دانيال 9:1—27
9 حالدەيلەردىڭ پاتشالىعىنا پاتشا ەتىپ قويىلعان+ ميديالىقتاردان شىققان احاشۆەروشتىڭ ۇلى ٴدارييدىڭ+ بيلىك قۇرۋىنىڭ ٴبىرىنشى جىلى ەدى.
2 ٴيا، ونىڭ بيلىگىنىڭ ٴبىرىنشى جىلىندا مەن، دانيال، جازبالاردى* زەرتتەپ، ەحوبانىڭ ەرەميا پايعامبارعا ايتقانىنداي، يەرۋساليمنىڭ قاڭىراپ بوس جاتاتىن+ ۋاقىتى 70-جىلعا+ سوزىلاتىنىن ٴبىلدىم.
3 سودان مەن شىنايى قۇداي ەحوباعا ٴجۇزىمدى بۇرىپ، ورازا ۇستاپ+، ازالى كيىم* كيىپ، ۇستىمە كۇل شاشىپ، جالبارىنا دۇعا ەتتىم.
4 كۇنالارىمىزدى مويىنداپ، ەحوبا قۇدايىما بىلاي دەپ سيىندىم:
«ۋا، شىنايى قۇداي ەحوبا، سەن ۇلى دا ايبىندى، كەلىسىمىڭدى بۇزبايتىن، ٶزىڭدى ٴسۇيىپ، زاڭدارىڭدى ورىندايتىندارعا+ اينىماس سۇيىسپەنشىلىك تانىتاتىن قۇدايسىڭ+!
5 ٴبىز كۇناعا باتتىق، جامان دا زۇلىم ىستەر جاساپ، ساعان قارسى شىقتىق+. سەنىڭ بۇيرىقتارىڭ مەن زاڭدارىڭنان تايىپ كەتتىك.
6 سەنىڭ اتىڭنان پاتشالارىمىزعا، امىرشىلەرىمىزگە، اتا-بابالارىمىزعا، ەلىمىزدەگى بۇكىل حالىققا سويلەگەن قىزمەتشىلەرىڭ — پايعامبارلارعا قۇلاق اسپادىق+.
7 ۋا، ەحوبا، سەن ٵدىلسىڭ، ال ٴبىز بۇگىندە قارابەت بولىپ وتىرمىز. ٴبارىمىز دە — ياھۋدانىڭ ادامدارى، يەرۋساليم تۇرعىندارى، ساعان وپاسىزدىق جاساعانى ٷشىن الىس-جاقىن جەرلەرگە بىتىراتىپ جىبەرگەن بۇكىل يسرايل+ — ۇياتقا قالىپ وتىرمىز.
8 ۋا، ەحوبا، سەنىڭ الدىڭدا كۇنا جاساپ، ٶزىمىز دە، پاتشالارىمىز دا، امىرشىلەرىمىز بەن اتا-بابالارىمىز دا قارابەت بولدىق.
9 ەحوبا قۇدايىمىز، سەن مەيىرىمدى دە كەشىرىمشىلسىڭ+، ال ٴبىز ساعان قارسى باس كوتەردىك+.
10 ەحوبا قۇدايىمىز، ساعان قۇلاق اسپاي، قىزمەتشىلەرىڭ — پايعامبارلار ارقىلى بەرگەن زاڭدارىڭمەن جۇرمەدىك+.
11 بۇكىل يسرايل ايتقاندارىڭدى تىڭداماي، زاڭىڭدى بۇزىپ، سىرت اينالدى. سوندىقتان دا شىنايى قۇدايدىڭ قىزمەتشىسى مۇسانىڭ زاڭىنداعى انتپەن بەكىتىلگەن قارعىستى باسىمىزعا جاۋدىردىڭ+. ويتكەنى ساعان قارسى كۇنا جاسادىق.
12 سەن بىزگە جانە بيلەۋشىلەرىمىزگە ايتقان سوزدەرىڭدى ورىنداپ+، ٴبىزدى زور اپاتقا ۇشىراتتىڭ. يەرۋساليمگە تۇسكەن مۇنداي اپات اسپان استىندا بۇرىن-سوڭدى بولعان ەمەس+.
13 وسى اپاتتىڭ ٴبارى مۇسا زاڭىندا قالاي جازىلسا، ٴدال سولاي باسىمىزعا ٴتۇستى+. سوندا دا ٴبىز كۇنالارىمىزدى دوعارىپ، شىندىعىڭدى* تۇسىنۋگە دەن قويىپ، سەنەن، ەحوبا قۇدايىمىز، راقىم ەتۋىڭدى سۇراپ جالبارىنبادىق+.
14 سوندىقتان، ەحوبا، ٶزىڭ ٴجىتى باقىلاپ، بىزگە اپات جىبەردىڭ. ويتكەنى، ەحوبا قۇدايىمىز، سەن بۇكىل ٸس-ارەكەتىڭدە ٵدىلسىڭ، ٴبىراق ٴبىز ايتقاندارىڭا مويىنسۇنبادىق+.
15 ۋا، قۇدايىمىز ەحوبا، ٶز حالقىن مىسىردان قۇدىرەتتى قولىمەن+ الىپ شىعىپ، ەسىمىنىڭ داڭقىن شىعارعان قۇداي (بۇل ٵلى كۇنگە دەيىن سولاي+)، ٴبىز سەنىڭ الدىڭدا كۇناعا باتىپ، زۇلىمدىققا سالىندىق.
