سافونيا 1:1—18
1 ياھۋدا پاتشاسى اموننىڭ+ ۇلى جوسيانىڭ+ كۇندەرىندە ەحوبا* قۇدايدىڭ سافونياعا* ارناعان ٴسوزى (سافونيا قۇشيدىڭ، قۇشي عودالياحتىڭ، عودالياح امارياحتىڭ، امارياح ەزەكيانىڭ ۇلى بولاتىن):
2 «مەن بارلىعىن جەر بەتىنەن جوق قىلامىن»،— دەيدى ەحوبا+.
3 «مەن ادام مەن جانۋاردى،اسپانداعى قۇس پەن تەڭىزدەگى بالىقتى،سۇرىندىرەتىن تاستاردى*+ دا، زۇلىمداردى دا جويامىن+،جەر بەتىنەن ادامداردىڭ كوزىن قۇرتامىن»،— دەيدى ەحوبا.
4 «مەن قولىمدى ياھۋداعا،كۇللى يەرۋساليم تۇرعىندارىنا قارسى سوزىپ،وسى جەردە باعالدىڭ+ بىردە-ٴبىر جۇرناعىن قالدىرمايمىن،بوتەن تاڭىرلەردىڭ ابىزدارى مەن جالعان ٴدىني قىزمەتكەرلەردىڭ ەسىمىن وشىرەمىن+،
5 سونداي-اق ٷي توبەلەرىندە اسپان دەنەلەرىنە* تاعزىم ەتەتىندەردىڭ+،ەحوباعا ادال بولامىز دەپ انت ەتە تۇرا+،مالحامعا ادال بولامىز دەپ انت ەتەتىندەردىڭ+ كوزىن قۇرتامىن.
6 ەحوبادان باس تارتىپ، وعان ەرمەيتىندەردى+،ەحوبانى ىزدەپ، ودان باسشىلىق سۇرامايتىنداردى جويامىن+».
7 الەمنىڭ ٵمىرشىسى ەحوبانىڭ الدىندا ٷن شىعارماڭدار،ويتكەنى ەحوبانىڭ كۇنى جاقىن+.
ەحوبا قۇرباندىق دايىندادى،ٶزى شاقىرعاندارىن قاسيەتتى ەتتى.
8 «مەن، ەحوبا، قۇرباندىعىمدى شالاتىن كۇنى امىرشىلەردى،پاتشا ۇلدارىن+، جاتجەرلىك كيىم كيگەندەردىڭ ٴبارىن جاۋاپقا تارتامىن.
9 سول كۇنى مەن مىنبەگە* كوتەرىلگەن اركىمدى،قوجايىنىنىڭ ٷيىن زورلىق پەن قۋلىق-سۇمدىققا تولتىرعانداردى جاۋاپقا تارتامىن.
10 سول كۇنى،— دەيدى ەحوبا،—بالىق قاقپاسىنان+ ايقاي-شۋ،قالانىڭ ەكىنشى اۋدانىنان+ زارلاعان داۋىس،ال توبەلەردەن قيراپ جاتقاننىڭ گۇرسىلى ەستىلەدى.
11 ماكتەشتىڭ* تۇرعىندارى، زار يلەڭدەر،سەبەبى بارلىق ساۋداگەرلەردىڭ ٷنى ٶشتى،كۇمىس ولشەيتىندەردىڭ ٴبارى جويىلدى.
12 سول ۋاقىتتا مەن يەرۋساليمدى شامدارمەن مۇقيات قاراپ شىعىپ،بەيقام جۇرگەندەردى* جاۋاپقا تارتامىن،ويتكەنى ولار ىشتەي «ەحوبا جاقسىلىق تا، جاماندىق تا جاسامايدى» دەسەدى+.
13 ولاردىڭ بايلىعى تونالىپ، ۇيلەرى قاڭىراپ بوس قالادى+.
ٷي سوققانىمەن، ولار وندا تۇرمايدى،جۇزىمدىك وتىرعىزعانمەن، ونىڭ شارابىن ىشپەيدى+.
14 ەحوبانىڭ ۇلى كۇنى جاقىن+!
ول كۇن جاقىن، تەز جاقىنداپ كەلەدى*+!
ەحوبانىڭ كۇنىنىڭ داۋىسى اشتى+.
سول كەزدە مىقتى جاۋىنگەر وكىرىپ جىلايتىن بولادى+.
15 ول كۇن — قاھار كۇنى+،قاسىرەت پەن ازاپ كۇنى+،داۋىل تۇراتىن، قاڭىراپ قالاتىن كۇن،قاراڭعىلىق پەن تۇنەك كۇنى+،بۇلت قاپتاعان، تۇنەرگەن كۇن+،
16 بەكىنىستى قالالار مەن بۇرىش-بۇرىشتاعى بيىك مۇنارالارعا+ قارسىٴمۇيىز كەرنەي تارتىلىپ، اتوي سالىناتىن كۇن+.
17 ادامدارعا قاسىرەت جىبەرەمىن،سوندا ولار سوقىر ادامداي جۇرەدى+.
سەبەبى ولار ەحوباعا قارسى كۇنا جاسادى+.
ولاردىڭ قانى توپىراق سياقتى اياقاستى بولادى،ال ىشەك-قارىندارى اقتارىلىپ، تەزەك ىسپەتتى جاتادى+.
18 ەحوبانىڭ قاھار كۇنى ولاردى كۇمىسى دە، التىنى دا قۇتقارا المايدى+.
ونىڭ قۇلشىنىسى وت ىسپەتتى بۇكىل جەر بەتىن جالماپ قويادى+،ويتكەنى جەردىڭ كۇللى تۇرعىنىنا قىرعىن، ٴتىپتى جانتۇرشىكتىرەتىن قىرعىن سالادى+».
سىلتەمەلەر
^ ماعىناسى «ەحوبا جاسىردى (ساقتادى)».
^ بۇل — قۇدايدىڭ ەسىمى. تۇسىندىرمەنى قاراڭىز.
^ پۇتقا تابىنۋشىلىقپەن بايلانىستى زاتتار نە ٸس-ارەكەتتەر بولسا كەرەك.
^ سوزبە-ٴسوز «كوك اسكەرىنە».
^ پاتشا تاعى تۇراتىن مىنبە بولسا كەرەك.
^ يەرۋساليمنىڭ بالىق قاقپاسى ماڭىنداعى بولىگى بولسا كەرەك.
^ سوزبە-ٴسوز «تۇنبا بولىپ شوككەندەر»، ياعني شاراپ قۇيىلعان ىدىستاعى تۇنبا ىسپەتتى.
^ نەمەسە «قاتتى اسىعۋدا».
