سامۋيلدىڭ 1-جازباسى 14:1—52
14 بىردە ساۋل ۇلى جوناتان+ قارۋ-جاراعىن الىپ جۇرەتىن جىگىتكە: «ٴجۇر، ارعى بەتتەگى فىلىستىرلەردىڭ قاراۋىل توبىنا بارايىق»،— دەدى. ٴبىراق اكەسىنە بۇل تۋرالى ايتپادى.
2 ساۋل ول كەزدە گيبەيانىڭ+ سىرتىندا، ميگرونداعى انار اعاشىنىڭ استىندا وتىرعان ەدى. قاسىندا 600 دەي ادامى بولدى+.
3 (سول كەزدە احيا ەفود كيىپ جۇرەتىن. ول يحابودتىڭ+ اعاسى احيتۇپتىڭ ۇلى+، پىنەحەستىڭ+ نەمەرەسى، ەليدىڭ+ شوبەرەسى ەدى. ەلي كەزىندە شيلودا+ ەحوبانىڭ ٴدىني قىزمەتكەرى بولعان+.) جوناتاننىڭ كەتىپ قالعانىن ەشكىم بىلمەي قالدى.
4 جوناتان فىلىستىرلەردىڭ قاراۋىل توبىنا جەتۋ ٷشىن ەكى جاعىندا تىسكە ۇقسايتىن ەكى جارتاسى بار اسۋ ارقىلى ٶتۋى كەرەك-ٴتىن. جارتاستاردىڭ ٴبىرى بوسەس، ەكىنشىسى سەنەح دەپ اتالاتىن.
5 ميقماسقا قارسى ورنالاسقان سولتۇستىكتەگى جارتاس باعاناعا ۇقسايتىن، ال وڭتۇستىك جاقتاعى ەكىنشى جارتاس گەباعا+ قارسى ورنالاسقان ەدى.
6 جوناتان قارۋ-جاراعىن الىپ جۇرەتىن جىگىتكە: «ٴجۇر، ارعى بەتكە ٶتىپ، اناۋ سۇندەتتەلمەگەندەردىڭ+ قاراۋىل توبىنا بارايىق. بالكىم، ەحوبا بىزگە جار بولار. ويتكەنى ەحوبا قۇتقارام دەسە، ادامنىڭ از-كوپتىگىنە قارامايدى+!»— دەدى.
7 ول: «جۇرەگىڭ نە قالاسا، سونى ىستە. قايدا بارساڭ دا، مەن ساعان ەرەمىن»،— دەپ جاۋاپ بەردى.
8 جوناتان مىنانى ايتتى: «ٴبىز ارعى بەتتەگى جاۋدىڭ جاعىنا ٶتىپ، ولارعا كورىنەيىك.
9 ەگەر ولار: —ٴبىز قاستارىڭا كەلگەنشە، تۇرا تۇرىڭدار!— دەسە، ورنىمىزدا تۇرا بەرەمىز.
10 ال ەگەر: —بىزگە قاراي كوتەرىلىڭدەر!— دەسە، قاستارىنا بارامىز، سەبەبى بۇل ەحوبانىڭ جاۋدى اياعىمىزعا جىعىپ بەرەتىنىنىڭ بەلگىسى بولماق+».
11 ٴسۇيتىپ، ەكەۋى فىلىستىرلەردىڭ قاراۋىل توبىنا كورىندى. ولار بولسا: «قاراڭدار، ەۆرەيلەر تىعىلعان ىندەرىنەن شىعىپ كەلە جاتىر+،— دەدى دە،
12 ەكەۋىنە: —بەرى كەلىڭدەر، كورەسىنى كورسەتەيىك سەندەرگە+!»— دەپ ايعايلادى. سوندا جوناتان: «سوڭىمنان ەر، ويتكەنى ەحوبا ولاردى يسرايلدىڭ اياعىنا جىعىپ بەرەدى»+،— دەپ،
13 جوعارى قاراي ورمەلەي باستادى، ال جىگىت وعان ەرىپ وتىردى. جوعارى شىققان سوڭ، جوناتان فىلىستىرلەردى شەتىنەن قىرا باستادى. ال ٴتىرى قالعاندارىن قاسىنداعى جىگىت ٶلتىرىپ وتىردى.
