سالونيكالىقتارعا 1-حات 1:1—10
1 مەن، پاۋىل، قاسىمدا سيلۋان*+ مەن تىموتە+ بار، قۇداي اكە جانە يەمىز يسا ماسىحپەن بىرلىكتەگى سالونيكالىقتاردىڭ قاۋىمىنا جازىپ وتىرمىن.
قۇداي سەندەرگە راقىمى مەن تىنىشتىعىن سيلاسىن!
2 ٴبىز ٴبارىڭ ٷشىن دۇعا ەتىپ، قۇدايعا العىس ايتىپ ٴجۇرمىز+.
3 ويتكەنى ٴبىز سەندەردىڭ سەنىممەن ىستەگەن ىستەرىڭدى، سۇيىسپەنشىلىكپەن اتقارعان اۋىر ەڭبەكتەرىڭ مەن يەمىز يسا ماسىحكە دەگەن ۇمىتتەرىڭنىڭ+ ارقاسىندا تانىتىپ جاتقان تاباندىلىقتارىڭدى قۇداي اكەمىزدىڭ الدىندا ۇنەمى ەسىمىزدە ۇستايمىز.
4 قۇداي سۇيگەن باۋىرلاستار، ٴبىز ونىڭ سەندەردى تاڭداپ العانىن بىلەمىز.
5 سەبەبى ىزگى حاباردى ۋاعىزداعاندا، ونى سەندەرگە سوزبەن عانا ەمەس، قۇدىرەتپەن، كيەلى رۋحپەن ٵرى زور سەنىمدىلىكپەن جەتكىزدىك. سەندەردىڭ يگىلىكتەرىڭ ٷشىن قالاي ارەكەت ەتكەنىمىزدى وزدەرىڭ دە بىلەسىڭدەر.
6 كوپتەگەن قيىندىقتارعا+ قاراماستان، سەندەر قۇداي ٴسوزىن كيەلى رۋح سيلاعان قۋانىشپەن قابىلدادىڭدار. وسىلاي بىزگە جانە يەمىزگە ەلىكتەپ+،
7 ماكەدونيا مەن احاياداعى سەنۋشىلەردىڭ بارىنە ۇلگى بولدىڭدار.
8 سەندەردەن ەحوبانىڭ* ٴسوزى ماكەدونيا مەن احاياعا عانا تاراپ قويعان جوق، قۇدايعا دەگەن سەنىمدەرىڭ تۋرالى بارلىق جەرگە جايىلدى+، سوندىقتان ٴبىزدىڭ بىردەڭە ايتۋىمىزدىڭ قاجەتى دە جوق.
9 ويتكەنى ولاردىڭ وزدەرى سەندەرمەن العاش كەزدەسكەنىمىز جايلى جانە سەندەردىڭ قالاي پۇتتاردان باس تارتىپ+، قۇدايعا بەت بۇرعاندارىڭ جايلى ايتىپ ٴجۇر. سەندەر ٴتىرى دە شىنايى قۇدايدىڭ قۇلى بولۋ ٷشىن
10 جانە ونىڭ ۇلىنىڭ كوكتەن كەلۋىن كۇتۋ+ ٷشىن وعان بەت بۇرعان ەدىڭدەر. قۇداي ولىمنەن قايتا تىرىلتكەن يسا ٴبىزدى ونىڭ ٴتونىپ كەلە جاتقان قاھارىنان قۇتقارادى+.
