زاكاريا 14:1—21
14 «مىنە، ەحوبانىڭ كۇنى كەلە جاتىر. سول كۇنى سەنەن* الىنعان ولجا كوز الدىڭدا بولىنەدى.
2 مەن بارلىق حالىقتاردى يەرۋساليمگە قارسى سوعىسقا جينايمىن. ولار قالانى باسىپ الىپ، ۇيلەردى توناپ، ايەلدەردى زورلايدى. قالا تۇرعىندارىنىڭ جارتىسى جەر اۋدارىلادى، ال حالىقتىڭ قالعانى قالادان قۋىلمايدى.
3 ەحوبا سول حالىقتارعا قارسى شىعىپ+، ەجەلگى زاماندا شايقاسقانىنداي شايقاسادى+.
4 سول كۇنى ونىڭ اياعى يەرۋساليمنىڭ شىعىس بەتىندەگى ٴزايتۇن تاۋىندا+ تۇرادى. ٴزايتۇن تاۋى شىعىستان باتىسقا قاراي ەكىگە ٴبولىنىپ، وتە ۇلكەن اڭعار پايدا بولادى. تاۋدىڭ ٴبىر جارتىسى سولتۇستىككە، ال ەكىنشى جارتىسى وڭتۇستىككە قاراي جىلجيدى.
5 سوندا مەنىڭ تاۋلارىمنىڭ اراسىنداعى اڭعارعا قاشاسىڭدار، ويتكەنى بۇل اڭعار ازەلگە دەيىن سوزىلىپ جاتادى. سەندەرگە ياھۋدا پاتشاسى ۇزياحتىڭ+ زامانىنداعى جەر سىلكىنىسىنەن قاشقانداي قاشۋعا تۋرا كەلەدى. سوندا ەحوبا قۇداي بارلىق قاسيەتتىلەرمەن بىرگە كەلەدى+.
6 سول كۇنى نۇر شاشقان جارىق بولمايدى+، ٴبارى قاتىپ قالادى.
7 سول كۇن ەحوبانىڭ كۇنى رەتىندە بەلگىلى بولادى+. سوندا كۇن مەن ٴتۇن اۋىسپايدى، ٴتىپتى كەش تۇسكەندە دە جارىق بولىپ تۇرادى.
8 سول كۇنى يەرۋساليمنەن ٶمىر سۋلارى+ اعىپ شىعىپ+، ٴبىر جارتىسى شىعىستاعى تەڭىزگە*+، ال ەكىنشى جارتىسى باتىستاعى تەڭىزگە* اعادى+. ول قىسى-جازى اعا بەرەدى.
9 ەحوبا بۇكىل جەر بەتىنىڭ پاتشاسى بولادى+. سول كۇنى ەحوبا جالعىز قۇداي بولىپ+، ادامدار ونى ٴبىر ەسىممەن عانا شاقىرادى+.
10 گەبادان+ يەرۋساليمنىڭ وڭتۇستىگىندەگى ريمونعا+ دەيىنگى بۇكىل جەر ارابا+ اڭعارى ىسپەتتى بولادى. يەرۋساليم ٶز ورنىنا تۇرعىزىلىپ، وعان ەل قونىستانادى+. ەل بەنيامين قاقپاسىنان+ ٴبىرىنشى قاقپاعا دەيىن، ودان بۇرىش قاقپاسىنا دەيىن، حانانەل مۇناراسىنان+ پاتشانىڭ ٴجۇزىم سىعاتىن ورىندارىنا دەيىن قونىستانادى.
11 جۇرت قالاعا قونىس تەۋىپ، ول بۇدان بىلاي قارعىسقا ۇشىراپ، قيراتىلمايدى+. يەرۋساليم حالقى قاۋىپسىز ٶمىر كەشەدى+.
12 ەحوبانىڭ يەرۋساليمگە قارسى سوعىسقان حالىقتارعا جىبەرەتىن جازاسى+ مىناۋ: اياقتارىمەن جەر باسىپ جۇرگەن كەزدەرىندە-اق ولاردىڭ ٴتانى ٴشىرىپ كەتەدى، كوزدەرى ۇياسىندا، تىلدەرى اۋزىندا ٸرىپ كەتەدى.
13 سول كۇنى ەحوبا ولاردى قاتتى ابىرجىتادى، سوندا ولار ٴبىر-ٴبىرىن شاپ بەرىپ ۇستاپ الىپ، ٴبىر-بىرىنە قول جۇمسايدى+.
14 ياھۋدا دا يەرۋساليمدەگى شايقاسقا قاتىسادى. سوندا اينالاداعى كۇللى حالىقتاردان بايلىق — قىرۋار التىن-كۇمىس پەن كيىم-كەشەك — جينالادى+.
15 اتتار، قاشىرلار، تۇيەلەر، ەسەكتەر جانە قوستارداعى باسقا دا مالدار الگىندەي جازاعا ۇشىرايدى.
16 يەرۋساليمگە قارسى شىققان حالىقتاردان امان قالعاندار جىل سايىن سول قالاعا كەلىپ+، پاتشاعا، اسكەرباسى ەحوباعا، تاعزىم ەتەتىن*+ جانە كۇركەلەر* مەيرامىن تويلايتىن بولادى+.
17 ال جەر بەتىندەگى حالىقتاردان كىمدە-كىم پاتشاعا، اسكەرباسى ەحوباعا، تاعزىم ەتۋ ٷشىن يەرۋساليمگە كەلمەسە، ونىڭ جەرىنە جاۋىن جاۋمايدى+.
18 مىسىر حالقى كەلىپ، قالاعا كىرمەسە، ولارعا جاۋىن جاۋمايدى. ولار ەحوبانىڭ كۇركەلەر مەيرامىن تويلاۋعا كەلمەيتىن حالىقتارعا جىبەرەتىن جازاسىنا ۇشىرايدى.
19 مىسىردىڭ دا، كۇركەلەر مەيرامىن تويلاۋعا كەلمەيتىن باسقا حالىقتاردىڭ دا كۇناسى ٷشىن الاتىن جازاسى وسىنداي بولماق.
20 سول كۇنى اتتارعا تاعىلاتىن قوڭىراۋلاردا «كيەلىلىك ەحوباعا تيەسىلى»+ دەگەن جازۋ بولادى. ەحوبانىڭ ۇيىندەگى قازاندار+ قۇرباندىق وشاعىنىڭ الدىنداعى كەرسەندەر+ سياقتى بولادى.
21 يەرۋساليم مەن ياھۋداداعى ٵربىر قازان كيەلى ٵرى اسكەرباسى ەحوباعا تيەسىلى بولادى. قۇرباندىق ۇسىناتىندار كەلىپ، ولاردىڭ كەيبىرىن ەت قايناتۋ ٷشىن قولدانادى. سول كۇننەن باستاپ اسكەرباسى ەحوبانىڭ ۇيىندە ەشبىر قاناحاندىق* بولمايدى+».
سىلتەمەلەر
^ 2-تارماقتاعى قالانى ايتىپ تۇر.
^ ياعني جەرورتا تەڭىزى.
^ ياعني ٶلى تەڭىز.
^ نەمەسە «ۋاقىتشا باسپانا».
^ نەمەسە «عيبادات ەتەتىن».
^ مۇمكىن: «ساۋداگەر».
