تىموتەگە 2-حات 4:1—22
4 قۇداي الدىندا، سونداي-اق اشىق كورىنگەندە+ جانە پاتشا رەتىندە كەلگەندە+، تىرىلەردى دە، ولىلەردى دە سوتتايتىن+ ٴماسىح يسانىڭ+ الدىندا ساعان مىقتاپ ەسكەرتەمىن:
2 قۇداي ٴسوزىن ۋاعىزدا+، ۋاقىت قولايلى نە قيىن بولسىن، مۇنى كەيىنگە قالدىرماي اتقار؛ ٴتالىم بەرۋ شەبەرلىگىن بارىنشا قولدانىپ، زور شىدامدىلىقپەن اشكەرەلە+، قاتاڭ ەسكەرت، جىگەر بەر+.
3 سەبەبى كەيبىرەۋلەر دۇرىس ىلىمگە قۇلاق اسپاي، ٶز قالاۋلارى بويىنشا ارەكەت ەتەتىن ۋاقىت كەلەدى+. ولار قۇلاقتارىنا جاعاتىندى ايتاتىن ۇستازداردى اينالاسىنا جينايدى+،
4 شىندىققا قۇلاق سالماي، بوس اڭىزدارعا دەن قويادى.
5 ال سەن ٵردايىم قىراعى ٵرى قيىندىققا ٴتوزىمدى بول+. ىزگى حاباردىڭ ۋاعىزداۋشىسى بولىپ، قىزمەتىڭدى تولىقتاي اتقارا بەر+.
6 مەن قازىردىڭ وزىندە سۇيىق تارتۋ سياقتى قۇيىلىپ جاتىرمىن+، ماسىحپەن بىرگە بولۋ ٷشىن ولەتىن ۋاقىتىم+ جاقىن قالدى.
7 مەن ىزگى كۇرەس جۇرگىزدىم+، مارەگە جەتتىم+، سەنىمىمدى ساقتاپ قالدىم.
8 وسى ۋاقىتتان باستاپ مەن ٷشىن ادىلدىك ٴتاجى ساقتاۋلى تۇر+. ونى ماعان ٵدىل تورەشىمىز ٵرى يەمىز+ سوت كۇنى سيلاماق+، تەك ماعان ەمەس، ونىڭ كورىنەتىن ۋاقىتىن اڭساپ جۇرگەندەردىڭ بارىنە سيلايدى.
9 ماعان تەزىرەك كەلۋ ٷشىن قولىڭنان كەلگەننىڭ ٴبارىن ىستە.
10 سەبەبى ديماس+ وسى دۇنيەنى* جاقسى كورىپ، مەنى تاستاپ، سالونيكاعا كەتتى؛ كرەسكەس عالاتياعا، ال تيت دالماتياعا اتتاندى.
11 جالعىز لۇقا عانا قاسىمدا. مارقانى وزىڭمەن بىرگە الا كەل، ويتكەنى ول قىزمەتىمە پايدالى بولماق.
12 تيحيكتى+ ەفەسكە جىبەردىم.
13 ترويادا قارپوستىڭ ۇيىنە تاستاپ كەتكەن شاپانىمدى، سونداي-اق شيىرشىقتاردى، اسىرەسە جارعاقتان جاسالعاندارىن الا كەل.
14 مىس زەرگەرى ەسكەندىر ماعان كوپ جاماندىق جاسادى. ەحوبا وعان ىسىنە قاراي قارىمتاسىن قايتارادى+.
15 سەن دە ودان ساق بول، ويتكەنى ول حابارىمىزعا قاتتى قارسىلىق كورسەتتى.
16 العاش رەت ٶزىمدى قورعاپ سويلەگەندە، مەنى ەشكىم جاقتامادى، ٴبارى تاستاپ كەتتى. مۇنىسىن قۇداي ولاردىڭ موينىنا ارتپاي-اق قويسىن.
17 ٴبىراق مەن ارقىلى ۋاعىز ٸسى تولىق اتقارىلىپ، ونى بارلىق حالىقتار ەستۋ ٷشىن+، يەمىز قاسىمدا تۇرىپ، كۇش بەردى؛ مەن ارىستاننىڭ اۋزىنان قۇتقارىلدىم+.
18 يەمىز مەنى جاماندىق اتاۋلىدان قۇتقارىپ، ٶزىنىڭ كوكتەگى پاتشالىعى+ ٷشىن امان ساقتايدى. ول ماڭگى باقي داڭقتالا بەرسىن! اۋمين.
19 پريسكا* مەن اقيلاعا+، سونداي-اق ونيسيپوردىڭ ٷي ىشىنە+ سالەم ايت.
20 ەراست+ قورىنتتا قالدى، ال ٴتروفيمدى+ اۋىرىپ قالعاندىقتان ميلەتتە قالدىردىم.
21 قىس تۇسپەي كەلۋ ٷشىن قولىڭنان كەلگەننىڭ ٴبارىن ىستە.
ەۋبۇل، پۋدەن، لين، كلاۋديا جانە باسقا باۋىرلاستاردىڭ ٴبارى ساعان سالەم جولداۋدا.
22 تانىتىپ جۇرگەن جاقسى رۋحىڭ ٷشىن يەمىز ساعان جار بولسىن. ونىڭ راقىمى سەندەرگە جاۋا بەرسىن!
سىلتەمەلەر
^ نەمەسە «زاماندى». تۇسىندىرمەدەگى «زامان» ٴسوزىن قاراڭىز.
^ نەمەسە «پريسكيلا».
