سافونيا 2:1—15
2 ۋا، ۇياتتى بىلمەيتىن حالىق+،جينالىڭدار، ٴيا، ٴبارىڭ جينالىڭدار+!
2 ۇكىم جۇزەگە اسپاي تۇرعاندا،ۋاقىت* قاۋىزداي ۇشىپ كەتپەي تۇرعاندا،ەحوبانىڭ لاۋلاعان قاھارىنا ۇشىراماي تۇرعاندا+،ەحوبانىڭ قاھار كۇنى باستارىڭا تۇسپەي تۇرعاندا،
3 ەحوبانى ىزدەڭدەر+، جەر بەتىندەگى كۇللى مومىندار*،ونىڭ ٵدىل زاڭدارىن ورىندايتىن جاندار.
ادىلدىكتى ىزدەڭدەر، مومىندىقتى* ىزدەڭدەر.
بالكىم، ەحوبانىڭ قاھار كۇنى امان قالارسىڭدار*+.
4 ويتكەنى گازا قالاسى ەل-جۇرتسىز جاتادى،اشكەلون قاڭىراپ بوس قالادى+.
ازوتتىڭ تۇرعىندارى تال تۇستە قۋىلادى،ەكرون تامىرىمەن جۇلىنىپ تاستالادى+.
5 «تەڭىز جاعالاۋىندا تۇراتىن كەرەت حالقى قاسىرەتكە قالادى+!
ەحوبا سەندەرگە ۇكىم شىعاردى.
ۋا، قاناحان، فىلىستىرلەر جەرى، سەنى جويامىن،سوندا بىردە-ٴبىر تۇرعىنىڭ قالمايدى.
6 تەڭىز جاعالاۋى جايىلىمعا اينالادى،وندا قويشىلار ٷشىن قۇدىقتار، قويلار ٷشىن قورالار بولادى.
7 بۇل جەردى ياھۋدا حالقىنان قالعان تامتىق+ مەكەن ەتەدى،ولار سول جەردە ازىقتانادى.
كەشكىسىن اشكەلوننىڭ ۇيلەرىندە جاتادى.
ويتكەنى ەحوبا قۇدايلارى ولارعا نازارىن سالىپ*،تۇتقىنعا كەتكەندەرىن قايتا جينايدى+».
8 «مەن موابتىڭ+ مازاعىن، امموندىقتاردىڭ+ قورلىعىن ەستىدىم.
ولار حالقىمدى تابالاپ، جەرلەرىن الىپ قويامىن دەپ ٴبوستى+.
9 مەنىڭ ٴتىرى ەكەنىم حاق بولعانداي،— دەيدىيسرايلدىڭ قۇدايى، اسكەرباسى ەحوبا،—مواب سودوم سياقتى+، اممون عومورا ىسپەتتى بولادى+.
ولار قالاقاي مەن تۇزدى شۇڭقىرلارعا تولى قۋ دالا بولىپ ماڭگى جاتادى+.
حالقىمنان امان قالعاندار ولاردى تالان-تاراجعا سالادى،حالقىمنىڭ تامتىعى ولارعا يەلىك ەتەدى.
10 كوكىرەك+ كوتەرگەنى ٷشىن ولارمەن، مىنە، وسىلاي بولادى،ويتكەنى ولار اسكەرباسى ەحوبانىڭ حالقىن تابالاپ، مەنسىنبەدى.
11 ەحوبانىڭ ولارعا قارسى ارەكەتى قاستەرلى سەزىم وياتادى*.
ول جەر بەتىندەگى قۇدايلاردىڭ ٴبارىن جوق قىلادى.
ارالدارداعى حالىقتار ٶز جەرىندە تۇرىپ،وعان ٴيىلىپ تاعزىم ەتەتىن* بولادى+.
12 سەندەر دە، ەفيوپيالىقتار*، مەنىڭ سەمسەرىمنەن قىرىلاسىڭدار+.
13 قۇداي سولتۇستىككە قولىن سوزىپ، اسسيريانى جويادى،نينەۆيانى قاڭىراتىپ+، ٴشول دالاداي قۋراتىپ تاستايدى.
14 ونىڭ ىشىندە تابىندار، ٴتۇرلى جابايى اڭدار جاتادى.
قۇلاعان باعانالار اراسىندا بىرقازان مەن جايرا تۇنەيدى.
تەرەزەلەردەن اۋەندەر شىعادى.
بوساعادا ۇيىندىلەر جاتادى.
ول قاراعاي تاقتايلاردىڭ ٶڭىن كەتىرىپ، جالاڭاشتايدى.
15 بۇل كوكىرەك كەرىپ، ٶزىن قاۋىپسىز سەزىنگەن قالا بولاتىن.
ول ىشتەي «مەن عانا، مەنەن باسقا ەشكىم جوق» دەۋشى ەدى.
ەندى، مىنە، ادام شوشىرلىق كۇيگە ٴتۇسىپ،جابايى اڭدار جاتاتىن جەرگە اينالدى!
قاسىنان ٶتىپ بارا جاتقاندار تاڭعالا ىسقىرادى، جۇدىرىق كورسەتەدى+».
سىلتەمەلەر
^ سوزبە-ٴسوز «كۇن».
^ نەمەسە «كىشىپەيىلدىلەر».
^ نەمەسە «كىشىپەيىلدىلىكتى».
^ نەمەسە «ول جاسىرىپ قالار».
^ نەمەسە «قامىن ويلاپ».
^ نەمەسە «ۇرەي تۋعىزادى».
^ نەمەسە «عيبادات ەتەتىن».
^ نەمەسە «قۇشتىقتار».
