سالونيكالىقتارعا 1-حات 3:1—13
3 سوندىقتان بۇعان ٵرى قاراي شىداي الماي، ٶزىمىز افينادا+ قالۋدى دۇرىس كورىپ،
2 سەندەرگە باۋىرلاسىمىز ٵرى ٴماسىح تۋرالى ىزگى حاباردى جاريالاپ جۇرگەن قۇدايدىڭ قىزمەتشىسى* تىموتەنى+ سەنىمدەرىڭ بەرىك بولۋ ٷشىن سەندەردى نىعايتسىن، جۇباتسىن دەپ جىبەردىك.
3 سوندا وسى قيىندىقتار ەشقايسىسىڭدى شايقالتپايدى. ويتكەنى ولاردىڭ ٴبىزدى اينالىپ وتپەيتىنى وزدەرىڭە ٴمالىم+.
4 ونىڭ ۇستىنە، قيىندىققا كەزىگۋىمىز كەرەكتىگىن وزدەرىڭمەن بىرگە بولعاندا ايتىپ ٴجۇرۋشى ەدىك. مىنە، سول ايتقانىمىز بولدى، بۇنى وزدەرىڭ دە بىلەسىڭدەر+.
5 سوندىقتان دا مەن بۇعان ٵرى قاراي شىداي الماي، ادال بولىپ جۇرسىڭدەر مە، الدە ازعىرۋشى*+ ەلىكتىرىپ اكەتىپ، بار ەڭبەگىمىز زايا كەتتى مە دەپ ۋايىمداپ، سونى ٴبىلۋ ٷشىن سەندەرگە تىموتەنى جىبەرگەن ەدىم+.
6 ول جاڭا عانا سەندەردەن كەلىپ، ادالدىقتارىڭ مەن سۇيىسپەنشىلىكتەرىڭ تۋرالى جاقسى حابار اكەلدى+. سونداي-اق ٴبىزدى ىلعي جاقسىلىقپەن ەسكە الىپ، ٴبىز سياقتى، سەندەردىڭ دە ٴبىزدى كورۋدى اڭساپ جۇرگەندەرىڭدى ايتتى.
7 باۋىرلاستار، ادال بولىپ جۇرگەندەرىڭ مۇقتاجدىق پەن قيىندىق كورىپ جاتقان بىزدەردى جۇباتتى+.
8 ٶمىرىمىز قايتا جانداندى، ويتكەنى يەمىزبەن بايلانىستارىڭدا بەرىك تۇر ەكەنسىڭدەر.
9 سەندەر ٷشىن، قۇدايىمىزدىڭ الدىندا بىزگە سيلاعان بار قۋانىشتارىڭ ٷشىن وعان قالاي العىس بىلدىرسەك ەكەن؟
10 جۇزدەرىڭدى كورسەك ٵرى سەنىمدەرىڭە نە جەتپەسە، سونى تولىقتىرساق ەكەن دەپ، كۇنى-ٴتۇنى بار ىنتامىزبەن جالبارىنۋدامىز+.
11 قۇداي اكەمىزدىڭ ٶزى جانە يەمىز يسا سەندەرگە بارار جولىمىزدى وڭعارا كورسىن.
12 ٴبىزدىڭ وزدەرىڭە دەگەن سۇيىسپەنشىلىگىمىزدىڭ مول بولعانى سياقتى، يەمىز سەندەردىڭ دە ٴبىر-بىرىڭە جانە بارلىق ادامدارعا دەگەن سۇيىسپەنشىلىكتەرىڭدى ارتتىرسىن، ٴيا، مولايتا بەرسىن+.
13 سوندا يەمىز يسا بارلىق قاسيەتتىلەرىمەن بىرگە وسىندا بولاتىن كەزدە*+ قۇداي اكەمىزدىڭ الدىندا جۇرەكتەرىڭ بەرىك، ٴمىنسىز دە قاسيەتتى بولادى+.
سىلتەمەلەر
^ مۇمكىن: «قۇدايدىڭ قىزمەتتەسى».
^ نەمەسە «ٵزازىل».
^ تۇسىندىرمەدەگى «يسانىڭ وسىندا بولۋىن» قاراڭىز.