16 ٵردايىم ٵدىل ارەكەت ەتىپ+ كەلگەن سەن، ۋا، ەحوبا، ٶز قالاڭ يەرۋساليمگە، قاسيەتتى تاۋىڭا، دەگەن اشۋىڭ مەن قاھارىڭنان قايتا كور. سەبەبى ٴبىزدىڭ كۇنالارىمىز بەن اتا-بابالارىمىزدىڭ قىلمىستارىنىڭ كەسىرىنەن يەرۋساليم مەن سەنىڭ حالقىڭ اينالامىزداعىلاردىڭ بارىنە ماسقارا بولىپ وتىر+.
17 ۋا، قۇدايىمىز، مەندەي قۇلىڭنىڭ دۇعاسى مەن ٶتىنىشىن ەستىپ، قاڭىراپ جاتقان قاسيەتتى ورنىڭا+، ەحوبا، ٶز ەسىمىڭ ٷشىن ٴجۇزىڭنىڭ نۇرىن توگە كور+.
18 قۇلاق سال، ۋا، قۇدايىم، ەستي كور! ٶز ەسىمىڭمەن اتالعان قالامىزدىڭ قاڭىراپ بوس جاتقان مۇشكىل كۇيىنە نازار سالا كور. ٴبىز ٵدىل بولعاندىقتان ەمەس، سەنىڭ مەيىرىمىڭ زور بولعاندىقتان وتىنۋدەمىز+.
19 ۋا، ەحوبا، تىڭداي كور! ۋا، ەحوبا، ٴبىزدى كەشىرە كور+! ۋا، ەحوبا، نازار سالىپ، ارەكەت ەتە كور! ۋا، قۇدايىم، ٶز ەسىمىڭ ٷشىن تەزدەتە كور، ويتكەنى قالاڭ دا، حالقىڭ دا سەنىڭ اتىڭمەن اتالادى+».
20 مەن ٵلى دە دۇعا ايتىپ، ٶزىمنىڭ جانە حالقىم يسرايلدىڭ كۇناسىن مويىنداپ، قۇدايىم ەحوبادان قاسيەتتى تاۋىنا+ راقىم ەتۋىن ٶتىنىپ تۇرعان ەدىم.
21 ٴيا، ٵلى دە دۇعا ايتىپ تۇرعانىمدا، الدىڭعى كورىنىستە كورگەن+ ادام كەيپىندەگى جابىرەيىل+ كەلدى، مەن قاتتى شارشاپ تۇرعان ەدىم. بۇل شامامەن كەشكى سي-تارتۋ ۇسىنىلاتىن ۋاقىت بولاتىن.
22 ول ماعان تۇسىنىك بەرىپ، بىلاي دەدى:
«دانيال، مەن ساعان اقىل-پاراسات پەن تۇسىنىك بەرۋ ٷشىن كەلدىم.
23 ٶتىنىشىڭدى ايتا باستاعاندا-اق، جاۋاپ بەرىلدى، مىنە، سونى ساعان ايتۋعا كەلدىم. ويتكەنى سەن اسا باعالى* جانسىڭ+. سوندىقتان مىنا جايتقا دەن قويىپ، كورىنىستىڭ ٴمانىن ۇعىپ ال.
24 قىلمىستى توقتاتۋ ٷشىن، كۇنانى قۇرتۋ ٷشىن+، زاڭسىزدىقتاردىڭ قۇنىن وتەۋ ٷشىن+، ادىلدىكتى ماڭگىلىككە ورناتۋ ٷشىن+، اياندار مەن پايعامبارلىقتاردى مورمەن بەكىتۋ ٷشىن+ جانە ەڭ قاسيەتتى بولمەنى مايلاۋ ٷشىن، حالقىڭ مەن قاسيەتتى قالاڭا+ 70 اپتا* بەلگىلەندى.
25 سەن مىنانى ٴبىلىپ، ۇعىپ ال: يەرۋساليمدى قالپىنا كەلتىرىپ، قايتا تۇرعىزۋ+ جايلى جارلىق شىققاننان باستاپ ٴماسىح*+ كوسەم+ كەلگەنگە دەيىن 7 اپتا جانە 62 اپتا وتەدى+. يەرۋساليم، ٶزىنىڭ الاڭىمەن جانە اينالاسىنداعى قازىلعان ورىمەن قوسا، قالپىنا كەلتىرىلىپ، قايتا تۇرعىزىلادى، ٴبىراق بۇل قيىن-قىستاۋ كەزەڭدە بولادى.
26 62 اپتادان كەيىن ٴماسىح ٶلتىرىلىپ+، ەشتەڭەسىز قالادى+.
ٴبىر باسشىنىڭ اسكەرلەرى كەلىپ، قالانى دا، قاسيەتتى ورىندى دا قيراتادى+. توپان سۋداي قالىڭ قول ونىڭ تۇبىنە جەتەدى. اقىرى كەلگەنشە، وندا سوعىس بولادى+. بۇل جەر، قۇدايدىڭ شىعارعان شەشىمىنە ساي، قاڭىراپ بوس قالادى.
27 ول كوپ ادام ٷشىن جاساعان كەلىسىمدى ٴبىر اپتاعا كۇشىندە قالدىرادى. سول اپتانىڭ جارتىسىندا ول قۇرباندىق پەن سي-تارتۋ ۇسىنۋدى توقتاتادى+.
جەركەنىشتى نارسەلەردىڭ قاناتىندا قاڭىراتىپ بوس قالدىرۋشى بولادى+. قاڭىراپ بوس جاتقان قۇرىپ جوق بولمايىنشا، قۇدايدىڭ قابىلداعان شەشىمى ونىڭ دا باسىنا تۇسەدى».
سىلتەمەلەر
^ ياعني كيەلى جازبالاردى.
^ تۇسىندىرمەنى قاراڭىز.
^ نەمەسە «ادالدىعىڭدى».
^ نەمەسە «وتە قالاۋلى».
^ ياعني جىلدىق اپتا، بارلىعى 490 جىل.
^ نەمەسە «مايلانعان».
