سامۋيلدىڭ 1-جازباسى 21:1—15
21 ٴداۋىت نوب قالاسىنداعى+ ٴدىني قىزمەتكەر احيمالىككە كەلدى. ول ٴداۋىتتى كورگەندە، قورقىپ كەتىپ: «نەگە جالعىز ٴجۇرسىڭ، ادامدارىڭ قايدا؟»+— دەپ سۇرادى.
2 ٴداۋىت: «پاتشا ماعان ٴبىر ٸس تاپسىرىپ، «تاپسىرعان ٸسىمدى دە، بەرگەن نۇسقاۋلارىمدى دا ەشكىم بىلمەسىن» دەپ بۇيىردى. جىگىتتەرىم كەلىسىپ العان جەردە كۇتىپ تۇر»،— دەدى.
3 سوسىن: «ال ەندى بەس كۇلشە نانىڭىز نە جەيتىن باسقا بىردەڭەڭىز بولسا، بەرىڭىزشى»،— دەپ ٶتىندى.
4 ٴدىني قىزمەتكەر: «كادىمگى نان جوق، كيەلى نان عانا بار+. جىگىتتەرىڭ ايەل اتاۋلىدان بويلارىن اۋلاق ۇستاعان بولسا، بەرەيىن+»،— دەدى.
5 ٴداۋىت بۇعان: «ٴبىز جورىققا شىققانداعى ادەتىمىز بويىنشا ايەل اتاۋلىعا جولاعان جوقپىز+. جىگىتتەر كادىمگى جورىققا شىققاننىڭ وزىندە تازا جۇرەدى، ال بۇگىنگىدەي ەرەكشە تاپسىرما العاندا قالاي تازا بولماسىن؟!»— دەپ جاۋاپ بەردى.
6 سوندا ٴدىني قىزمەتكەر قولىندا قۇدايعا تارتۋ ەتىلگەن نان عانا بولعاندىقتان، وعان وسى كيەلى ناننان بەردى+. احيمالىك ولاردى ەحوبانىڭ الدىنان سول كۇنى الىپ، ورنىنا جاڭا پىسىرىلگەندەرىن قويعان ەدى.
7 سول ۋاقىتتا ساۋلدىڭ مالشىلارىن باسقاراتىن دويىق+ دەگەن ەدومدىق+ كىسى ەحوبانىڭ الدىنا كەلىپ، سول جەردە ايالداپ قالعان ەدى.
8 ٴداۋىت احيمالىككە: «سىزدە نايزا نە سەمسەر تابىلماس پا ەكەن؟ پاتشانىڭ تاپسىرماسى شۇعىل بولعاندىقتان سەمسەر دە، باسقا قارۋ دا الىپ شىقپاپپىن»،— دەپ سۇرادى.
9 ول: «ٶزىڭ ەلاح اڭعارىندا+ ولتىرگەن ٴفىلىستىر عولياتتىڭ سەمسەرى بار+. انە، ەفودتىڭ+ ار جاعىندا ماتاعا وراۋلى جاتىر. ودان باسقا سەمسەر جوق، الام دەسەڭ، سونى الا بەر»،— دەپ جاۋاپ بەردى. ٴداۋىت: «وعان تەڭ كەلەر سەمسەر تابىلماس. ماعان سونى بەرە قويىڭىز»،— دەدى.
10 سول كۇنى ٴداۋىت ساۋلدان قاشقان بويى+ عات پاتشاسى احيشكە كەلدى+.
11 سوندا قىزمەتشىلەرى احيشكە مىنانى ايتتى: «مىناۋ انا ەلدىڭ پاتشاسى ٴداۋىت ەمەس پە؟ جۇرت بي بيلەپ، وعان ارناپ بىلاي دەپ ٵن سالعان ەدى عوي:ساۋل مىڭداعان جاۋدى قىردى،ال ٴداۋىت ون مىڭداعانىن جايراتتى»+.
12 بۇل سوزدەردى ەستىگەندە، ٴداۋىتتىڭ زارە-قۇتى قالماي، عات پاتشاسى احيشتەن قاتتى قورىقتى+.
13 ٴسۇيتىپ، ولاردىڭ الدىندا ەسۋاس بولعانسىپ+، ارالارىندا ەسەرسوقتانا باستادى. ول قاقپا ەسىكتەرىن شيمايلاپ، سىلەكەيىن ساقالىنا شۇبىرتىپ ٴجۇردى.
14 سوندا احيش قىزمەتشىلەرىنە: «مىنالارىڭ ەسۋاس قوي! ونى ماعان نەمەنەگە الىپ كەلدىڭدەر؟
15 ٶز ەسۋاستارىم از با ەدى؟ جوق الدە ماعان ەسۋاستىعىن كورسەتكىلەرىڭ كەلدى مە؟ مۇنداي ادامدى ۇيىمە قالاي عانا كىرگىزدىڭدەر؟!»— دەدى.
