دەپ ريم يمپەرياسىنىڭ پروۆينسياسى جونىندە ايتىلىپ تۇر.
^ بۇل — قۇدايدىڭ ەسىمى. تۇسىندىرمەنى قاراڭىز.