سامۋيلدىڭ 1-جازباسى 22:1—23
22 بۇدان كەيىن ٴداۋىت ول جەردەن+ ادوللام ۇڭگىرىنە بارىپ جاسىرىندى+. باۋىرلارى مەن اكەسىنىڭ ٷي ٸشى مۇنى ەستىگەندە، ٴبارى ونىڭ قاسىنا ىلديلاپ باردى.
2 بارلىق قىسىمشىلىق كورگەن، قارىزعا باتقان، اشىنعان ادامدار دا ونىڭ قاسىنا شوعىرلانىپ، ٴداۋىت ولاردىڭ باسشىسىنا اينالدى. وسىلاي ونىڭ قاراماعىندا 400 دەي ادام بولدى.
3 ٴبىراز ۋاقىت وتە ٴداۋىت ول جەردەن مواب جەرىندەگى ميسپاعا بارىپ، مواب پاتشاسىنان+: «قۇدايدىڭ ماعان دەگەن نيەتىن ٴبىلىپ العانشا، اكە-شەشەم ٴسىزدىڭ قاراماعىڭىزدا بولسىنشى»،— دەپ ٶتىندى.
4 وسىلاي اكە-شەشەسىن مواب پاتشاسىنىڭ قاراماعىنا قالدىردى. ٴداۋىت تاۋلى جەرلەردە جاسىرىنىپ جۇرگەن كەزدىڭ بارىندە ولار سوندا تۇردى+.
5 ٴبىراز ۋاقىت وتكەن سوڭ عاد+ پايعامبار داۋىتكە: «تاۋلى جەرلەردە جاسىرىنىپ جۇرە بەرمەي، ياھۋدا جەرىنە بار+»،— دەدى. سوندىقتان ول حەرەت ورمانىنا كەلدى.
6 ساۋل ٴداۋىت پەن ادامدارىنىڭ قايدا جۇرگەنى تۋرالى ەستىدى. بۇل كەزدە ول گيبەياداعى+ توبە باسىندا جىڭعىل اعاشىنىڭ تۇبىندە قولىنا نايزا ۇستاپ وتىرعان بولاتىن. ال قىزمەتشىلەرى اينالا قورشاپ تۇردى.
7 سوندا ساۋل ولارعا بىلاي دەدى: «بەنياميندىكتەر، سوزىمە قۇلاق سالىڭدارشى. ەسەي ۇلى+ دا مەن سياقتى بارلىعىڭا ەگىندىك پەن جۇزىمدىك بەرە مە؟ الدە ٴبارىڭدى مىڭباسى، ٴجۇزباسى ەتىپ تاعايىنداي ما+؟
8 بارلىعىڭ ماعان قارسى ٴسوز بايلاسىپ العانسىڭدار: بالامنىڭ ەسەي ۇلىمەن سەرت بايلاسقانى+ جونىندە بىردە-بىرەۋىڭ ايتپادىڭدار. ەشقايسىسىڭ ماعان جاندارىڭ اشىپ، تۋعان بالامنىڭ قۇلىمدى ماعان قارسى قويعانىن حابارلامادىڭدار. ەندى، مىنە، ول مەنىڭ ٸزىمدى تورىپ ٴجۇر».
9 سوندا ساۋلدىڭ قىزمەتشىلەرىنىڭ ۇستىنەن قاراۋعا قويىلعان ەدومدىق دويىق+: «مەن ەسەي ۇلىنىڭ نوب قالاسىنا، احيتۇپ ۇلى احيمالىككە+ كەلگەنىن كوردىم+.
10 ول ٴداۋىت ٷشىن ەحوبادان باسشىلىق سۇرادى، وعان ازىق-تۇلىك، ٴتىپتى ٴفىلىستىر عولياتتىڭ سەمسەرىن دە بەردى+»،— دەدى.
11 مۇنى ەستي سالا، پاتشا احيتۇپتىڭ ۇلى ٴدىني قىزمەتكەر احيمالىك پەن ونىڭ اكەسىنىڭ اۋلەتىن تۇگەل شاقىرتۋعا كىسى جىبەردى. ٴسۇيتىپ، نوبتاعى ٴدىني قىزمەتكەرلەردىڭ ٴبارى ونىڭ الدىنا كەلدى.
