تيتكە 2:1—15
2 ال سەن بۇدان بىلاي دا دۇرىس ىلىمگە ساي كەلەتىندى ايتا بەر+.
2 جاسى ۇلكەندەۋ ەر ادامدار بارلىق جاعىنان بايسالدى، ساليقالى، ەستى، سەنىمى بەرىك، سۇيىسپەنشىلىگى مەن توزىمدىلىگى زور بولۋى ٴتيىس.
3 سول سياقتى جاسى ۇلكەندەۋ ايەلدەردىڭ دە ٴجۇرىس-تۇرىستارى قاسيەتتىلەرگە لايىق بولۋى كەرەك. سونداي-اق ولار جالاقور، شاراپقا قۇمار بولماي، قايتا، ىزگىلىككە ۇيرەتسىن.
4 ولار وزىنەن كىشىلەردى اقىلعا شاقىرىپ، ٶز كۇيەۋلەرى مەن بالالارىن سۇيۋگە،
5 ەستى، پاك تازا، ٷي شارۋاسىنا ۇقىپتى ٵرى ىزگىلىكتى بولۋعا، كۇيەۋلەرىنە مويىنسۇنۋعا ۇيرەتسىن+. سوندا قۇداي ٴسوزى جاماندالمايدى.
6 جاس جىگىتتەردى دە ەستىلىككە شاقىرۋدان تالما+.
7 بارلىق جاعىنان يگى ىستەرىڭمەن ۇلگى كورسەت. بارىنشا ساليقالى بولىپ، پاك تازا نارسەلەر جونىندە* ٴتالىم بەر+.
8 سوزدەرىڭ ەشكىم سىنعا المايتىنداي دۇرىس بولسىن+، سوندا قارسىلاستار ٴبىزدى جامانداۋعا سەبەپ تاپپاي، ۇياتقا قالادى+.
9 قۇلدار ٶز قوجايىندارىنا بارلىق جاعىنان مويىنسۇنىپ+، كوڭىلدەرىنەن شىعۋعا تىرىسسىن. ولارعا قارسى سويلەمەسىن،
10 ەشتەڭەسىن ۇرلاماسىن+، قايتا، تولىقتاي سەنىم ارتۋعا تۇرارلىقتاي بولسىن. وسىلايشا قۇتقارۋشىمىز قۇدايدىڭ ٸلىمىن بارلىق جاعىنان كوركەيتسىن+.
11 ٵرتۇرلى ادامداردىڭ قۇتقارىلۋىنا جول اشىپ+، قۇداي ٶز راقىمىن انىق كورسەتتى.
12 بۇل راقىم ٴبىزدى وعان ۇنامسىز ٴجۇرىس-تۇرىستان جانە وسى دۇنيەلىك قۇمارلىقتاردان+ باس تارتۋعا، سونداي-اق وسى زاماندا* ەستى، ٵدىل ٵرى وعان شىن بەرىلىپ ٶمىر سۇرۋگە ۇيرەتەدى+.
13 ٴبىز كەرەمەت ٷمىتىمىزدىڭ+ اقتالۋىن ٵرى ۇلى قۇدايدىڭ جانە قۇتقارۋشىمىز يسا ٴماسىحتىڭ سالتاناتپەن كورىنۋىن كۇتە ٴجۇرىپ، وسىلاي ٶمىر ٴسۇرۋىمىز كەرەك.
14 ٴبىزدى ٴتۇرلى زاڭسىزدىققا تولى ومىردەن ازات ەتۋ+ ٷشىن جانە ٶزىنىڭ ەرەكشە مەنشىگى، ياعني يگى ىستەرگە ىنتالى حالقى، ەتىپ تازارتۋ+ ٷشىن ٴماسىح ٶمىرىن قيدى+.
15 وسىلاردى ٵرى قاراي دا ايتا بەر، ويتكەنى ساعان اقىل-كەڭەس بەرۋگە* ٵرى تۇزەتۋگە بارلىق بيلىك بەرىلدى+. ەشكىمنىڭ ٶزىڭدى مەنسىنبەۋىنە جول بەرمە.
سىلتەمەلەر
^ مۇمكىن: «پاك تازالىقپەن».
^ تۇسىندىرمەنى قاراڭىز.
^ نەمەسە «جىگەرلەندىرۋگە».
