سامۋيلدىڭ 1-جازباسى 17:1—58
17 فىلىستىرلەر+ قول جيناپ، شايقاسقا دايىندالدى. ياھۋدا جەرىندەگى سوقوتتا+ باس قوسقان ولار سوقوت پەن ازەكتىڭ+ اراسىنداعى ەفەس-داميمگە+ قوس تىكتى.
2 ساۋل مەن يسرايلدىكتەر دە ەلاح اڭعارىندا+ قوس تىگىپ، فىلىستىرلەرگە قارسى ساپ تۇزەدى.
3 فىلىستىرلەر ٴبىر تاۋدىڭ، يسرايلدىكتەر بولسا ەكىنشىسىنىڭ بەتكەيىنە ورنالاستى، ال ارالارىندا اڭعار جاتتى.
4 فىلىستىرلەر قوسىنان جەكپە-جەككە عاتتىق+ باتىر عوليات شىقتى+. ونىڭ بويى التى شىنتاق ٴبىر قارىس* ەدى.
5 باسىنا مىس دۋلىعا، ۇستىنە سالماعى 5000 شەكەل* قابىرشاق ىسپەتتى مىس ساۋىت+ كيگەن ەكەن.
6 اياقتارىنا مىس بالتىرلىق تاڭىپ، ارقاسىنا مىس سۇڭگى اسىنىپتى+.
7 نايزاسىنىڭ اعاش سابى توقىماشى ورمەگىن كەرەتىن كەرگى اعاش سياقتى ەكەن+، ال تەمىر ۇشتىعىنىڭ سالماعى 600 شەكەل* بولاتىن. عولياتتىڭ الدىندا ٴبىر سارباز ونىڭ ۇلكەن قالقانىن كوتەرىپ ٴجۇردى.
8 عوليات العا شىعىپ، ساپتا تۇرعان يسرايل ساربازدارىنا بىلاي دەپ ايعايلادى+: «سەندەر نەسىنە ساپ تۇزەپ تۇرسىڭدار؟ مەن ٴفىلىستىر باتىرىمىن! ال سەندەر ساۋلدىڭ قىزمەتشىسى ەمەسسىڭدەر مە؟ ارالارىڭنان بىرەۋدى تاڭداڭدار، ول مەنىڭ قاسىما كەلسىن.
9 ەگەر جەكپە-جەكتە ول مەنى ولتىرسە، ٴبىز سەندەرگە قۇل بولامىز. ال ەگەر مەن ونى جەڭىپ، كوزىن قۇرتسام، سەندەر بىزگە قۇل بولىپ، قىزمەت ەتەسىڭدەر».
10 سوسىن ول: «مەن بۇگىن يسرايل جاساعىن ماسقارا قىلامىن+! كانە، مەنىمەن شايقاساتىن ادامدى جىبەرىڭدەر!»— دەپ قوستى.
11 ساۋل مەن كۇللى يسرايل مۇنى ەستىگەندە، زارەلەرى قالماي قورىقتى.
12 ٴداۋىت ياھۋدا جەرىندەگى بەتلەحەمدە+ تۇراتىن ەفراتالىق+ ەسەي+ دەگەن كىسىنىڭ ۇلى بولاتىن. ەسەيدىڭ سەگىز ۇلى بولدى+. ساۋل پاتشالىق قۇرعان كەزدە ول ەگدە تارتىپ قالعان ەدى.
13 ونىڭ ٷش ۇلكەن ۇلى — تۇڭعىشى ەلياپ+، ودان كەيىنگى ٵبيناداپ+ جانە شاماح+ ساۋلدىڭ جاساعىنا قوسىلىپ، سوعىستا ٴجۇردى+.
14 ٴداۋىت كەنجەسى بولاتىن+، ال ۇلكەن ٷش ۇلى ساۋلعا ەرىپ كەتكەن ەدى.
15 ٴداۋىت ساۋلعا قىزمەت ەتىپ جۇرگەندە، اكەسىنىڭ قويىن باعۋ ٷشىن+ بەتلەحەمگە كەلىپ-كەتىپ تۇراتىن.
16 ال الگى فىلىستىرلىك بولسا 40 كۇن بويى كۇنىنە ەكى رەت، تاڭەرتەڭ جانە كەشكە، يسرايلدىكتەردىڭ الدىنا شىعىپ تۇردى.
