سامۋيلدىڭ 1-جازباسى 18:1—30
18 ٴداۋىت پەن ساۋل اڭگىمەلەسىپ بولعان سوڭ، جوناتان+ مەن ٴداۋىت اينىماس دوس بولىپ، جوناتان ونى جانىنداي جاقسى كورىپ كەتتى+.
2 سول كۇننەن باستاپ ساۋل ٴداۋىتتى اكەسىنىڭ ۇيىنە قايتارماي، قاسىنا الىپ قالدى+.
3 جوناتان ٴداۋىتتى جانىنداي جاقسى كورگەندىكتەن+، ەكەۋى دوس بولۋعا سەرت بايلاستى+.
4 ول جەڭسىز كويلەگىن داۋىتكە شەشىپ بەردى. سونداي-اق باسقا دا كيىمدەرىن، سەمسەرىن، ساداعى مەن بەلدىگىن دە سيلادى.
5 سودان ٴداۋىت جورىققا شىعا باستادى. قايدا جۇمساسا دا، بار ٸسىن اقىلمەن اتقاراتىندىقتان+، ساۋل ونى ساربازدارعا باسشى ەتىپ قويدى+. بۇل بۇكىل حالىققا، ساۋلدىڭ قىزمەتشىلەرىنە دە ۇنادى.
6 ٴداۋىت پەن وزگە ساربازدار فىلىستىرلەردى جەڭىپ، ەلگە قايتىپ كەلە جاتقاندا، ساۋل پاتشانى قارسى الۋ ٷشىن يسرايلدىڭ بۇكىل قالالارىنان جينالعان ايەلدەر ٷش ىشەكتى اسپاپ پەن داڭعىرادا ويناپ+، بي بيلەپ، ٵن ايتىپ+، قۋانا الدارىنان شىعاتىن.
7 جەڭىستى تويلاعان ايەلدەر بىلاي دەپ اندەتەتىن:
«ساۋل مىڭداعان جاۋدى قىردى،ال ٴداۋىت ون مىڭداعانىن جايراتتى»+.
8 ساۋل بۇل سوزدەردى مۇلدەم ۇناتپايتىن. بىردە ول قاتتى اشۋلانىپ+، ىشتەي: «ولار داۋىتكە قىرىلعان جاۋدىڭ ون مىڭداعانى، ال ماعان نەبارى مىڭداعانى ٷشىن ماقتاۋ ايتادى. ەندى وعان تەك پاتشا بولۋ جەتپەي تۇر+!»— دەدى.
9 سول كۇننەن باستاپ ول داۋىتكە كۇدىكتەنە قارايتىن بولدى.
10 كەلەسى كۇنى ٴداۋىت ادەتتەگىدەي پاتشا سارايىندا ارفا تارتىپ وتىرعاندا+، ساۋلعا قۇداي جىبەرگەن جامان رۋح اسەر ەتىپ+، ٶزىن ٴبىرتۇرلى ۇستاي باستادى. ونىڭ قولىندا نايزاسى بار ەدى+.
11 سوندا ول «ٴداۋىتتى قابىرعاعا قاداپ قويامىن» دەگەن ويمەن نايزاسىن وعان قاراي لاقتىرىپ جىبەردى+. ٴبىراق ٴداۋىت جالتارىپ ۇلگەردى. مۇنداي جاعداي ەكى رەت بولدى.
12 ساۋل ودان قورقا باستادى، ويتكەنى ەحوبا ونى تاستاپ كەتىپ+، داۋىتكە جار بولىپ جۇرگەن ەدى+.
13 سوندىقتان پاتشا ونى وزىنەن الىستاتىپ، مىڭباسى ەتىپ قويدى. سودان ٴداۋىت جورىقتاردا ساربازداردى باستاپ جۇرەتىن بولدى+.
14 ول بارلىق ٸسىن اقىلمەن اتقاراتىن+، ٵرى ەحوبا وعان جار بولىپ ٴجۇردى+.
15 ونىڭ ارقاشان اقىلمەن ارەكەت ەتەتىنىن كورىپ، ساۋل ودان بەتەر قورىقتى.
16 ال بۇكىل يسرايل مەن ياھۋدا حالقى ٴداۋىتتى جاقسى كوردى، ويتكەنى ول جورىقتاردا باسشىلىق ەتەتىن.
