حاگەي 2:1—23
2 جەتىنشى ايدىڭ جيىرما ٴبىرىنشى كۇنى حاگەي+ پايعامبار ارقىلى ەحوبا بىلاي دەدى:
2 «ياھۋدانىڭ ٵمىرشىسى+ سالاتەل ۇلى زوروبابەلدەن+، باس ٴدىني قىزمەتكەر ەحوسادىق+ ۇلى ەشۋا+ مەن قالعان جۇرتتان مىنانى سۇراشى:
3 —ارالارىڭدا مىنا ٷيدىڭ بۇرىنعى سالتاناتىن كورگەن ادام بار ما+؟ بۇل ٷيدىڭ قازىرگى كورىنىسى قانداي؟ بۇرىنعىسىمەن سالىستىرعاندا، تۇككە تۇرعىسىز بولىپ تۇر ەمەس پە+؟
4 دەگەنمەن بەرىك بول، زوروبابەل. سەن دە بەرىك بول، باس ٴدىني قىزمەتكەر ەحوسادىق ۇلى ەشۋا،— دەيدى ەحوبا.
وسى ەلدەگى كۇللى حالىق، سەندەر دە بەرىك بولىپ+، جۇمىستى قولعا الىڭدار،— دەيدى ەحوبا.
ويتكەنى مەن سەندەرگە جار بولامىن+،— دەيدى اسكەرباسى ەحوبا.—
5 مىسىردان شىققاندا سەندەرگە نەنى ۋادە ەتكەنىمدى ۇمىتپاڭدار+، مەنىڭ رۋحىم ارالارىڭدا بولا بەرمەك*+. ەش قورىقپاڭدار+.
6 ويتكەنى اسكەرباسى ەحوبا مىنانى ايتادى: —از ۋاقىتتان سوڭ مەن تاعى دا ٴبىر رەت اسپان مەن جەردى، تەڭىز بەن قۇرلىقتى شايقالتامىن+.
7 مەن بارلىق حالىقتاردى سىلكيمىن، سوندا بارلىق حالىقتاردىڭ باعالى قازىنالارى وسى ۇيگە كەلەدى+، وسىلاي مەن ونى داڭققا بولەيمىن+،— دەيدى اسكەرباسى ەحوبا.
8 كۇمىس تە مەنىكى، التىن دا مەنىكى،— دەيدى اسكەرباسى ەحوبا.
9 بۇل ٷيدىڭ بولاشاقتاعى سالتاناتى بۇرىنعى ۇيدىكىنەن دە زور بولادى+،— دەيدى اسكەرباسى ەحوبا.
مەن وسى جەرگە تىنىشتىق ورناتامىن+،— دەيدى اسكەرباسى ەحوبا».
10 توعىزىنشى ايدىڭ جيىرما ٴتورتىنشى كۇنى، داريي پاتشانىڭ بيلىك قۇرۋىنىڭ ەكىنشى جىلى، ەحوبا حاگەي+ پايعامبارعا ٴسوزىن ارناپ بىلاي دەدى:
11 «اسكەرباسى ەحوبا ٴدىني قىزمەتكەرلەردەن زاڭ+ جايىندا مىنانى سۇراشى دەيدى:
12 —ەگەر الدەبىرەۋ قاسيەتتى ەتتى كيىمىنىڭ قوينىنا سالىپ اكەلە جاتىپ، ول نانعا نە كوجەگە، نە شاراپقا، نە ٴزايتۇن مايىنا، نە باسقا ٴبىر تاعامعا ٴتيىپ كەتسە، سول تاعام قاسيەتتى بولا ما؟» بۇعان ٴدىني قىزمەتكەرلەر: «جوق!»— دەپ جاۋاپ بەردى.
13 حاگەي: «ەگەر مايىتكە ٴتيىپ، ارامدالعان ادام سول نارسەلەرگە ٴتيىپ كەتسە، ولار ارامدالا ما+؟»— دەپ سۇراعاندا، ٴدىني قىزمەتكەرلەر: «ٴيا، ارامدالادى»،— دەپ جاۋاپ بەردى.
14 سوندا حاگەي مىنانى ايتتى: «ەحوبا بىلاي دەيدى: —مىنا ادامدار دا، مىنا حالىق تا، ولاردىڭ جاساعان ىستەرىنىڭ ٴبارى دە مەنىڭ كوز الدىمدا ٴدال وسىنداي. ولاردىڭ ماعان ۇسىنعاندارىنىڭ بارلىعى ارامدالعان.
15 ال ەندى وسى كۇننەن باستاپ مىنا جايلى ويلانىڭدارشى: ەحوبانىڭ عيباداتحاناسىنىڭ تاستارى قالانباي تۇرعاندا+،
16 جاعداي قانداي بولعان ەدى؟ سول كەزدە ۇيىلگەن استىقتان 20 سەبەت ٴدان الامىن دەپ بارعان ادام نەبارى 10 سەبەت الاتىن. ٴجۇزىم سىعاتىن استاۋدان 50 ىدىس شاراپ الامىن دەپ بارعان ادام بار-جوعى 20 ىدىس الاتىن+.
17 مەن سەندەردى جازالاپ، ىستەگەن ىستەرىڭنىڭ ٴبارىن اپتاپ جەلمەن، زەڭمەن+، بۇرشاقپەن زاقىمدادىم. سوندا دا بىردە-بىرەۋىڭ ماعان بەت بۇرمادىڭدار،— دەيدى ەحوبا.
18 بۇگىن، توعىزىنشى ايدىڭ جيىرما ٴتورتىنشى كۇنى، ەحوبانىڭ عيباداتحاناسىنىڭ ىرگەتاسى قالاندى+. وسى كۇننەن باستاپ مىنا جايلى ويلانىڭدارشى:
19 قامبالارىڭدا* استىق بار ما+؟ ٴجۇزىم، ٸنجىر، انار، ٴزايتۇن اعاشتارىڭ ٵلى جەمىس بەرگەن جوق، سولاي عوي؟ ال ەندى وسى كۇننەن باستاپ سەندەرگە باتامدى جاۋدىرامىن+».
20 سول ايدىڭ جيىرما ٴتورتىنشى كۇنى ەحوبا ەكىنشى رەت حاگەيگە ٴسوزىن ارناپ+ بىلاي دەدى:
21 «ياھۋدانىڭ ٵمىرشىسى زوروبابەلگە مىنانى ايت: —مەن اسپان مەن جەردى سىلكيمىن+.
22 مەن پاتشالاردىڭ تاقتارىن توڭكەرىپ، حالىقتاردىڭ پاتشالىقتارىن كۇش-قۋاتىنان ايىرامىن+. سوعىس اربالارىن ادامدارىمەن قوسا اۋدارىپ تاستايمىن. سالت اتتىلار استىنداعى اتتارىمەن قۇلاپ، ٴارقايسىسى ٶز باۋىرىنىڭ سەمسەرىنەن قازا تابادى+.
23 سول كۇنى قىزمەتشىم، سالاتەل+ ۇلى زوروبابەل+، سەنى شاقىرامىن،— دەيدى اسكەرباسى ەحوبا.— سەنى ٴمورلى جۇزىك ىسپەتتى ەتەمىن، ويتكەنى مەن سەنى تاڭداپ الدىم،— دەيدى ەحوبا. اسكەرباسى ەحوبا وسىنى ايتادى».
سىلتەمەلەر
^ مۇمكىن: «سول كەزدە رۋحىم ارالارىڭدا بولعان».
^ نەمەسە «استىق ساقتايتىن شۇڭقىرلارىڭدا».