17 بىردە ەسەي داۋىتكە بىلاي دەدى: «بالام، ٴبىر ەفا* قۋىرىلعان بيداي مەن ون كۇلشە نان ال دا، تەزدەتىپ قوستاعى اعالارىڭا اپارا قويشى.
18 مىنا ون ولشەم ىرىمشىكتى* مىڭباسىنا بەر. اعالارىڭنىڭ حال-جاعدايىن ٴبىلىپ، اماندىعىنا كوز جەتكىزەتىن بىردەڭە الا كەل».
19 بۇل كەزدە ساۋل مەن ساربازدارى ەلاح اڭعارىندا+ فىلىستىرلەرمەن شايقاسىپ جاتقان ەدى+.
20 ٴداۋىت ەرتە تۇرىپ، قويلارىن كۇزەتشىگە تابىستادى دا، اكەسىنىڭ ايتقاندارىنىڭ ٴبارىن الىپ، جولعا شىقتى. ول قوسقا جاقىنداعاندا، ساربازداردىڭ اتوي سالىپ، سوعىس الاڭىنا شىعىپ جاتقانىن كوردى.
21 يسرايل مەن ٴفىلىستىر ساربازدارى ٴبىر-بىرىنە قارسى ساپ تۇزەدى.
22 ٴداۋىت اكەلگەندەرىن جۇك باسىنداعى كۇزەتشىگە تاستاي سالا، ساپتا تۇرعان اعالارىنا جۇگىرىپ بارىپ، اماندىق سۇرادى+.
23 ول اعالارىمەن سويلەسىپ تۇرعاندا، ٴفىلىستىر باتىرى، الگى عاتتىق عوليات ساپتان العا شىعىپ+، بۇرىن ايتقان سوزدەرىن قايتالاپ ايعايلاي باستادى+. ونى ٴداۋىت تە ەستىدى.
24 يسرايل ساربازدارى عولياتتى كورگەندە، زارەلەرى قالماي، قاشا جونەلدى+.
25 ولار ٶزارا: «مىنا ادامدى كوردىڭدەر مە؟ ول يسرايلدى مازاق ەتۋ ٷشىن شىعىپ ٴجۇر+. ونى ولتىرگەن ادامعا پاتشا كوپ بايلىق سيلاپ، قىزىن بەرەدى+، ال اكەسىنىڭ ٷي ٸشىن بارلىق مىندەتتى بورىشتان بوساتادى»،— دەستى.
26 سوندا ٴداۋىت قاسىندا تۇرعاندارعا: «مىنا ٴفىلىستىردى ٶلتىرىپ، يسرايلدى ماسقارادان ارىلتقان ادامعا نە بەرىلەدى؟ ٴتىرى قۇدايدىڭ جاساعىن قورلايتىنداي بۇل سۇندەتتەلمەگەن ٴفىلىستىر كىم سونشا+؟!»— دەدى.
27 ولار «ونى ولتىرگەن ادامعا مىناداي-مىناداي نارسەلەر بەرىلەدى» دەپ، ايتقان سوزدەرىن قايتالادى.
28 ٴداۋىتتىڭ ساربازدارمەن سويلەسىپ جاتقانىن ۇلكەن اعاسى ەلياپ+ ەستىپ قالىپ، وعان قاتتى اشۋلانىپ: «مۇندا نەمەنەگە كەلدىڭ؟ انا ازعانا قويدى ايدالادا كىمگە قالدىردىڭ+؟ سەنىڭ مەنمەندىگىڭ مەن ارام پيعىلىڭدى بىلەمىن. مۇندا شايقاستى كورۋگە كەلدىڭ عوي؟!»— دەپ ۇرىستى.
29 ٴداۋىت بولسا: «مەن نە ىستەدىم سونشا؟ جاي عانا سۇراق قويدىم عوي!»— دەپ جاۋاپ بەردى.
30 سوسىن بۇرىلىپ، تاعى بىرەۋگە سول سۇراقتى قويدى+، جۇرتتىڭ جاۋابى الگىندەگىدەي بولدى+.
31 ٴداۋىتتىڭ ٴسوزىن ەستىگەندەر مۇنى پاتشاعا ايتتى، سوندا پاتشا ونى شاقىرتىپ الدى.
32 ٴداۋىت وعان: «ەشكىم قورىقپاي-اق قويسىن. قىزمەتشىڭىز مىنا فىلىستىرمەن شايقاسۋعا دايىن»،— دەدى+.
