زاكاريا 12:1—14
12 اۋىر حابار:
«ەحوبانىڭ يسرايل جايلى ايتقان ٴسوزى»،— دەيدى ەحوبا.
ول كوكتى جەر ۇستىنەن جايىپ تاستاعان+،جەردىڭ نەگىزىن قالاعان+،ادام بويىنداعى رۋحتى* جاراتقان.
2 «مەن يەرۋساليمدى اينالاداعى حالىقتاردى تەڭسەلتەتىن ىشىمدىك قۇيىلعان توستاعان ىسپەتتى ەتەمىن. ياھۋدا مەن يەرۋساليم قورشاۋعا الىنادى+.
3 سول كۇنى يەرۋساليمدى بارلىق حالىقتار ٷشىن اۋىر تاس ىسپەتتى ەتەمىن. ونى كوتەرمەك بولعاندار قاتتى جاراقات الادى+. جەر بەتىندەگى حالىقتاردىڭ ٴبارى وعان قارسى شىعۋعا جينالاتىن بولادى+.
4 سول كۇنى،— دەيدى ەحوبا،— مەن ٵربىر اتتى ۇركىتىپ، ۇستىندەگى ادامدى ەسىنەن اداستىرامىن. ياھۋدا ٷيىن نازارىمدا ۇستاپ تۇرامىن، ال وعان قارسى كەلگەن حالىقتاردىڭ اتتارىن سوقىر قىلىپ تاستايمىن.
5 سوندا ياھۋدانىڭ شەيحتارى ىشتەي «يەرۋساليمنىڭ تۇرعىندارى — ٴبىزدىڭ كۇش-قۋاتىمىز، ويتكەنى اسكەرباسى ەحوبا ولاردىڭ قۇدايى+» دەيتىن بولادى.
6 سول كۇنى مەن ياھۋدا شەيحتارىن اعاش اراسىنا قويىلعان وت، ورىلعان استىق اراسىنا تاستالعان الاۋ ىسپەتتى ەتەمىن+. ولار اينالاداعى حالىقتاردىڭ ٴبارىن، وڭ جاعىنداعىلاردى دا، سول جاعىنداعىلاردى دا، جالماپ قويادى+. يەرۋساليم تۇرعىندارى ٶز قالاسىندا، يەرۋساليمدە، تۇراتىن بولادى+.
7 ٴداۋىت ٷيىنىڭ اتاق-داڭقى مەن يەرۋساليم تۇرعىندارىنىڭ اتاق-داڭقى ياھۋدانىكىنەن اسىپ تۇسپەس ٷشىن، ەحوبا الدىمەن ياھۋدانىڭ شاتىرلارىن قۇتقارادى.
8 سول كۇنى ەحوبا يەرۋساليم تۇرعىندارىن جان-جاعىنان قورعايدى+. سول كۇنى ارالارىنداعى ٴسۇرىنىپ قالعانى* داۋىتتەي مىقتى، ال ٴداۋىتتىڭ ٷيى قۇداي سياقتى، ياعني ولاردىڭ الدىندا جۇرەتىن ەحوبانىڭ پەرىشتەسىندەي بولادى+.
9 سول كۇنى مەن يەرۋساليمگە قارسى شىققان حالىقتاردىڭ ٴبارىن ٴسوزسىز قۇرتامىن+.
10 مەن ٴداۋىتتىڭ ۇيىنە، يەرۋساليمنىڭ تۇرعىندارىنا راقىم مەن جالبارىنىش رۋحىن توگەمىن. سوندا ولار وزدەرى تۇيرەگەن ادامعا قارايدى+. جالعىز ۇلىن جوقتاعانداي، ونى جوقتاپ، تۇڭعىش ۇلىنان ايىرىلعانداي، ول ٷشىن قاتتى قايعىراتىن بولادى.
11 سول كۇنى يەرۋساليمدەگى جوقتاۋ مەگيددو+ جازىعىنداعى حاداد-ريموندا بولعان جوقتاۋداي قاتتى بولماق.
12 سوندا بۇكىل ەل زار ەڭىرەيدى. ٵر اۋلەت ٶز الدىنا: ٴداۋىتتىڭ اۋلەتى ٶز الدىنا، ونىڭ ايەلدەرى ٶز الدىنا؛ ناتاننىڭ+ اۋلەتى ٶز الدىنا، ونىڭ ايەلدەرى ٶز الدىنا؛
13 لەۋىنىڭ اۋلەتى+ ٶز الدىنا، ونىڭ ايەلدەرى ٶز الدىنا؛ شيمەيدىڭ+ اۋلەتى ٶز الدىنا، ونىڭ ايەلدەرى ٶز الدىنا؛
14 قالعان اۋلەتتەردىڭ ٴبارى، ٴارقايسىسى ٶز الدىنا، ولاردىڭ ايەلدەرى ٶز الدىنا زار ەڭىرەيتىن بولادى.