سالونيكالىقتارعا 2-حات 2:1—17
2 ال يەمىز يسا ٴماسىحتىڭ وسىندا بولاتىن كەزىنە*+ جانە ٴبىزدىڭ ونىمەن بىرگە بولۋ ٷشىن جينالاتىنىمىزعا قاتىستى+، باۋىرلاستار، سەندەردەن مىنانى وتىنەمىز:
2 قانداي دا ٴبىر پايعامبارلىقتاردى نەمەسە ٴبىز ايتىپتى نە حاتتا جازىپتى-مىس دەگەن سوزدەردى ەستىپ+، ەحوبانىڭ* كۇنى كەلىپ قالدى+ ەكەن دەپ بىردەن اقىل-پاراساتتارىڭنان ايىرىلىپ، ابىرجىپ جۇرمەڭدەر.
3 ەشكىم سەندەردى امالىن تاۋىپ ەلىكتىرىپ جۇرمەسىن. ويتكەنى سول كۇن كەلمەس بۇرىن، الدىمەن جولدانتايۋشىلىق+ پايدا بولادى جانە كۇنانىڭ ادامى+، جويىلاتىن كىسى+، ايان بولادى.
4 ول — قارسى شىعۋشى. سونداي-اق ول ٶزىن قۇداي دەپ اتالاتىنداردىڭ جانە ادامدار تابىناتىن نارسەلەردىڭ بارىنەن جوعارى قويادى، وسىلايشا قۇدايدىڭ عيباداتحاناسىندا وتىرىپ الىپ، ٶزىن قۇداي ەتىپ كورسەتەدى.
5 قاستارىڭدا بولعانىمدا وسىلاردى ايتىپ وتىراتىنىم ەستەرىڭدە شىعار؟
6 ەندى سەندەر كۇنانىڭ ادامى ٶز ۋاقىتىندا ايان بولۋ ٷشىن ونى قانداي كۇش ۇستاپ تۇرعانىن بىلەسىڭدەر.
7 راس، قۇپيا بولىپ وتىرعان ول قازىردىڭ وزىندە ارەكەت ەتۋدە+، ٴبىراق ول ٶزىن ۇستاپ تۇرعان كۇش جولدان كەتكەنشە عانا قۇپيا بولماق.
8 سودان كەيىن كۇنانىڭ ادامى ايان بولادى، ال يەمىز يسانىڭ وسىندا ەكەنى اشىق كورىنگەندە+، ول ونى اۋزىنان شىققان لەپپەن جويادى+.
9 ال كۇنانىڭ ادامى شايتاننىڭ كۇش بەرۋىمەن وسىندا بولادى+، ٵرى ٴتۇرلى كەرەمەتتەر، الدامشى بەلگىلەر مەن عاجايىپتار كورسەتەدى+،
10 ادىلەتسىزدىك اتاۋلىدان تۋاتىن الدامشىلىقتى دا قولدانادى+. مۇنىڭ ٴبارى جويىلىپ بارا جاتقاندار ٴتيىستى جازاسىن الۋ ٷشىن جاسالادى. ويتكەنى ولار وزدەرىن قۇتقاراتىن شىندىقتى سۇيگىلەرى كەلمەدى.
11 سوندىقتان قۇداي ولاردىڭ وتىرىككە يلانىپ، الدامشىلىقتىڭ ىقپالىنا تۇسۋىنە جول بەرىپ وتىر+.
12 ول مۇنى شىندىققا سەنبەي، ادىلەتسىزدىكتەن راقات تاپقانداردىڭ ٴبارى سوتتالۋ ٷشىن ىستەپ وتىر.
13 ەحوبا سۇيگەن باۋىرلاستار، ٴبىز سەندەر ٷشىن ارقاشان قۇدايعا ريزاشىلىق بىلدىرۋگە مىندەتتىمىز. ويتكەنى قۇداي قۇتقارىلۋلارىڭ ٷشىن سەندەردى و باستان تاڭداپ الدى+. ول مۇنى سەندەردى رۋحپەن كيەلى ەتۋ ارقىلى+ جانە شىندىققا دەگەن سەنىمدەرىڭنىڭ نەگىزىندە ىستەدى.
14 ٴيا، ول سەندەردى يەمىز يسا ٴماسىحتىڭ ۇلىلىعىنا يە بولۋلارىڭ ٷشىن+ ٴبىز جاريالاپ جۇرگەن ىزگى حابار ارقىلى قۇتقارىلۋعا شاقىردى.
15 سوندىقتان، باۋىرلاستار، بەرىك تۇرىڭدار+ جانە ٴبىزدىڭ اۋىزشا بولسىن، حات ارقىلى بولسىن ۇيرەتكەندەرىمىزدى ۇستانىپ جۇرىڭدەر+.
16 ٴبىزدى ٴسۇيىپ+، راقىمىمەن ماڭگىلىك جۇبانىش ٵرى بەرىك ٷمىت بەرگەن+ قۇداي اكەمىز جانە يەمىز يسا ٴماسىحتىڭ ٶزى
17 سەندەردى جۇباتىپ، ىستەرىڭ دە، سوزدەرىڭ دە ارقاشان يگى بولۋ ٷشىن نىعايتسىن.
سىلتەمەلەر
^ تۇسىندىرمەدەگى «يسانىڭ وسىندا بولۋىن» قاراڭىز.
^ بۇل — قۇدايدىڭ ەسىمى. تۇسىندىرمەنى قاراڭىز.