دانيال 6:1—28
6 داريي بۇكىل پاتشالىعىنا 120 ساتراپ تاعايىنداۋدى ٴجون كوردى+.
2 ال ولاردىڭ ۇستىنەن ٷش ٴۋازىر قويدى، سولاردىڭ ٴبىرى دانيال ەدى+. پاتشا شىعىنعا ۇشىراماس ٷشىن، ساتراپتار+ ۋازىرلەرگە ەسەپ بەرىپ تۇراتىن بولدى.
3 دانيال اسقان قابىلەتتى بولعاندىقتان، باسقا ۋازىرلەر مەن ساتراپتاردىڭ اراسىنان وزىق بولدى+. سوندىقتان پاتشا ونى بۇكىل پاتشالىعىنىڭ ۇستىنەن قويماق بولىپ ٴجۇردى.
4 سول ۋاقىتتا وزگە ۋازىرلەر مەن ساتراپتار دانيالعا پاتشالىق ىستەرىنە قاتىستى ايىپ تاعۋعا سەبەپ ىزدەستىردى. الايدا وعان ايىپ تاعاتىنداي بىردە-ٴبىر قاتەلىك نە زاڭسىزدىق تابا المادى. ويتكەنى دانيال سەنىمدى، جۇمىسىنا ۇقىپتى، ەشقانداي زاڭسىزدىققا بارمايتىن ادام ەدى.
5 سوندا ولار: «دانيالدان قۇدايىنىڭ زاڭىنا قاتىستى بولماسا، باسقا جاعىنان ەشقانداي ايىپ تابا المايمىز+»،— دەستى.
6 ٴسۇيتىپ، ۋازىرلەر مەن ساتراپتار پاتشانىڭ الدىنا ٴبىر توپ بولىپ كىرىپ، وعان: «ۋا، داريي پاتشا، ماڭگى جاساڭىز!
7 پاتشانىڭ بارلىق قىزمەتكەرلەرى، باسشىلار*، ساتراپتار، جوعارعى قىزمەتكەرلەر مەن امىرشىلەر ٶزارا اقىلداسىپ، پاتشا كەلەسىدەي جارلىق شىعارىپ، تيىم سالسا ەكەن دەگەن ويعا كەلدىك: ۋا، پاتشا، كىمدە-كىم 30 كۇن ىشىندە وزىڭىزگە ەمەس، باسقا ٴبىر قۇدايعا نە پەندەگە باس ۇرىپ، ٶتىنىش جاساسا، سول ادام ارىستانداردىڭ ورىنا تاستالسىن+.
8 ۋا، پاتشا، وسىنداي جارلىق شىعارىپ، قول قويىڭىز+. وسىلايشا ميديالىقتار مەن پارسىلاردىڭ ەشقاشان كۇشىن جوعالتپايتىن زاڭىنا سايكەس، ول ەش وزگەرتىلمەسىن+»،— دەدى.
9 سودان داريي پاتشا تيىم سالۋ تۋرالى جارلىققا قول قويدى.
10 دانيال جارلىقتىڭ قول قويىپ بەكىتىلگەنىن ەستي سالا ۇيىنە باردى. ٷيىنىڭ جوعارعى بولمەسىنىڭ يەرۋساليمگە قاراعان+ تەرەزەلەرى اشىق تۇراتىن. دانيال سول جەردە ادەتتەگىدەي كۇنىنە ٷش رەت تىزە بۇگىپ، قۇدايعا دۇعا ەتىپ، ونى ماداقتاۋدى جالعاستىرا بەردى.
11 سودان الگى كىسىلەر ىشكە كىرىپ كەلىپ، دانيالدىڭ ٶز قۇدايىنا جالبارىنىپ، راقىم ەتۋىن سۇراپ جاتقانىن كوردى.
12 ولار پاتشانىڭ الدىنا بارىپ، ونىڭ تيىم سالۋ تۋرالى جارلىعىن ەسىنە سالىپ: «ۋا، پاتشا، كىمدە-كىم 30 كۇن ىشىندە وزىڭىزگە ەمەس، باسقا ٴبىر قۇدايعا نە پەندەگە باس ۇرىپ، ٶتىنىش جاساسا، سول ادام ارىستانداردىڭ ورىنا تاستالسىن دەپ تيىم سالىنعان جارلىققا قول قويماپ پا ەدىڭىز؟»— دەدى. پاتشا: «ٴيا، ميديالىقتار مەن پارسىلاردىڭ ەشقاشان كۇشىن جوعالتپايتىن زاڭىنا+ سايكەس، بۇل ماسەلە ٴبىرجولا شەشىلگەن»،— دەپ جاۋاپ بەردى.
13 سوندا الگىلەر دەرەۋ: «ۋا، پاتشا، ياھۋدادان جەر اۋدارىلىپ كەلگەن دانيال+ ٶزىڭىزدى دە، تيىم سالۋ تۋرالى بەكىتكەن جارلىعىڭىزدى دا ەلەمەيدى. ول كۇنىنە ٷش رەت قۇدايىنا دۇعا ەتىپ ٴجۇر+»،— دەدى.
14 مۇنى ەستىگەندە، پاتشانىڭ كوڭىلى قاتتى ٴتۇسىپ كەتتى. ول دانيالدى امان الىپ قالۋدىڭ جولىن ىزدەستىردى. كۇن باتقانعا دەيىن ول ونى قۇتقارىپ قالۋدىڭ بار امالىن جاسادى.
