دانيال 8:1—27
8 الدىڭعى كورىنىستەن كەيىن، مەن، دانيال، بەلشازار+ پاتشانىڭ بيلىك قۇرۋىنىڭ ٷشىنشى جىلى تاعى ٴبىر كورىنىس كوردىم+.
2 سول كورىنىستى كورگەندە، مەن ەلام+ ايماعىنداعى سۋزى+ بەكىنىسىندە ەدىم. كورىنىس كەزىندە ۋلاي سۋىنىڭ جاعاسىندا تۇر ەكەنمىن.
3 قاراسام، جاعادا ەكى ٴمۇيىزدى قوشقار+ تۇر ەكەن. ونىڭ ەكى ٴمۇيىزى+ دە ۇزىن، ٴبىراق بىرەۋى ەكىنشىسىنەن ۇزىنداۋ ەدى. ۇزىنداۋى كەيىنىرەك ٶسىپ شىققان بولاتىن+.
4 قوشقاردىڭ باتىسقا، سولتۇستىك پەن وڭتۇستىككە قاراي سۇزگىلەپ ايبات شەگىپ تۇرعانىن كوردىم. وعان بىردە-ٴبىر جابايى اڭ قارسى كەلە المادى جانە ونىڭ قۇدىرەتىنەن قۇتقاراتىن ەشكىم دە بولمادى+. قوشقار قالاعانىن ىستەپ، ٶز-ٶزىن اسقاقتاتتى.
5 قاراپ تۇرعانىمدا، باتىستان ٴبىر تەكە+ كەلە جاتتى. ول بۇكىل جەر بەتىمەن تۇياعى جەرگە تيمەي كەلەدى ەكەن. تەكەنىڭ ەكى كوزىنىڭ ورتاسىندا سويديعان ٴمۇيىزى بولدى+.
6 تەكە وزەن جاعاسىنداعى مەن كورگەن ەكى ٴمۇيىزدى قوشقارعا قاراي بەت الىپ، وعان زور قاھارمەن ۇمتىلدى.
7 مەن ونىڭ قوشقارعا جاقىنداپ كەلىپ، ونى دولدانا ٴسۇزىپ، ەكى ٴمۇيىزىن سىندىرعانىن كوردىم. قوشقاردىڭ وعان توتەپ بەرۋگە قاۋقارى جەتپەدى. تەكە ونى جەرگە قۇلاتىپ، تاپتاپ تاستادى. قوشقاردى ونىڭ قۇدىرەتىنەن قۇتقاراتىن ەشكىم بولمادى.
8 تەكە اسقاقتاعان ۇستىنە اسقاقتاي ٴتۇستى. ٴبىراق ابدەن كۇشىنە مىنگەندە، ۇلكەن ٴمۇيىزى سىنىپ قالدى. ونىڭ ورنىنا جەردىڭ ٴتورت باعىتىنا* قاراعان سويديعان ٴتورت ٴمۇيىز ٶسىپ شىقتى+.
9 سول مۇيىزدەردىڭ بىرىنەن تاعى ٴبىر كىشكەنتاي ٴمۇيىز شىقتى. ول وڭتۇستىككە، شىعىسقا جانە كورىكتى جەرگە+ قاراي ٶسىپ، ۇلعايا بەردى.
10 ونىڭ ۇلعايعانى سونشا — كوكتىڭ اسكەرىنە* دەيىن جەتىپ، سولاردىڭ جانە جۇلدىزداردىڭ كەيبىرىن جەرگە قۇلاتىپ، تاپتاپ تاستادى.
11 ول ٴتىپتى اسكەر ٵمىرشىسىنىڭ الدىندا ٶزىن اسقاقتاتتى. امىرشىدەن ۇدايى شالىناتىن قۇرباندىق الىنىپ قويىلدى جانە ونىڭ ورناتقان قاسيەتتى ورنى قيراتىلدى+.
12 كۇنانىڭ كەسىرىنەن اسكەر مەن ۇدايى شالىناتىن قۇرباندىق ٴمۇيىزدىڭ قولىنا بەرىلدى. ول شىندىقتى جەرگە لاقتىرىپ، بارلىق ىسىندە تابىستى بولدى.
13 سودان سوڭ مەن ٴبىر قاسيەتتىنىڭ سويلەپ تۇرعانىن ەستىدىم. باسقا ٴبىر قاسيەتتى ودان: «ۇدايى شالىناتىن قۇرباندىق پەن ٴبارىن قاڭىراتىپ بوس قالدىراتىن كۇناعا، سونداي-اق قاسيەتتى ورىن مەن اسكەردىڭ تاپتالۋىنا قاتىستى كورىنىس قاشانعا دەيىن جالعاسادى+؟»— دەپ سۇرادى.
14 سوندا ول ماعان: «2300 كەش پەن تاڭ وتكەنگە دەيىن جالعاسادى. كەيىن قاسيەتتى ورىن مىندەتتى تۇردە دۇرىس قالپىنا كەلتىرىلەدى»،— دەدى.
