جاقىپ 1:1—27
1 قۇدايدىڭ ٵرى يەمىز يسا ٴماسىحتىڭ قۇلى جاقىپتان+ جەر-جەرگە تاراپ كەتكەن 12 رۋعا دۇعاي سالەم!
2 باۋىرلاستارىم، ٵرتۇرلى سىناقتارعا ۇشىراعاندا، بۇنى زور قۋانىشپەن قابىلداڭدار+.
3 ويتكەنى وسىلاي سىنالعان سەنىمدەرىڭنىڭ تاباندىلىق تۋدىراتىنىن بىلەسىڭدەر+.
4 ٴبىراق تاباندىلىقتارىڭ تولىعىمەن كورسەتىلسىن، سوندا بارلىق جاعىنان كەمەلدى دە تولىسقان، ەش كەمشىلىكسىز بولاسىڭدار+.
5 ال قايسىبىرەۋىڭە دانالىق جەتپەي جاتسا، جومارتتىقپەن ٵرى ەش جازعىرماي بەرە سالاتىن+ قۇدايدان سۇراي بەرسىن+، سوندا وعان بەرىلەدى+.
6 تەك ەش كۇماندانباي+، سەنىممەن سۇراسىن+، سەبەبى كۇمانداناتىن ادام جەل ايداپ، ٵرى-بەرى سوقتىققان تەڭىز تولقىنىنا ۇقسايدى.
7 مۇنداي ادام ەحوبادان* بىردەڭە الامىن دەپ كۇتپەسىن.
8 ويتكەنى ول — بارلىق ىسىندە تۇراقسىز، ەكىويلى ادام+.
9 جارلى باۋىرلاس قۇدايدىڭ كوز الدىندا جوعارىلاتىلعانىنا+،
10 ال باي باۋىرلاس تومەندەتىلگەنىنە شاتتانسىن+، ويتكەنى باي ادام دالا گۇلى ىسپەتتى قۇرىپ كەتەدى.
11 كۇن شىعىپ، اپتاپ ىستىق باستالعاندا ٴشوپ قۋراپ، گۇل دە سولىپ، بار سۇلۋلىعىنان ايىرىلادى. سول سياقتى، باي ادامنىڭ ٶمىر سالتى دا قۋراپ، قۇرىپ جوق بولادى+.
12 سىناقتاردا تاباندىلىق تانىتاتىن ادام باقىتتى+، سەبەبى ەحوبانىڭ ىقىلاسىنا يە بولىپ، ٶزىن سۇيەتىندەرگە ۋادە ەتكەن+ ٶمىر ٴتاجىن الادى+.
13 باسىنا سىناق تۇسكەن ادام: «مەنى قۇداي سىناپ جاتىر»،— دەمەسىن. ويتكەنى ەشكىم قۇدايدى جاماندىقپەن سىناي المايدى، ونىڭ ٶزى دە ەشكىمدى جاماندىقپەن سىنامايدى.
14 كەرىسىنشە، ٵربىر ادام ٶز قۇمارلىعىنا ەلىگىپ، تورعا تۇسكەندىكتەن سىنالادى+.
15 ال قۇمارلىق دامىپ جەتىلگەندە، كۇنا تۋدىرادى. كۇنا بولسا، اقىرىندا، ولىمگە ۇشىراتادى+.
16 سۇيىكتى باۋىرلاستارىم، الدانباڭدار.
17 يگى دە كەمەلدى سيدىڭ ٴبارى كوكتەن+، اسپان شىراقتارىن جاراتقان اكەدەن كەلەدى+. ول قۇبىلمالى كولەڭكە ىسپەتتى ەمەس، ەش وزگەرمەيدى+.
18 جاراتقاندارىنىڭ اراسىنان تاڭداپ العان العاشقى ٶنىم بولۋىمىز ٷشىن+، ول ٶز قالاۋى بويىنشا، ٴبىزدى شىندىق ٴسوزى ارقىلى دۇنيەگە اكەلدى+.
19 سۇيىكتى باۋىرلاستارىم، مىنانى بىلىڭدەر: اركىم تىڭداۋعا جۇيرىك، سويلەۋگە+ جانە اشۋلانۋعا باياۋ بولسىن+.
20 ويتكەنى اشۋدىڭ جەتەگىندەگى ادام قۇدايدىڭ ادىلدىگىنە ساي ارەكەت ەتپەيدى+.
21 ەندەشە لاس نارسەلەردىڭ بارىنەن، جاماندىقتان تۇپتامىرىمەن ارىلىپ*+، جۇرەكتەرىڭە سەبىلىپ جاتقان ٵرى سەندەردى امان ساقتاي الاتىن ٴسوزدى كىشىپەيىلدىلىكپەن* قابىلداڭدار.
22 سەندەر ٶز-ٶزىن جاڭساق پىكىرمەن الدايتىن تىڭداۋشى عانا بولماي، قايتا، ٴسوزدى جۇزەگە اسىرۋشى بولىڭدار+.
23 ٴسوزدى تىڭداپ، ٴبىراق جۇزەگە اسىرمايتىن اركىم بەت الپەتىن كورۋ ٷشىن ايناعا قاراعان ادامعا ۇقسايدى+:
24 ول وزىنە قاراسا دا، بىلاي شىعا بەرە-اق قانداي ەكەنىن ۇمىتىپ قالادى.
25 ال ازاتتىققا جەتكىزەتىن كەمەلدى زاڭعا ۇڭىلە قاراپ+، ونى ۇستاناتىن ادام ۇمىتشاق تىڭداۋشى ەمەس، ٸستى جۇزەگە اسىرۋشى بولىپ، بۇدان باقىت تابادى+.
26 كىم ٶزىن قۇدايعا دۇرىس عيبادات ەتىپ ٴجۇرمىن دەپ ساناپ، ٴبىراق ٴتىلىن جۇگەندەمەسە+، ٶز-ٶزىن الداپ ٴجۇر. ونىڭ عيباداتى ەش پايداسىز.
27 قۇدايىمىز ٵرى اكەمىزدىڭ كوز الدىنداعى تازا دا ارامدالماعان عيبادات — جاپا شەككەن+ جەتىم-جەسىرلەرگە قامقورلىق جاساۋ+ جانە ٶزىمىزدى وسى دۇنيەدەگى ارامدىقتاردان كىرشىكسىز تازا ۇستاۋ+.
سىلتەمەلەر
^ بۇل — قۇدايدىڭ ەسىمى. تۇسىندىرمەنى قاراڭىز.
^ مۇمكىن: «ارالارىڭدا جايلاعان جاماندىقتان ارىلىپ».
^ نەمەسە «جۇمساقتىقپەن».
