جوحاننىڭ 3-حاتى 1:1—14
1 قىمباتتى گاي، ساعان ٶزىڭدى شىن جۇرەكتەن جاقسى كورەتىن اقساقال جازىپ وتىر.
2 سۇيىكتى باۋىرلاسىم، قۇدايدان دەنساۋلىعىڭنىڭ جاقسى بولۋىن جانە بارلىق ىستە بۇرىنعىداي يگىلىككە جەتە بەرۋىڭدى تىلەيمىن.
3 باۋىرلاستار كەلىپ، سەنىڭ شىندىقتى بەرىك ۇستانىپ، شىندىق جولىندا جۇرگەنىڭدى ايتقاندا، قاتتى قۋاندىم+.
4 مەن ٷشىن بالالارىمنىڭ شىندىق جولىندا جۇرگەنىن ەستۋدەن ارتىق قۋانىش جوق*+!
5 سۇيىكتى دوسىم، سەن وزىڭە بەيتانىس باۋىرلاستارعا ادال قىزمەت ەتىپ ٴجۇرسىڭ+.
6 ولار سەنىڭ سۇيىسپەنشىلىگىڭ جايلى قاۋىم الدىندا ايتىپ بەردى. مۇندايلاردى قۇدايعا ۇنايتىنداي ەتىپ شىعارىپ سالۋىڭدى وتىنەمىن+.
7 سەبەبى ولار ماسىحكە سەنبەيتىندەردەن ەشتەڭە الماي+، قۇدايدىڭ ەسىمى ٷشىن جولعا شىققان.
8 سوندىقتان مۇنداي ادامدارعا قوناقجايلىلىق تانىتۋعا مىندەتتىمىز+، سوندا ولارمەن شىندىق جولىندا قىزمەتتەس بولامىز+.
9 مەن قاۋىمعا حات جازعان ەدىم، ٴبىراق ولاردىڭ اراسىندا باسشى بولعىسى كەلەتىن+ ديوترەپ ايتقاندارىمىزدى سي-قۇرمەتپەن قابىلداماي ٴجۇر+.
10 سوندىقتان، ەگەر بارسام، ىستەرىنىڭ ٴبارىن ەسىنە سالامىن. ول ٴبىزدى جامانداپ* ٴجۇر ەكەن+، مۇنىسىمەن قويماي، باۋىرلاستاردى قۇرمەتپەن قابىلدامايدى+، ال قابىلداعىسى كەلەتىندەرگە كەدەرگى جاساۋعا جانە ولاردى قاۋىمنان شىعارۋعا تىرىسادى.
11 سۇيىكتى باۋىرلاسىم، جاماندىققا ەمەس، جاقسىلىققا ەلىكتە+. جاقسىلىق جاسايتىن ادام قۇدايدان+. ال جاماندىق جاسايتىن ادام قۇدايدى كورمەگەن+.
12 دەمەتىر جونىندە بولسا ٴبارى جاقسى سوزدەر ايتادى، ٵرى بۇنىڭ راس ەكەنى ونىڭ شىندىققا ساي ٶمىر سۇرگەنىنەن كورىنەدى. مۇنى ٴبىز دە راستايمىز، ال ٴبىزدىڭ ٴسوزىمىزدىڭ شىن ەكەنىن ٶزىڭ بىلەسىڭ.
13 ساعان ايتارىم كوپ ەدى، ٴبىراق مۇنى سيا، قالاممەن جازعىم كەلمەدى.
14 سەنى جاقىندا كورەمىن دەپ ۇمىتتەنەمىن، سوندا جۇزبە-ٴجۇز سويلەسەمىز.
ساعان تىنىشتىق تىلەيمىن!
بۇل جاقتاعى دوستارىمىز سالەم ايتىپ جاتىر. سەن دە سونداعى دوستارىمىزعا جەكە-جەكە سالەم ايت.