33 ٴبىراق ساۋل: «سەن ونىمەن شايقاسا المايسىڭ. ٵلى جاسسىڭ عوي+، ول بولسا بالا كەزىنەن ماشىقتانعان سارباز»،— دەپ جاۋاپ بەردى.
34 ٴداۋىت مىنانى ايتتى: «قىزمەتشىڭىز اكەسىنىڭ قويىن باعىپ كەلەدى. كەيدە مالعا ارىستان+ نە ايۋ شاۋىپ، قويلاردىڭ بىرەۋىن الىپ كەتەتىن.
35 مەن جىرتقىشتى قۋىپ جەتىپ، باس سالاتىنمىن دا، مالدى ارانىنان قۇتقارىپ الاتىنمىن. ال وزىمە تاپ بەرسە، جۇنىنەن شاپ بەرىپ ۇستاپ الىپ، ٶلتىرىپ تاستايتىنمىن.
36 وسىلاي قىزمەتشىڭىز ارىستاندى دا، ايۋدى دا ولتىرگەن. ٴتىرى قۇدايدىڭ جاساعىن مازاق ەتكەنى ٷشىن مىناۋ سۇندەتتەلمەگەن ٴفىلىستىر دە سولاردىڭ كەبىن كيەدى+!»
37 سوسىن: «مەنى ارىستان مەن ايۋدىڭ شەڭگەلىنەن قۇتقارعان ەحوبا مىنا فىلىستىردەن دە قۇتقارادى!»+— دەپ قوستى. سوندا ساۋل: «وندا بار، ەحوبا ساعان جار بولسىن!»— دەدى.
38 ساۋل داۋىتكە ٶزىنىڭ كيىمىن بەرىپ، باسىنا مىس دۋلىعاسىن، ۇستىنە ساۋىتىن كيگىزدى.
39 ٴداۋىت پاتشانىڭ سەمسەرىن دە تاعىپ الىپ، ٵرى-بەرى جۇرۋگە تىرىسىپ ەدى، ۇيرەنبەگەندىكتەن جۇرە المادى. سوندىقتان ول ساۋلعا: «مەن مىنالاردى كيىپ جۇرە المايمىن، بۇعان ۇيرەنبەگەنمىن»،— دەپ، شەشىپ تاستادى.
40 ول تاياعىن الدى دا، سايدان بەس جۇمىر تاس تەرىپ الىپ، دورباسىنا سالدى. سوسىن ساقپانىن+ قولىنا الىپ، فىلىستىرگە قاراي بەتتەدى.
41 ٴفىلىستىر دە وعان جاقىنداي ٴتۇستى، ونىڭ قالقانىن الىپ جۇرگەن سارباز بولسا الدىندا ٴجۇردى.
42 ٴداۋىتتىڭ ەكى بەتى نارتتاي، كەلبەتتى جاس جىگىت+ ەكەنىن كورگەندە، ٴفىلىستىر ونى مەنسىنبەي:
43 «ماعان تاياق الىپ شىعاتىنداي، مەنى يت دەپ پە ەدىڭ+؟!»— دەپ، قۇدايلارىنىڭ اتىمەن قارعاپ-سىلەدى.
44 بۇدان كەيىن: «بەرمەن كەل! مەن سەنى يت پەن قۇسقا جەم قىلايىن!»— دەدى.
45 ٴداۋىت وعان بىلاي جاۋاپ بەردى: «سەن ماعان قارسى سەمسەر، نايزا، سۇڭگى الىپ كەلە جاتىرسىڭ+. ال مەن ٶزىڭ مازاق ەتكەن+ يسرايل جاساعىنىڭ قۇدايى — اسكەرباسى ەحوبانىڭ اتىمەن كەلە جاتىرمىن+.
46 بۇگىن ەحوبا سەنى اياعىما جىعىپ بەرەدى+. مەن سەنى ٶلتىرىپ، باسىڭدى شاۋىپ الامىن. ال ٴفىلىستىر ساربازدارىنىڭ ولەكسەسىن يت پەن قۇسقا جەم قىلامىن. سوندا جەر بەتىندەگىلەردىڭ ٴبارى يسرايلدە قۇداي بار ەكەنىنە كوز جەتكىزەدى+!