15 مەن، دانيال، وسى كورىنىسكە قاراپ، ونى تۇسىنۋگە تىرىسىپ تۇرعانىمدا، كەنەت ٴدال الدىمدا ادامعا ۇقساس بىرەۋدىڭ تۇرعانىن كوردىم.
16 سوندا ۋلاي وزەنىنىڭ+ ورتاسىنان ٴبىر ادامنىڭ داۋىسىن ەستىدىم. ول: «جابىرەيىل+، مىنا كىسىگە كورگەندەرىنىڭ ٴمانىن ٴتۇسىندىرىپ بەر+»،— دەپ داۋىستادى.
17 ول مەن تۇرعان جەرگە جاقىنداپ كەلگەندە، زارە-قۇتىم قالماي، جەرگە ەتپەتتەپ جاتا كەتتىم. سوندا ول ماعان: «ۋا، ادام بالاسى، بۇل كورىنىس اقىرعى ۋاقىتتا ورىندالاتىنىن ٴبىلىپ قوي+»،— دەدى.
18 ول ماعان سويلەپ تۇرعاندا، ەتپەتىمنەن جاتقان كۇيى قاتتى ۇيىقتاپ كەتىپپىن. سول كەزدە ول ماعان قولىن تيگىزىپ، مەنى بۇرىنعى ورنىما قايتا تۇرعىزدى+.
19 سوسىن بىلاي دەدى: «مەن ساعان قۇدايدىڭ قاھارى توگىلەتىن كەزدىڭ سوڭىندا نە بولاتىنىن بىلدىرمەكپىن، ويتكەنى بۇل كورىنىس الدىن الا بەلگىلەنگەن اقىرعى ۋاقىتقا قاتىستى+.
20 سەن كورگەن ەكى ٴمۇيىزدى قوشقار ميديا مەن پەرسيا پاتشالارىن بىلدىرەدى+.
21 ال سابالاق ٴجۇندى تەكە گرەكيا پاتشاسىن+، ەكى كوزىنىڭ ورتاسىنداعى ۇلكەن ٴمۇيىز ونىڭ ٴبىرىنشى پاتشاسىن بىلدىرەدى+.
22 سول ٴمۇيىزدىڭ سىنىپ، ورنىنا ٴتورت ٴمۇيىزدىڭ شىققانى+ ونىڭ حالقىنان ٴتورت پاتشالىق شىعاتىنىن، ٴبىراق بۇلاردىڭ ول سياقتى كۇشتى بولمايتىنىن بىلدىرەدى.
23 ولاردىڭ پاتشالىعىنىڭ سوڭىندا، قىلمىسكەرلەر كۇناعا بەلشەدەن باتقاندا*، ەكىۇشتى سوزدەردى تۇسىنەتىن* ٴتۇرى ىزعارلى ٴبىر پاتشا شىعادى.
24 ول ابدەن كۇشەيىپ الادى، ٴبىراق ٶزىنىڭ كۇش-قۋاتىمەن ەمەس. ول عالامات ويران سالىپ، نە ىستەسە دە، تابىستى بولادى. سونداي-اق كۇشتىلەردى جانە قاسيەتتىلەردەن تۇراتىن حالىقتى كۇيرەتەدى+.
25 ول قۋلىقپەن كوپتى اداستىرادى، جۇرەگىندە ٶز-ٶزىن اسقاقتاتىپ، كوپشىلىكتى قاۋىپسىز كەزدە* كۇيرەتەدى. ٴتىپتى امىرشىلەردىڭ امىرشىسىنە قارسى تۇرادى، الايدا ول تالقاندالادى، ٴبىراق بۇل ادام بالاسىنىڭ قولىنان بولمايدى.
26 كورىنىستە كەشتەر مەن تاڭدار تۋرالى ايتىلعاندار — شىندىق. الايدا بۇل كورىنىستى قۇپيا ساقتا، ويتكەنى ونىڭ ورىندالۋىنا ٵلى تالاي ۋاقىت بار+».
27 مەن، دانيال، ابدەن قالجىراپ، بىرنەشە كۇن اۋىرىپ جاتىپ قالدىم+. كەيىن تۇرىپ، پاتشانىڭ ىسىنە كىرىستىم+. ٴبىراق كورگەن كورىنىستەن ەس جيا الماي ٴجۇردىم، ونى ەشكىم تۇسىنە المادى+.
سىلتەمەلەر
^ سوزبە-ٴسوز «اسپاننىڭ ٴتورت جەلىنە».
^ مۇنداعى «اسكەر» ٴسوزى كوكتەگى رۋحاني تۇلعالارعا دا نۇسقاۋى مۇمكىن.
^ نەمەسە «كۇناسى شەگىنە جەتكەندە».
^ نەمەسە «اسقان ايلاكەر».
^ مۇمكىن: «ەسكەرتپەستەن».
