سالونيكالىقتارعا 2-حات 3:1—18
3 سونىمەن، باۋىرلاستار، ەحوبانىڭ ٴسوزى سەندەردەگىدەي تەز تاراپ+، قۇرمەتپەن قابىلدانا بەرسىن دەپ ٴبىز ٷشىن دۇعا ەتە بەرىڭدەر+.
2 سونداي-اق قاۋىپتى دە زۇلىم ادامداردان ساقتاسىن+ دەپ سۇراڭدار، ويتكەنى جۇرتتىڭ ٴبارى بىردەي سەنۋشى ەمەس+.
3 ٴبىراق يەمىز سوزىنە ادال، ول بەرىك تۇرۋلارىڭ ٷشىن كۇش بەرىپ، سەندەردى زۇلىمنان ساقتايدى.
4 يەمىزبەن بايلانىستاعى بىزدەر وزدەرىڭە بەرگەن نۇسقاۋلارىمىزدى ورىنداپ جۇرگەندەرىڭە جانە بۇدان بىلاي دا ورىنداي بەرەتىندەرىڭە سەنىمدىمىز.
5 يەمىز جۇرەكتەرىڭدى قۇدايدىڭ سۇيىسپەنشىلىگىنە باعىتتاپ+، ماسىحكە قىزمەت ەتۋگە قاجەتتى تاباندىلىق+ بەرە بەرسىن.
6 ال ەندى، باۋىرلاستار، يەمىز يسا ٴماسىحتىڭ اتىنان مىنانى بۇيىرامىز: ٴتارتىپ بۇزىپ، سەندەر* بىزدەن قابىلداعان ٴداستۇردى*+ ورىنداماي جۇرگەن باۋىرلاستىڭ قاي-قايسىسىمەن دە ارالاسپاڭدار+!
7 بىزگە قالاي ەلىكتەۋ كەرەكتىگىن وزدەرىڭ دە بىلەسىڭدەر عوي+. سەبەبى ارالارىڭدا بولعاندا ٴتارتىپ بۇزعان دا،
8 بىرەۋدىڭ نانىن تەگىن جەگەن دە ەمەسپىز+. قايتا، ەشقايسىسىڭدى كوپ شىعىنعا ۇشىراتىپ، اۋىرتپالىق سالماۋ ٷشىن كۇنى-ٴتۇنى تەر توگىپ ەڭبەك ەتتىك+.
9 سەندەرگە اۋىرتپالىق سالۋعا قۇقىمىز بار ەدى+، ٴبىراق بىزگە ەلىكتەسىن دەپ، ۇلگى كورسەتكىمىز كەلدى+.
10 سونىمەن قاتار قاستارىڭدا بولعانىمىزدا «ەڭبەك ەتكىسى كەلمەيتىن ادام ٸشىپ-جەمەسىن»+ دەگەن نۇسقاۋ بەرەتىنبىز.
11 الايدا ارالارىڭداعى كەيبىرەۋلەردىڭ ٴتارتىپ بۇزىپ+، جۇمىس ىستەمەي، وزىنە قاتىسى جوق ىسكە ارالاسىپ جۇرگەنى جايلى ەستىدىك+.
12 مۇندايلارعا يسا ٴماسىحتىڭ اتىنان بۇيرىق بەرىپ، مىناعان شاقىرامىز: تىنىش ەڭبەك ەتىپ، ٶز نانىن وزدەرى تاۋىپ جەسىن+.
13 ال سەندەر، باۋىرلاستار، جاقسىلىق جاساۋدان تالماڭدار.
14 كىمدە-كىم وسى حات ارقىلى ايتقاندارىمىزعا قۇلاق اسپايتىن بولسا، سونى نازارعا الىڭدار. ٶز قىلىعىنا ۇيالۋ ٷشىن، ونىمەن ارالاسپاي قويىڭدار+.
15 ٴبىراق ونى جاۋ ساناماڭدار، قايتا، باۋىرلاس رەتىندە اقىل-كەڭەس بەرە بەرىڭدەر+.
16 تىنىشتىقتىڭ يەسى سەندەرگە قاي نارسەدە دە تىنىشتىق سيلاي بەرسىن+. يەمىز سەندەرگە جار بولسىن!
17 مەن، پاۋىل، بۇل سالەمىمدى ٶز قولىممەن جازىپ وتىرمىن+، مىنە، مەنىڭ قولتاڭبام وسىنداي. بارلىق حاتتارىمدى وسىدان تانيسىڭدار.
18 بارلىعىڭا يەمىز يسا ٴماسىحتىڭ راقىمى جاۋا بەرسىن!