47 مىناۋ جينالعان جۇرت مىنانى دا بىلەتىن بولادى: قۇتقارۋ ٷشىن ەحوباعا سەمسەردىڭ دە، نايزانىڭ دا قاجەتى جوق+! سەبەبى بۇل — ەحوبانىڭ شايقاسى+. ول سەندەردى اياعىمىزعا جىعىپ بەرەدى+».
48 سوندا ٴفىلىستىر اياڭداپ باسىپ، داۋىتكە جاقىنداي ٴتۇستى، ٴبىراق ٴداۋىت ونىمەن بەتتەسۋ ٷشىن، لەزدە سوعىس شەبىنە قاراي جۇگىرە جونەلدى.
49 ول دورباسىنان ٴبىر تاستى الا سالا، ساقپانىنا سالىپ، اتىپ جىبەردى. تاس ٴفىلىستىردىڭ قاق ماڭدايىنا ٴتيىپ، تەسىپ كىرىپ كەتتى. ٴفىلىستىر تۇرعان جەرىندە ەتپەتىنەن سۇلاپ ٴتۇستى+.
50 وسىلايشا ٴداۋىت ساقپانمەن اتقان جالعىز تاسپەن ٴفىلىستىردى جەر قۇشتىرىپ، ودان كۇشتى بولىپ شىقتى. ونىڭ قولىندا ٴتىپتى سەمسەر دە بولعان جوق+.
51 ول جۇگىرگەن كۇيى سۇلاپ جاتقان ٴفىلىستىردىڭ قاسىنا باردى. سوسىن ونىڭ سەمسەرىن قىنابىنان سۋىرىپ الىپ+، باسىن شاۋىپ الدى. ال فىلىستىرلەر باتىرلارىنىڭ ولگەنىن كورىپ، قاشا جونەلدى+.
52 يسرايل مەن ياھۋدا ساربازدارى جاپپاي كوتەرىلىپ، اتويلاپ، جاۋلارىنىڭ سوڭىنا ٴتۇستى دە، اڭعارعا+ جانە ەكرون+ قاقپاسىنا دەيىن قۋدى. جەر قۇشقان ٴفىلىستىر ساربازدارى شاعاريمنەن+ شىعاتىن جولدا عات پەن ەكرونعا دەيىن سۇلاپ جاتتى.
53 بۇدان كەيىن يسرايلدىكتەر قايتا ورالىپ، فىلىستىرلەردىڭ قوستارىن تونادى.
54 ٴداۋىت بولسا عولياتتىڭ باسىن يەرۋساليمگە اكەلدى، ال قارۋ-جاراعىن ٶز شاتىرىنا اپارىپ قويدى+.
55 ٴداۋىت فىلىستىرمەن بەتتەسۋگە كەتىپ بارا جاتقاندا، ساۋل قولباسشىسىنان: «ابىنەر+، مىنا جىگىت كىمنىڭ بالاسى+؟»— دەپ سۇرادى. ول: «شىن ايتامىن*، تاقسىر، بىلمەيدى ەكەنمىن»،— دەپ جاۋاپ بەردى.
56 پاتشا: «وندا كىمنىڭ بالاسى ەكەنىن ٴبىلىپ كەل!»— دەپ بۇيىردى.
57 ٴداۋىت عولياتتى جەڭىپ كەلگەندە، ابىنەر ونى ساۋلدىڭ الدىنا ەرتىپ اكەلدى. ول ٵلى دە عولياتتىڭ باسىن+ ۇستاپ تۇرعان ەدى.
58 ساۋل داۋىتتەن: «جىگىتىم، كىمنىڭ بالاسىسىڭ؟»— دەپ سۇرادى. ول بولسا: «بەتلەحەمدەگى+ ەسەي+ دەگەن قىزمەتشىڭىزدىڭ بالاسى بولامىن»،— دەدى.
سىلتەمەلەر
^ شامامەن 9.2 مەتر. B14 قوسىمشاسىن قاراڭىز.
^ شامامەن 57 كيلوگرام. B14 قوسىمشاسىن قاراڭىز.
^ شامامەن 84.6 كيلوگرام. B14 قوسىمشاسىن قاراڭىز.
^ شامامەن 22 ليتر. B14 قوسىمشاسىن قاراڭىز.
^ سوزبە-ٴسوز «ٴسۇتتى».
^ نەمەسە «ٴسىزدىڭ ٴتىرى ەكەنىڭىزدەي حاق ٴسوزىم».