زاكاريا 6:1—15
6 سوسىن مەن تاعى جوعارى قاراپ، ەكى تاۋدىڭ اراسىنان شىعىپ كەلە جاتقان ٴتورت سوعىس ارباسىن كوردىم. بۇل ەكى تاۋ مىس تاۋ ەكەن.
2 ٴبىرىنشى ارباعا قىزىل، ەكىنشى ارباعا قارا اتتار جەگىلىپتى+.
3 ٷشىنشى ارباعا اق، ال ٴتورتىنشى ارباعا شۇبار جانە تەڭبىل اتتار جەگىلگەن ەكەن+.
4 مەن وزىممەن سويلەسىپ تۇرعان پەرىشتەدەن: «يەم، بۇل نەعىلعان اربالار؟»— دەپ سۇرادىم.
5 پەرىشتە ماعان: «بۇلار — بۇكىل جەر بەتىنىڭ يەسىنىڭ الدىنا بارعاننان كەيىن جولعا شىققان+ كوكتىڭ ٴتورت رۋحى*+.
6 قارا اتتار جەگىلگەن اربا سولتۇستىككە+، اق اتتار تەڭىزدىڭ ارعى جاعىنا، شۇبار اتتار وڭتۇستىككە قاراي بەت الدى.
7 تەڭبىل اتتار وزدەرى بارۋى كەرەك جەرگە قاراي ۇمتىلىپ تۇردى». سوسىن ول: «بارىڭدار، جەردى شارلاپ شىعىڭدار!»— دەدى. ولار جەر بەتىن شارلاۋعا شىقتى.
8 كەيىن ول ماعان داۋىستاپ: «انە، سولتۇستىكتەگى ەلگە كەتكەندەرى ەحوبانىڭ سول جەرگە دەگەن اشۋىن* باستى»،— دەدى.
9 ەحوبا ماعان تاعى دا ٴسوزىن ارناپ بىلاي دەدى:
10 «سەن حەلدايدىڭ، توبياح پەن ەداياحتىڭ جەر اۋدارىلعان حالىقتان اكەلگەن سي-تارتۋىنان ال. ٴسۇيتىپ، بابىلدان كەلگەن وسى ۇشەۋىمەن بىرگە سول كۇنى سافونيا ۇلى جوسيانىڭ ۇيىنە بار.
11 كۇمىس پەن التىننان ٴتاج* جاساپ، باس ٴدىني قىزمەتكەر ەحوسادىقتىڭ ۇلى ەشۋانىڭ+ باسىنا كيگىز.
12 سودان كەيىن وعان اسكەرباسى ەحوبا: —بۇل ادامنىڭ ەسىمى — وسكىن+. ول ٶز ورنىنان ٶسىپ شىعىپ، ەحوبانىڭ عيباداتحاناسىن تۇرعىزادى+.
13 ەحوبانىڭ عيباداتحاناسىن تۇرعىزاتىن دا، اتاق-داڭققا بولەنەتىن دە سول. ول ٶز تاعىنا وتىرىپ، بيلىك جۇرگىزەدى، سونداي-اق ٴدىني قىزمەتكەر بولادى+. ول وسى ەكى مىندەتىن ۇيلەسىمدى اتقارادى*.
14 ال ٴتاج حەلەم، توبياح، ەداياح+ جانە سافونيا ۇلى حەننىڭ ىستەگەندەرىن ەسكە سالىپ تۇرۋ ٷشىن ەحوبانىڭ عيباداتحاناسىنا قويىلادى.
15 الىستا جۇرگەندەر كەلىپ، ەحوبانىڭ عيباداتحاناسىن سوعۋ ىسىنە اتسالىسادى،— دەيدى دەپ ايت. سوندا مەنى سەندەرگە اسكەرباسى ەحوبا جىبەرگەنىن بىلەتىن بولاسىڭدار. ەحوبا قۇدايلارىڭنىڭ ايتقانىنا قۇلاق سالساڭدار، بۇل جۇزەگە اسادى».
سىلتەمەلەر
^ بۇل پەرىشتەلەردىڭ ٴتورت توبىنا نۇسقاۋى مۇمكىن.
^ سوزبە-ٴسوز «رۋحىن».
^ نەمەسە «ۇلى ٴتاج».
^ نەمەسە «وسى ەكەۋىنىڭ اراسىندا تىنىشتىق كەلىسىمى ورنايدى».