14 وسىلاي ەكەۋى ٴبىرىنشى شابۋىلدا ٴبىر پار وگىز ٴبىر كۇندە جىرتاتىن تاناپتىڭ جارتىسىنداي جەردە 20 شاقتى ادامدى سۇلاتىپ سالدى.
15 دالاداعى قوس پەن قاراۋىل توبىنداعى فىلىستىرلەردىڭ ٴبارىن ۇرەي بيلەدى. ٴتىپتى شاپقىنشىلىق جاسايتىن توناۋشىلار+ دا قورقىپ قالتىرادى. بۇدان كەيىن جەر سىلكىنە باستادى. بۇنىڭ ٴبارى قۇدايدان بولعان ەدى.
16 ٴفىلىستىر قوسىندا بەلەڭ العان دۇربەلەڭدى بەنيامين جەرىندەگى گيبەيادا+ ساۋلدىڭ كۇزەتشىلەرى كوردى+.
17 سوندا ساۋل قاسىنداعىلارعا ساربازداردى تۇگەندەپ، كىمنىڭ جوق ەكەنىن انىقتاۋدى تاپسىردى. قوستاعىلاردى ساناپ شىققاندا، جوناتان مەن ونىڭ قارۋ-جاراعىن الىپ جۇرەتىن جىگىت جوق بولىپ شىقتى.
18 مۇنى بىلگەندە، ساۋل ٴدىني قىزمەتكەر احياعا+: «قۇدايدىڭ كەلىسىم ساندىعىن اكەلىڭىز»،— دەدى. (ول كەزدە قۇدايدىڭ كەلىسىم ساندىعى يسرايلدىكتەردىڭ اراسىندا ەدى.)
19 ولار سويلەسىپ تۇرعاندا، فىلىستىرلەردىڭ قوسىنداعى دۇربەلەڭ كۇشەيىپ بارا جاتتى. سوندىقتان ساۋل احياعا: «قويا قويىڭىز»،— دەدى.
20 سوسىن ول قاسىنداعى بارلىق ساربازىن جيناپ، ۇرىس بولىپ جاتقان جەرگە باردى. قاراسا، فىلىستىرلەر ٴبىر-بىرىمەن شايقاسىپ جاتىر ەكەن؛ ابىر-سابىر ابدەن كۇشەيىپتى.
21 بۇرىنىراقتا فىلىستىرلەر جاعىنا شىعىپ، سولاردىڭ قوسىندا بولعان ەۆرەيلەر دە ساۋل مەن جوناتانعا ەرگەن يسرايلدىكتەرگە كەلىپ قوسىلدى.
22 فىلىستىرلەردىڭ قاشا باستاعانىن ەستىگەندە، ەفرەم تاۋلى وڭىرىندە جاسىرىنىپ جاتقان بارلىق يسرايلدىكتەر+ دە جاۋلارىنىڭ سوڭىنا ٴتۇستى.
23 سول كۇنى ەحوبا يسرايلدى قۇتقاردى+. شايقاس بەت-ابەنگە+ دەيىن جايلادى.
24 ٴبىراق يسرايلدىكتەر سول كۇنى ابدەن قالجىرادى، ويتكەنى ساۋل: «كەشكە دەيىن، مەن جاۋىمنان كەك الىپ بولعانشا، اۋزىنا اس العان ادامدى قارعىس اتسىن!»— دەپ، جۇرتتى انتپەن بايلاعان ەدى. سوندىقتان ەشكىم ٴنار تاتپاعان بولاتىن+.
25 بۇدان كەيىن كۇللى جۇرت ورمانعا كىردى. بۇل ۋاقىتتا وندا بال كوپ بولاتىن.
26 ورمانعا كىرگەن جۇرت تامىپ تۇرعان بالدى كوردى، ٴبىراق ساۋلدىڭ انتىنان قورقىپ، ەشقايسىسى ودان اۋزىنا المادى.
27 جوناتان اكەسىنىڭ جۇرتتى انتپەن بايلاعانىن ەستىمەگەن بولاتىن+. ول تاياعىن ارا ۇياسىنا تىعىپ جىبەرىپ، كىشكەنە بال الىپ جەپ ەدى، كوزدەرى جايناپ سالا بەردى.
