حاگەي 1:1—15
1 داريي پاتشانىڭ بيلىك قۇرۋىنىڭ ەكىنشى جىلى، التىنشى ايدىڭ ٴبىرىنشى كۇنى ەحوبا* حاگەي*+ پايعامبار ارقىلى ياھۋدا ٵمىرشىسى سالاتەل ۇلى زوروبابەلگە+ جانە باس ٴدىني قىزمەتكەر ەحوسادىق ۇلى ەشۋاعا ٴسوزىن ارناپ بىلاي دەدى:
2 «اسكەرباسى ەحوبا: —مىنا حالىق ەحوبانىڭ ٷيىن تۇرعىزاتىن ۋاقىت ٵلى كەلگەن جوق دەپ ٴجۇر،— دەيدى+».
3 ەحوبا حاگەي+ پايعامبار ارقىلى تاعى دا مىنانى ايتتى:
4 «مەنىڭ ٷيىم قيراپ جاتقاندا+، ادەمى اعاشپەن قاپتالعان ۇيلەردە تۇراتىن ۋاقىت پا؟
5 اسكەرباسى ەحوبا بىلاي دەيدى: —ٶز جولدارىڭا نازار سالىڭدار.
6 سەندەر كوپ تۇقىم سەبەسىڭدەر، ٴبىراق از ٶنىم جينايسىڭدار+. جەيسىڭدەر، ٴبىراق تويمايسىڭدار. ىشەسىڭدەر، ٴبىراق شولدەرىڭ قانبايدى. كيىم كيەسىڭدەر، ٴبىراق جىلىنبايسىڭدار. جالدانىپ جۇمىس ىستەگەندەر جالاقىسىن شۇرىق تەسىك قالتاعا سالۋدا.
7 ٶز جولدارىڭا نازار سالىڭدار،— دەيدى اسكەرباسى ەحوبا.
8 تاۋعا شىعىپ، بورەنەلەر اكەلىپ+، مەنىڭ ٷيىمدى تۇرعىزىڭدار+. سوندا ريزا بولامىن، ٵرى داڭقىم شىعادى+،— دەيدى ەحوبا.
9 سەندەر مول ٶنىم كۇتكەنمەن، از جينادىڭدار. ونى ۇيلەرىڭە اكەلگەندە، مەن ۇرلەپ ۇشىرىپ جىبەردىم+. نەگە؟— دەيدى اسكەرباسى ەحوبا.— ويتكەنى مەنىڭ ٷيىم قيراپ جاتقاندا، سەندەر ٶز ۇيلەرىڭنىڭ قامىمەن ٵرى-بەرى شاپقىلاپ جۇرسىڭدەر+.
10 سوندىقتان توبەلەرىڭدەگى اسپان شىق تۇسىرمەي، ال جەر ٶنىم بەرمەي قويدى.
11 مەن جەرگە، تاۋلارعا، استىققا، جاڭا شاراپقا، ٴزايتۇن مايىنا، جەر ونىمىنە، ادامدارعا، مالعا جانە قولدارىڭمەن اتقارعان بار ەڭبەكتەرىڭە قۋاڭشىلىق جىبەردىم».
12 سوندا سالاتەل+ ۇلى زوروبابەل+، ٴدىني قىزمەتكەر ەحوسادىق+ ۇلى ەشۋا جانە سونداعى حالىق قۇدايلارى ەحوبانىڭ حاگەي پايعامبار ارقىلى ايتقان سوزدەرىنە قۇلاق استى. ويتكەنى ونى ەحوبا قۇدايلارى جىبەرگەن ەدى. حالىق ەحوبادان قورقىپ، ونى قاستەرلەي باستادى.
13 ەحوبانىڭ حابارشىسى حاگەي ەحوبانىڭ تاپسىرماسىن ورىنداپ، حالىققا مىنا حاباردى جەتكىزدى: «ەحوبا: —مەن سەندەرگە جار بولامىن+،— دەيدى».
14 سودان ەحوبا ياھۋدانىڭ ٵمىرشىسى+ سالاتەل ۇلى زوروبابەلدىڭ، ٴدىني قىزمەتكەر ەحوسادىق ۇلى ەشۋا+ مەن بارشا حالىقتىڭ رۋحىنا قوزعاۋ سالدى+. ولار كەلىپ، قۇدايلارى اسكەرباسى ەحوبانىڭ ٷيىن تۇرعىزۋعا كىرىستى+.
15 بۇل داريي پاتشانىڭ بيلىك قۇرۋىنىڭ ەكىنشى جىلى+، التىنشى ايدىڭ جيىرما ٴتورتىنشى كۇنى بولدى.
