زاكاريا 7:1—14
7 داريي پاتشانىڭ بيلىك قۇرۋىنىڭ ٴتورتىنشى جىلىندا، توعىزىنشى ايدىڭ، ياعني كيسلەۆ* ايىنىڭ، ٴتورتىنشى كۇنى ەحوبا زاكارياعا+ ٴسوزىن ارنادى.
2 بەتەلدىڭ جۇرتى شارەزەردى، رەگەم-مالىك پەن ونىڭ ادامدارىن ەحوبادان راقىم ەتۋىن سۇراۋعا جىبەردى.
3 ولار اسكەرباسى ەحوبانىڭ ۇيىندەگى ٴدىني قىزمەتكەرلەر مەن پايعامبارلاردان: «ٴبىز* ۇزاق جىلدار بويى ىستەپ كەلە جاتقانىمىزداي، بەسىنشى ايدا+ جىلاپ، ورازا ۇستاي بەرۋىمىز كەرەك پە؟»— دەپ سۇراتتى.
4 سوندا اسكەرباسى ەحوبا ماعان تاعى دا ٴسوزىن ارناپ بىلاي دەدى:
5 «ەلدىڭ كۇللى جۇرتىنا جانە ٴدىني قىزمەتكەرلەرگە بىلاي دەپ ايت: —70 جىل بويى+ بەسىنشى جانە جەتىنشى ايدا+ ورازا ۇستاپ، جىلاعاندارىڭدا، مۇنى مەن ٷشىن ىستەدىڭدەر مە؟
6 ٸشىپ-جەگەن كەزدە، وزدەرىڭ ٷشىن ٸشىپ-جەدىڭدەر ەمەس پە؟
7 يەرۋساليم مەن ونىڭ اينالاسىنداعى قالالاردا ەل مەكەندەگەن بەيبىت كەزدە، نەگەۆ پەن شەفەلادا دا جۇرت تۇرىپ جاتقان كەزدە، ەحوبانىڭ ەجەلگى پايعامبارلار ارقىلى ايتقان سوزدەرىن+ تىڭداۋلارىڭ كەرەك ەمەس پە ەدى؟».
8 ەحوبا زاكارياعا تاعى ٴسوزىن ارناپ بىلاي دەدى:
9 «اسكەرباسى ەحوبا: —ٵدىل سوت جۇرگىزىڭدەر+، ٴبىر-بىرىڭە اينىماس سۇيىسپەنشىلىك+ جانە راقىمدىلىق كورسەتىڭدەر.
10 جەسىر مەن جەتىمدى+، جاتجەرلىك+ پەن كەدەيدى+ الداماڭدار، جۇرەكتەرىڭدە ٴبىر-بىرىڭە زالىمدىق ويلاماڭدار+،— دەيدى.
11 ٴبىراق كەزىندە ولار ايتقانىمدى ەش ەلەمەدى+، قاسارىسىپ كەرى بۇرىلدى+، ەستىمەس ٷشىن قۇلاقتارىن جاۋىپ الدى+.
12 ولار جۇرەكتەرىن الماستاي* قاتايتىپ الىپ+، اسكەرباسى ەحوبانىڭ ٶز رۋحىمەن ەجەلگى پايعامبارلار ارقىلى ايتقان زاڭدارى مەن سوزدەرىن ورىندامادى+. سوندىقتان اسكەرباسى ەحوبا ولارعا قاتتى اشۋلاندى+.
13 مەن* شاقىرعاندا، ولار قۇلاق سالماعان+، سوندىقتان ولار شاقىرعاندا، مەن دە قۇلاق سالمادىم+،— دەيدى اسكەرباسى ەحوبا.—
14 ولاردى وزدەرى بۇرىن-سوڭدى بىلمەگەن حالىقتار اراسىنا داۋىلمەن ۇشىرعانداي بىتىراتىپ جىبەردىم+. ارتتارىندا قالعان ەل قاڭىراپ بوس قالدى، ول جەردەن ەشكىم وتكەن دە، وعان قايتا ورالعان دا جوق+. ولار كورىكتى ولكەنى ادام شوشىرلىق كۇيگە ٴتۇسىردى».
سىلتەمەلەر
^ B15 قوسىمشاسىن قاراڭىز.
^ سوزبە-ٴسوز «مەن».
^ مۇمكىن: «قاتتى تاس». بۇل قايراق تاس سياقتى تاس بولسا كەرەك.
^ سوزبە-ٴسوز «ول».