17 بىردە ساۋل داۋىتكە: «ۇلكەن قىزىم مەرابتى+ ساعان بەرەمىن+، تەك ماعان ەرلىكپەن قىزمەت ەتىپ، ەحوبا ٷشىن سوعىسا بەر+»،— دەدى. ال ىشىنەن: «ول مەنىڭ ەمەس، فىلىستىرلەردىڭ قولىنان قازا تاپسىن»،— دەپ ويلادى+.
18 بۇعان ول: «پاتشانىڭ كۇيەۋبالاسى بولاتىنداي مەن كىممىن، يسرايلدە تۋىستارىم مەن اكەمنىڭ ٷي ٸشى كىم+؟!»— دەپ جاۋاپ بەردى.
19 الايدا مەرابتى داۋىتكە ۇزاتاتىن ۋاقىت كەلگەندە، ساۋل ونى مەحولالىق ادىريەلگە+ بەرىپ قويعانى بەلگىلى بولدى.
20 ساۋلدىڭ ميحال+ دەگەن قىزى داۋىتكە عاشىق بولاتىن. مۇنى ەستىگەندە، بۇل ساۋلعا ۇناپ:
21 «وسى قىزىمدى داۋىتكە قوسسام، ول وعان تۇزاق بولىپ، فىلىستىرلەر ارقىلى كوزىن قۇرتا الاتىن شىعارمىن،— دەپ ويلادى دا+، داۋىتكە ەكىنشى رەت: —سەن پاتشانىڭ كۇيەۋبالاسى بولاسىڭ»،— دەدى.
22 سوسىن قىزمەتشىلەرىنە مىنانى بۇيىردى: «داۋىتكە وڭاشادا: —سەن پاتشاعا دا، بارلىق قىزمەتشىلەرىنە دە ۇنايسىڭ. ەندەشە، پاتشاعا كۇيەۋبالا بولمايسىڭ با؟!— دەڭدەر».
23 ولار داۋىتكە وسىلاي دەگەندە، ول: «پاتشانىڭ كۇيەۋبالاسى بولۋ وڭاي دەيسىڭدەر مە؟ مەن كەدەيمىن، بەدەلدى دە ەمەسپىن»،— دەپ جاۋاپ بەردى+.
24 قىزمەتشىلەرى ونىڭ سوزدەرىن ساۋلعا ايتىپ بەردى.
25 بۇعان ساۋل مىنانى ايتتى: «وعان بىلاي دەڭدەر: —پاتشا جاۋلارىنان ٶش العىسى كەلەدى، سوندىقتان قالىڭمالدان+ گورى ٴجۇز ٴفىلىستىردىڭ سۇندەت تەرىسىن ارتىق كورىپ وتىر+». شىندىعىنا كەلگەندە، ساۋل ٴداۋىتتى فىلىستىرلەردىڭ قولىمەن قۇرتپاق ەدى.
26 قىزمەتشىلەر بۇل سوزدەردى داۋىتكە جەتكىزگەندە، پاتشانىڭ كۇيەۋبالاسى بولۋعا قاتىستى وي وعان ۇنادى+. ٴسۇيتىپ، ول بەلگىلەنگەن ۋاقىت بىتپەي تۇرعاندا،
27 جىگىتتەرىمەن جورىققا اتتانىپ، 200 ٴفىلىستىردى ٶلتىردى دە، پاتشانىڭ شارتى بويىنشا، سۇندەت تەرىلەرىن الىپ كەلدى. سوندىقتان پاتشا وعان قىزى ميحالدى ايەلدىككە بەردى+.
28 سوندا ساۋل داۋىتكە ەحوبانىڭ جار ەكەنىن+، ٵرى قىزى ميحالدىڭ ونى سۇيەتىنىن ٴتۇسىندى+.
29 ساۋل داۋىتتەن بۇرىنعىدان بەتەر قورقىپ، ونى ولە-ولگەنشە جاۋ كورىپ ٶتتى+.
30 ٴفىلىستىر بەكزادالارى شابۋىل جاساۋىن قويمادى. ٴداۋىت ولارمەن شايقاسقان سايىن، ساۋلدىڭ باسقا قىزمەتشىلەرىنەن الدەقايدا اقىلدىراق ارەكەت ەتەتىن+. وسىلاي ونىڭ مەرەيى وسە بەردى+.