15 اقىرىندا، الگىلەر پاتشانىڭ الدىنا ٴبىر توپ بولىپ كىرىپ، وعان: «ۋا، پاتشا، ميديالىقتار مەن پارسىلاردىڭ زاڭىنا سايكەس، پاتشا سالعان تىيىمدى نە شىعارعان جارلىقتى وزگەرتۋگە بولمايتىنىن+ ەسىڭىزدەن شىعارماڭىز»،— دەدى.
16 سودان پاتشانىڭ بۇيرىعىمەن دانيال اكەلىنىپ، ارىستانداردىڭ ورىنا تاستالدى+. پاتشا دانيالعا: «ٶزىڭ ۇزدىكسىز قىزمەت ەتىپ كەلە جاتقان قۇدايىڭ سەنى قۇتقارىپ قالادى»،— دەدى.
17 سوسىن تاس اكەلىنىپ، وردىڭ اۋزىنا قويىلدى. دانيالعا شىعارىلعان ۇكىم وزگەرتىلمەس ٷشىن، پاتشا ٶزىنىڭ جانە ۇلىقتارىنىڭ ٴمورلى جۇزىگىمەن تاسقا ٴمور باستى.
18 پاتشا ٶز سارايىنا بارىپ، ٴتۇنى بويى ورازا ۇستادى، كوڭىل-كوتەرۋدەن* دە باس تارتتى. تۇندە ۇيقىسى قاشىپ، كوز ىلمەي شىقتى.
19 تاڭ قىلاڭ بەرە پاتشا ورنىنان تۇرىپ، ارىستاننىڭ ورىنا قاراي اسىعىس ٴجۇرىپ كەتتى.
20 وردىڭ جانىنا بارىپ، دانيالدى ايانىشتى داۋىسپەن شاقىرىپ: «دانيال، ٴتىرى قۇدايدىڭ قىزمەتشىسى، ٶزىڭ ۇزدىكسىز قىزمەت ەتىپ كەلە جاتقان قۇدايىڭ سەنى ارىستانداردان قۇتقارىپ قالا الدى ما؟»— دەدى.
21 دانيال دەرەۋ بىلاي جاۋاپ قاتتى: «ۋا، پاتشا، ماڭگى جاساڭىز!
22 قۇدايىم پەرىشتەسىن جىبەرىپ، ارىستانداردىڭ اۋزىن جاۋىپ تاستادى+. ولار ماعان ەش زيان كەلتىرمەدى+. ويتكەنى قۇداي مەنى كىناسىز دەپ تاپتى. ۋا، پاتشا، سىزگە دە ەش جاماندىق جاساعان ەمەسپىن».
23 پاتشا قاتتى قۋانىپ كەتتى دە، دانيالدى وردان شىعارۋدى بۇيىردى. وردان شىعارىلعاندا، دانيالدىڭ بىردە-ٴبىر جەرى زاقىمدالماعان ەكەن، سەبەبى ول ٶز قۇدايىنا سەنىم ارتقان ەدى+.
24 سودان سوڭ پاتشا ٵمىر بەرىپ، دانيالدى ايىپتاعان* كىسىلەردى الدىرتتى. ٴسۇيتىپ، ولاردى ايەلدەرىمەن، بالا-شاعاسىمەن قوسا، ارىستانداردىڭ ورىنا تاستاتتى. وردىڭ تۇبىنە جەتپەي جاتىپ-اق، ارىستاندار ولارعا باس سالىپ، پارشا-پارشاسىن شىعاردى+.
25 سوسىن داريي پاتشا جەر بەتىندەگى بارلىق حالىقتارعا، ۇلتتار مەن ٵرتۇرلى ٴتىلدىڭ ادامدارىنا بىلاي دەپ حات جولدادى+: «سەندەرگە مول تىنىشتىق تىلەيمىن!
26 مەن مىنانى بۇيىرامىن: پاتشالىعىمنىڭ بۇكىل ايماعىنداعى حالىقتار دانيالدىڭ قۇدايىنان قورقىپ، ٴدىرىل قاقسىن+. ويتكەنى ول — ٴتىرى قۇداي، ول ماڭگى جاسايدى. ونىڭ پاتشالىعى ەشقاشان جويىلمايدى، بيلىگى ماڭگىگە جالعاسادى+.
27 ول ٶز حالقىن قۇتقارادى+، امان ساقتايدى، اسپان مەن جەردە بەلگىلەر كورسەتەدى+، تاڭعاجايىپ ىستەر جاسايدى. سول قۇداي دانيالدى ارىستانداردىڭ ازۋىنان امان الىپ قالدى».
28 دانيالدىڭ جاعدايى ٴدارييدىڭ+ دە، پارسى پاتشاسى كيردىڭ دە پاتشالىعىندا وركەندەي بەردى+.
سىلتەمەلەر
^ نەمەسە «پرەفەكتەر». تۇسىندىرمەدەگى «پرەفەكت» ٴسوزىن قاراڭىز.
^ مۇمكىن: «ٵن-كۇي ورىنداۋشىلاردى الدىرتۋدان».
^ نەمەسە «جالا جاپقان».
