زاكاريا 5:1—11
5 سوسىن تاعى دا جوعارى قاراپ، ۇشىپ بارا جاتقان ٴبىر شيىرشىقتى كوردىم.
2 پەرىشتە مەنەن: «نە كورىپ تۇرسىڭ؟»— دەپ سۇرادى. مەن: «ۇشىپ بارا جاتقان شيىرشىقتى كورىپ تۇرمىن. ونىڭ ۇزىندىعى 20 شىنتاق*، ەنى 10 شىنتاق ەكەن»،— دەدىم.
3 ول ماعان بىلاي دەدى: «بۇل — بۇكىل جەر بەتىنە ٴتونىپ تۇرعان قارعىس. ويتكەنى ۇرلىق جاساعان+ اركىم وسى شيىرشىقتىڭ ٴبىر بەتىندە جازىلعان قارعىسقا ساي جازالانىپ جاتقان جوق. جالعان انت بەرەتىن+ اركىم دە وسى شيىرشىقتىڭ كەلەسى بەتىندە جازىلعان قارعىسقا ساي جازاسىن الىپ جاتقان جوق.
4 اسكەرباسى ەحوبا مىنانى ايتادى: —قارعىستى مەن جىبەردىم. ول ۇرىنىڭ ۇيىنە جانە مەنىڭ اتىممەن جالعان انت بەرەتىننىڭ ۇيىنە كىرەدى. سول جەردە قالىپ، ول ٷيدى دە، ونىڭ بورەنەلەرى مەن تاستارىن دا جالماپ قويادى».
5 مەنىمەن سويلەسكەن پەرىشتە جاقىنىراق كەلىپ، ماعان: «قاراشى، بىردەڭە شىعىپ كەلەدى»،— دەدى.
6 «بۇل نە ەكەن؟»— دەپ سۇرادىم. پەرىشتە ماعان: «شىعىپ كەلە جاتقان نارسە — ولشەۋىش ىدىس*. بۇل — بۇكىل جەر بەتىندەگى زۇلىمداردىڭ بەينەسى»،— دەپ جاۋاپ بەردى.
7 سوندا ىدىستىڭ دوڭگەلەك قورعاسىن قاقپاعى اشىلدى، ونىڭ ىشىندە ٴبىر ايەل وتىر ەكەن.
8 «بۇل ايەل — زۇلىمدىق»،— دەدى ول. سوسىن ايەلدى ىدىستىڭ ىشىنە قايتا يتەرىپ جىبەردى دە، قورعاسىن قاقپاعىن جاۋىپ قويدى.
9 بۇدان كەيىن جەلمەن سامعاپ ۇشىپ كەلە جاتقان ەكى ايەلدى كوردىم. ولاردىڭ قاناتتارى دەگەلەكتىڭ قاناتىنداي ەكەن. ولار الگى ىدىستى جەر مەن كوكتىڭ اراسىنا كوتەرىپ اكەتتى.
10 سوندا وزىممەن سويلەسىپ تۇرعان پەرىشتەدەن: «ولار ىدىستى قايدا اپارادى؟»— دەپ سۇرادىم.
11 ول: «ايەلگە ٷي سالىپ بەرۋ ٷشىن، ونى شينار*+ ەلىنە اپارا جاتىر. ٷي دايىن بولعاندا، ونى ٴتيىستى ورنىنا قويادى»،— دەپ جاۋاپ بەردى.
سىلتەمەلەر
^ 1 شىنتاق 5.44 سانتيمەترگە تەڭ. B14 قوسىمشاسىن قاراڭىز.
^ سوزبە-ٴسوز «ەفا». 1 ەفا 22 ليترگە تەڭ. B14 قوسىمشاسىن قاراڭىز.
^ ياعني بابىل.