ريمدىكتەرگە 12:1—21
12 سوندىقتان، باۋىرلاستار، قۇداي جاناشىرلىق تانىتقاندىقتان سەندەردەن مىنانى وتىنەمىن: دەنەلەرىڭدى+ ٴتىرى، قاسيەتتى+، قۇدايعا ۇنامدى قۇرباندىق رەتىندە ۇسىنىڭدار. وسىلاي ەتكەندەرىڭ اقىل-ويلارىڭدى+ ىسكە قوسىپ اتقارعان قاسيەتتى قىزمەتتەرىڭ بولماق.
2 بۇدان بىلاي وسى زاماننىڭ* ٶمىر سالتىن ۇلگى ەتپەڭدەر، قايتا، وي-سانالارىڭدى جاڭارتىپ+، تۇبەگەيلى وزگەرىڭدەر. سوندا قۇدايدىڭ ىزگى دە ۇنامدى ٵرى كەمەلدى ەركىنە نە جاتاتىنىنا كوز جەتكىزە الاسىڭدار+.
3 قۇدايدىڭ ماعان كورسەتكەن راقىمىنا نەگىزدەلە وتىرىپ، اربىرىڭە مىنانى ايتامىن: وزدەرىڭ تۋرالى تيىستىسىنەن ارتىق ويلاماڭدار+. قايتا، ەستى بولىپ، قۇداي ٴارقايسىسىڭا بەرگەن سەنىمنىڭ+ مولشەرىنە ساي ويلاڭدار.
4 دەنەمىز كوپ مۇشەدەن تۇرادى+، ٴبىراق ٴارقايسىسى ٵرتۇرلى قىزمەت اتقارادى.
5 سول سياقتى، ٴبىز دە كوپ بولعانىمىزبەن، ماسىحپەن بىرلىكتەگى ٴبىر دەنەنى قۇرايمىز جانە ٶزارا بايلانىستاعى مۇشەلەرمىز+.
6 قۇدايدىڭ راقىمىمەن ٴبىز ٵرتۇرلى سيعا يە بولدىق: پايعامبارلىق ەتۋ سيىن العان بولساق+، وزىمىزگە بەرىلگەن سەنىمگە ساي پايعامبارلىق ەتەيىك؛
7 ۇلەسىمىزگە قىزمەت ەتۋ تيگەن بولسا، سونى اتقارايىق؛ كىم تالىمگەرلىك سيىنا يە بولسا، ٴتالىم بەرسىن+؛
8 كىمدە جىگەر بەرۋ* سيى بولسا، سونىسىن ورىنداسىن+؛ كىمگە ۇلەستىرۋ تيسە، جومارتتىقپەن ۇلەستىرسىن+؛ كىم جەتەكشىلىك ەتسە، ونى بار ىنتاسىمەن اتقارسىن+؛ كىم مەيىرىمدىلىك كورسەتىپ جۇرگەن بولسا، مۇنى قۋانىشپەن ىستەسىن+.
9 سۇيىسپەنشىلىكتەرىڭ شىنايى بولسىن*+. جاماندىقتان جيرەنىڭدەر+، ال جاقسىلىقتان اجىراماڭدار.
10 ٴبىر-ٴبىرىڭدى تۋعان باۋىرلارداي جاقسى كورىڭدەر. ٴبىر-بىرىڭە ٴبىرىنشى بولىپ قۇرمەت كورسەتىڭدەر+.
11 ەرىنشەك بولماي، ىستەرىڭدى ىنتا-جىگەرمەن اتقارىڭدار+. رۋحتىڭ اسەرىمەن جالىنداي بەرىڭدەر+. ەحوباعا قۇل ىسپەتتى قىزمەت ەتىڭدەر+.
12 ۇمىتتەرىڭە قۋانىڭدار. قيىنشىلىقتا تاباندى بولىڭدار+. ۇدايى دۇعا ەتىڭدەر+.
13 مۇقتاجدىق كورگەن قاسيەتتىلەرمەن وزدەرىڭدە بارمەن بولىسىڭدەر+. ٵردايىم قوناقجاي بولىڭدار+.
14 وزدەرىڭدى قۋدالاعاندارعا جاقسىلىق تىلەڭدەر+. ولاردى قارعاماڭدار، قايتا، باتالارىڭدى بەرىڭدەر+.
15 قۋانعانداردىڭ قۋانىشىنا، قايعىرعانداردىڭ قايعىسىنا ورتاق بولىڭدار.
16 وزدەرىڭ تۋرالى قانداي ويدا بولساڭدار، باسقالار جونىندە دە سولاي ويلاڭدار. وزدەرىڭ جايلى تىم جوعارى ويدا بولماي، قايتا، كىشىپەيىل بولىڭدار+. وزدەرىڭدى اقىلدى ساناماڭدار+.
17 جاماندىققا جاماندىقپەن قايتارماڭدار+. جۇرت دۇرىس دەپ ەسەپتەيتىندى ىستەۋگە تىرىسىڭدار.
18 قولدارىڭنان كەلگەنشە، بارلىق ادامدارمەن تاتۋ بولىڭدار+.
19 سۇيىكتى باۋىرلاستار، وزدەرىڭ ٷشىن كەك الماڭدار، ونى قۇدايدىڭ قاھارىنا قالدىرىڭدار+. ويتكەنى بىلاي دەپ جازىلعان عوي: «كەك الۋ — مەنىڭ ٸسىم، ەسەسىن مەن قايتارامىن،— دەيدى ەحوبا»+.
20 قايتا، «جاۋىڭ اشىقسا، ونى تاماقتاندىر؛ شولدەسە، ىشەتىن سۋ بەر. وسىلاي ەتۋىڭمەن ونىڭ باسىنا قىزىپ تۇرعان شوق ۇيەسىڭ*»+.
21 جاماندىقتان جەڭىلمەي، ونى ٵردايىم جاقسىلىقپەن جەڭىپ شىق+!
سىلتەمەلەر
^ تۇسىندىرمەنى قاراڭىز.
^ نەمەسە «اقىل-كەڭەس بەرۋ».
^ سوزبە-ٴسوز «سۇيىسپەنشىلىكتەرىڭ ەكىجۇزدى بولماسىن».
^ بۇل ارەكەت قاتۋلانىپ تۇرعان ادامدى جۇمسارتىپ، جۇرەگىن ٴجىبىتۋدى بىلدىرەدى.