28 سوندا قاسىنداعىلاردىڭ ٴبىرى وعان: «اكەڭ جۇرتتى «بۇگىن اۋزىنا اس العان ادامدى قارعىس اتسىن!» دەپ، قاتاڭ انتپەن بايلادى+. حالىقتىڭ قاتتى قالجىراعانى دا سودان»،— دەدى.
29 بۇعان جوناتان مىنانى ايتتى: «اكەم ەلگە ۇلكەن اۋىرتپالىق سالعان ەكەن. قاراڭدارشى، بالدان كىشكەنە جەپ ەدىم، كوزىم جايناپ سالا بەردى.
30 جۇرتتىڭ جاۋدان تۇسكەن ولجادان ٸشىپ-جەگەنى جاقسى بولار ەدى+! سوندا بۇدان دا كوپ ٴفىلىستىردىڭ كوزىن قۇرتار ەدىك».
31 سول كۇنى ولار فىلىستىرلەردى ميقماستان ايالونعا+ دەيىن قىردى. جۇرت ابدەن قالجىرادى.
32 سوندىقتان اشكوزدىكپەن ولجاعا باس سالىپ، قوي، سيىر، بۇزاۋلاردى جەرگە جىعىپ باۋىزداي سالا، ەتىن قانىمەن جەي باستادى+.
33 ساۋلعا «جۇرت قانى اعىزىلماعان ەت جەپ، ەحوباعا قارسى كۇنا جاساپ جاتىر»+ دەگەن حابار جەتكەندە، ول: «سەندەر وپاسىزدىق جاسادىڭدار! ماعان دەرەۋ ٴبىر ۇلكەن تاستى دومالاتىپ اكەلىڭدەر»،— دەدى.
34 بۇدان كەيىن: «جۇرت اراسىنا بارىپ، «ٴارقايسىسىڭ بۇقالارىڭ مەن قويلارىڭدى وسىندا اكەلىپ سويىپ جەڭدەر. قانى اعىزىلماعان ەت جەپ، ەحوباعا قارسى كۇنا جاساماڭدار+!» دەگەن سوزدەرىمدى جەتكىزىڭدەر»،— دەپ تاپسىردى. سول كۇنى كەشكە جۇرتتىڭ ٴبارى بۇقالارىن سوندا اكەلىپ سويدى.
35 وسىدان كەيىن ساۋل ەحوباعا ارناپ قۇرباندىق ورنىن جاسادى+. بۇل ونىڭ ەحوباعا ارناپ جاساعان العاشقى قۇرباندىق ورنى ەدى.
36 كەيىنىرەك ساۋل: «بۇگىن تۇندە فىلىستىرلەردىڭ سوڭىنا ٴتۇسىپ، تاڭ اتقانشا مال-مۇلكىن ولجالايىق. ەشقايسىسىن ٴتىرى قالدىرمايىق»،— دەدى. جۇرت وعان: «دۇرىس دەپ تاپقانىڭىزدى ىستەڭىز»،— دەپ جاۋاپ بەردى. ٴدىني قىزمەتكەر بولسا: «وسى جەردە قۇداي ەركىن سۇراپ بىلەيىك»+،— دەپ قوستى.
37 ساۋل قۇدايدان: «فىلىستىرلەردىڭ سوڭىنان قۋايىن با+؟ ولاردى يسرايلدىڭ اياعىنا جىعىپ بەرەسىڭ بە؟»— دەپ سۇرادى. ٴبىراق قۇداي سول كۇنى وعان جاۋاپ بەرمەدى.
38 سوندا ساۋل بىلاي دەدى: «حالىق باسشىلارىنىڭ ٴبارى وسىندا جينالسىن، بۇگىن قانداي كۇنا جاسالعانىن انىقتايىق.
39 يسرايلدىڭ قۇتقارۋشىسى ٴتىرى قۇداي ەحوبانىڭ الدىندا شىن ايتامىن*: بۇل كۇنانى جاساعان مەنىڭ ۇلىم جوناتان بولسا دا، ٶلۋى ٴتيىس». ٴبىراق جۇرت ٷن قاتپادى.