12 سوندا ساۋل: «سوزىمە قۇلاق سالشى، احيتۇپ ۇلى»،— دەدى. ول: «تىڭداپ تۇرمىن، تاقسىر»،— دەپ جاۋاپ بەردى.
13 ساۋل مىنانى ايتتى: «ەسەي ۇلى ەكەۋىڭ نەگە ماعان قارسى ٴسوز بايلاستىڭدار؟ سەن وعان نان مەن سەمسەر بەرىپ، ول ٷشىن قۇدايدان باسشىلىق سۇراپسىڭ. ەندى، مىنە، ول ماعان قارسى شىعىپ، ٸزىمدى تورىپ ٴجۇر».
14 احيمالىك بۇعان: «داۋىتتەي سەنىمدى قىزمەتشىڭىز بار ما+؟! ول — كۇيەۋبالاڭىز+، ٵرى وققاعارلار باسشىسى. ٴسىزدىڭ ٷي ٸشىڭىز دە ونى قۇرمەتتەيدى+.
15 مەن ٴداۋىت ٷشىن بۇگىن ٴبىرىنشى رەت قۇدايدان باسشىلىق سۇرادى دەيسىز بە+؟ سىزگە قارسى ٴسوز بايلاسۋ ويىمدا دا بولعان جوق! پاتشام، قۇلىڭىز بەن ونىڭ اكەسىنىڭ بۇكىل اۋلەتىن ايىپتاي كورمەڭىز. ويتكەنى قۇلىڭىز بۇل جايلى ەشتەڭە بىلگەن جوق+»،— دەپ جاۋاپ بەردى.
16 ٴبىراق پاتشا: «احيمالىك، ٶزىڭ دە، اكەڭنىڭ اۋلەتى دە تۇگەل ولەسىڭدەر!»+— دەدى.
17 سوسىن قاسىنداعى ساقشىلارعا بىلاي دەپ بۇيىردى: «بارىڭدار، ەحوبانىڭ ٴدىني قىزمەتكەرلەرىن ولتىرىڭدەر! بۇلار دا ٴداۋىتتىڭ جاعىندا: ونىڭ قاشىپ بارا جاتقانىن بىلە تۇرا، ماعان حابارلامادى». الايدا قىزمەتشىلەرى ەحوبانىڭ ٴدىني قىزمەتكەرلەرىنە قول كوتەرگىلەرى كەلمەدى.
18 سوندا پاتشا دويىققا+: «بار، ولاردى سەن ٶلتىر!»— دەپ بۇيىردى. سول-اق ەكەن ەدومدىق+ دويىق باردى دا، ٴدىني قىزمەتكەرلەردى قىرىپ سالدى. سول كۇنى ول زىعىر ەفود كيگەن 85 كىسىنى ٶلتىردى+.
19 دويىق ٴتىپتى ٴدىني قىزمەتكەرلەردىڭ قالاسى نوبقا+ بارىپ، ونداعىلاردى ەركەك-ايەل دەمەي، جاس بالا، نارەستە دەمەي — ٴبارىن سەمسەرمەن شاۋىپ ٶلتىردى. ٸرىلى-ۇساقتى مالى مەن ەسەكتەرىن دە امان قالدىرمادى.
20 احيتۇپ ۇلى احيمالىكتىڭ ٵبياتار+ دەگەن ۇلى عانا امان قالىپ، باسساۋعالاپ داۋىتكە قاشىپ باردى.
21 ول داۋىتكە ەحوبانىڭ ٴدىني قىزمەتكەرلەرىن ساۋلدىڭ قىرىپ تاستاعانىن ايتىپ بەردى.
22 سوندا ٴداۋىت وعان: «سول كۇنى ەدومدىق دويىقتى كورگەندە، ساۋلعا ٴبارىن جەتكىزەتىنىن ٴبىلىپ ەدىم+. اكەڭنىڭ بۇكىل اۋلەتىنىڭ ٶلىپ كەتكەنىنە مەن كىنالىمىن.
23 قاسىمدا قال. ەش قورىقپا. مەنىڭ جانىمدى العىسى كەلگەندەر، سەنىڭ دە جانىڭدى العىسى كەلەدى. مەن ساعان پانا بولايىن+»،— دەدى.
