زاكاريا 3:1—10
3 سوسىن ول ماعان ەحوبانىڭ پەرىشتەسىنىڭ الدىندا تۇرعان باس ٴدىني قىزمەتكەر ەشۋانى+، سونداي-اق وعان قارسىلىق كورسەتۋ ٷشىن وڭ جاعىندا تۇرعان شايتاندى+ كورسەتتى.
2 ەحوبانىڭ پەرىشتەسى شايتانعا: «سەنى ەحوبا ايىپتاسىن، شايتان+! ٴيا، سەنى يەرۋساليمدى تاڭداپ العان+ ەحوبا ايىپتاسىن! بۇل ادام وتتان سۋىرىپ العان اعاش ەمەس پە؟!»— دەدى.
3 ەشۋا پەرىشتەنىڭ الدىندا بىلعانعان كيىممەن تۇرعان ەدى.
4 پەرىشتە ٶزىنىڭ الدىندا تۇرعاندارعا: «ونىڭ بىلعانعان كيىمىن شەشىڭدەر»،— دەپ تاپسىردى. سوسىن ەشۋاعا: «مىنە، سەنى كىناڭنان ارىلتتىم، ساعان سالتاناتتى كيىم كيگىزىلەدى+»،— دەدى.
5 سول كەزدە مەن: «باسىنا تازا سالدە كيگىزىلسىن»+،— دەدىم. ولار ونىڭ باسىنا تازا سالدە، ۇستىنە كيىم كيگىزدى. ەحوبانىڭ پەرىشتەسى سول جەردە تۇردى.
6 سوسىن ەحوبانىڭ پەرىشتەسى ەشۋاعا بىلاي دەدى:
7 «اسكەرباسى ەحوبا مىنانى ايتادى: —ەگەر سەن مەنىڭ جولىممەن ٴجۇرىپ، مەنىڭ الدىمداعى مىندەتتەرىڭدى ورىنداساڭ، ۇيىمە سوت جۇرگىزۋشى+ جانە اۋلالارىما قاراۋشى بولاسىڭ. سونداي-اق سەنى وسىندا تۇرعانداردىڭ اراسىندا ەمىن-ەركىن ٴجۇرىپ تۇراتىن ەتەمىن.
8 ۋا، باس ٴدىني قىزمەتكەر ەشۋا، سەن دە، الدىڭدا وتىرعان سەرىكتەستەرىڭ دە، تىڭداڭدارشى. ويتكەنى بۇل ادامدار — بولاشاقتىڭ نىشانى. مىنە، مەن وسكىن+ دەپ اتالاتىن قىزمەتشىمدى+ اكەلەمىن!
9 قاراڭدار، مەن ەشۋانىڭ الدىنا تاس قويدىم! وسى تاستا جەتى كوز بار*. وعان قاشاپ جازۋ جازامىن. مىنا ەلدى كۇناسىنان ٴبىر كۇننىڭ ىشىندە ارىلتامىن+،— دەيدى اسكەرباسى ەحوبا.
10 سول كۇنى ٴارقايسىسىڭ ٶز كورشىڭدى ٴجۇزىمىڭنىڭ، ٸنجىر اعاشىڭنىڭ استىندا وتىرۋعا شاقىراتىن بولاسىڭدار+،— دەيدى اسكەرباسى ەحوبا».
سىلتەمەلەر
^ مۇمكىن: «تاسقا جەتى كوز قاراپ تۇر».