40 سوندا ول كۇللى يسرايلگە: «سەندەر بارلىعىڭ ٴبىر جاققا، ال مەن ۇلىم جوناتان ەكەۋمىز ٴبىر جاققا تۇرايىق،— دەگەن ەدى، ولار: —دۇرىس دەپ تاپقانىڭىزدى ىستەڭىز»،— دەپ جاۋاپ بەردى.
41 ساۋل ەحوبادان: «ۋا، يسرايلدىڭ قۇدايى، تۋمميم*+ ارقىلى جاۋاپ بەرە كورشى»،— دەپ ٶتىندى. سوندا حالىق ەمەس، جوناتان مەن ساۋل تاڭدالدى.
42 ساۋل: «جەرەبەنى+ ۇلىم ەكەۋمىزگە سالىڭدار»،— دەدى. جەرەبە جوناتانعا ٴتۇستى.
43 سوندا اكەسى ودان: «ايتشى، نە ىستەپ قويدىڭ؟»— دەپ سۇرادى. ول: «قولىمداعى تاياقتىڭ ۇشىمەن كىشكەنە بال الىپ جەدىم+. سول ٷشىن ولۋگە دايىنمىن!»— دەپ جاۋاپ بەردى.
44 ساۋل بولسا: «جوناتان، سەن بۇگىن مىندەتتى تۇردە ولەسىڭ! ولاي بولماسا، قۇداي مەنى جازالاعان ۇستىنە جازالاسىن!»— دەدى+.
45 ٴبىراق جۇرت: «يسرايلدى وسىنداي ۇلى جەڭىسكە جەتكىزگەن جوناتان+ ٶلۋى كەرەك پە؟! بۇلاي ەتۋگە بولمايدى! ٴتىرى قۇداي ەحوبانىڭ الدىندا شىن ايتامىز*: ونىڭ باسىنان ٴبىر تال شاش تا تۇسپەيدى. بۇگىن وعان قۇدايدىڭ ٶزى جار بولدى+!»— دەپ، جوناتاندى امان الىپ قالدى*.
46 ٴسۇيتىپ، ساۋل فىلىستىرلەردى قۋۋىن توقتاتتى، ال ولار ٶز جەرلەرىنە قايتىپ كەتتى.
47 ساۋل يسرايلدە پاتشالىعىن نىعايتىپ، اينالاسىنداعى جاۋلارىنىڭ بارىمەن — موابتىقتار+، امموندىقتار+، ەدومدىقتار+، سوبا+ پاتشالارىمەن جانە فىلىستىرلەرمەن+ سوعىستى. ول قاي جاققا جورىققا اتتانسا دا، جاۋلارىن جەڭىپ وتىردى.
48 ساۋل باتىل سوعىسىپ، امالەكتىكتەردى تالقاندادى+. وسىلاي يسرايلدى شاپقىنشىلارىنان ازات ەتتى.
49 ساۋلدىڭ جوناتان، يشۋي، مالحيشۋا+ دەگەن ٷش ۇلى جانە ەكى قىزى بولدى. ۇلكەن قىزىنىڭ ەسىمى مەراب+، كىشىسىنىكى ميحال+ ەدى.
50 ال ايەلى احيماعاستىڭ قىزى احينوعام بولاتىن. پاتشا اسكەرىن اكەسىنىڭ باۋىرى نەر ۇلى ابىنەر+ باسقاراتىن.
51 ساۋلدىڭ اكەسى قيش+ بولاتىن، ال ابىنەردىڭ اكەسى نەر+ ابيەلدىڭ ۇلى ەدى.
52 ساۋلدىڭ كەزىندە يسرايلدىكتەر مەن فىلىستىرلەر اراسىندا قيان-كەسكى سوعىس توقتاعان ەمەس+. سوندىقتان ول كۇشتى نە باتىل بىرەۋدى كورسە، ونى وزىنە سارباز ەتىپ الاتىن+.
سىلتەمەلەر
^ نەمەسە «ەحوبانىڭ ٴتىرى ەكەنىندەي حاق ٴسوزىم».
^ تۇسىندىرمەدەگى «ۋريم مەن تۋمميم» ٴسوزىن قاراڭىز.
^ سوزبە-ٴسوز «قۇنىن وتەپ الدى».
^ نەمەسە «ەحوبانىڭ ٴتىرى ەكەنىندەي حاق ٴسوزىمىز».
