سامۋيلدىڭ 1-جازباسى 3:1—21
-
سامۋيلدىڭ پايعامبار اتالۋى (1—21)
3 جاس سامۋيل ەليدىڭ قاراماعىندا ەحوباعا قىزمەت ەتىپ ٴجۇردى+. ول كەزدە ەحوبانىڭ ادامدارعا ٴسوزىن ارناۋى سيرەپ كەتكەن ەدى، ايان+ دا ٴجيى بەرىلمەيتىن.
2 ەليدىڭ كوزى ناشارلاپ، كورمەي قالعان بولاتىن+. بىردە ول ٶز بولمەسىندە جاتقاندا،
3 عيباداتحاناداعى شام+ ٵلى سوندىرىلمەگەن ەدى. سامۋيل بۇل كەزدە ەحوبانىڭ عيباداتحاناسىنداعى* كەلىسىم ساندىعى تۇرعان جەردە جاتتى+.
4 سوندا ەحوبا ٴسامۋيلدى شاقىردى. ول: «مەن مۇندامىن»،— دەدى دە،
5 ەليگە جۇگىرىپ بارىپ: «مەنى شاقىردىڭىز با؟»— دەپ سۇرادى. ەلي: «جوق، شاقىرعان جوقپىن. ورنىڭا بارىپ جاتا عوي»،— دەدى. ول ورنىنا بارىپ جاتتى.
6 ەحوبا قايتادان: «سامۋيل!»— دەپ شاقىردى. ول ورنىنان تۇردى دا، ەليگە بارىپ: «مەن مۇندامىن. ٴسىز مەنى شاقىردىڭىز عوي»،— دەدى. ٴبىراق ەلي: «جوق، بالام، شاقىرعان جوقپىن. بارىپ جاتا عوي»،— دەپ جاۋاپ بەردى.
7 (سامۋيل ەحوبانى ٵلى جاقسى تانىمايتىن، ٵرى ەحوبادان ايان الىپ كورمەگەن ەدى+.)
8 ەحوبا ٷشىنشى رەت: «سامۋيل!»— دەپ شاقىرعاندا، ول ورنىنان تۇردى دا، ەليگە بارىپ: «مەن مۇندامىن. بۇل جولى ٴسىز مەنى شاقىردىڭىز عوي»،— دەدى. سوندا ەلي بالانى شاقىرعان ەحوبا ەكەنىن ٴتۇسىندى دە،
9 وعان بىلاي دەدى: «بارىپ ورنىڭا جات، ال ٶزىڭدى شاقىرعان داۋىستى تاعى دا ەستىسەڭ: —ايتا بەر، ەحوبا، قىزمەتشىڭ تىڭداپ تۇر،— دە». سودان سامۋيل ورنىنا بارىپ جاتتى.
10 سوندا ەحوبا ونى تاعى دا: «سامۋيل، سامۋيل!»— دەپ شاقىردى. ول: «ايتا بەر، قىزمەتشىڭ تىڭداپ تۇر»،— دەپ جاۋاپ بەردى.
11 ەحوبا وعان بىلاي دەدى: «مىنە، مەن يسرايلدە ٴبىر ٸس جاساماقپىن. بۇل جايلى ەستىگەن ادامنىڭ تۇلا بويى تۇرشىگەدى+.
12 سول كۇنى مەن ەلي مەن ونىڭ اۋلەتىنە قاتىستى ايتقاندارىمدى باستان-اياق ورىندايمىن+.
13 وعان مىنانى ايت: —مەن ونىڭ ٷي ىشىنە قاتىستى وزگەرمەيتىن ۇكىم شىعارامىن. ويتكەنى ول ۇلدارىنىڭ قۇدايدى قورلاپ جۇرگەنىن+ بىلسە دە+، ولاردى تىيعان جوق+.
14 سوندىقتان ەليدىڭ ٷي ٸشى جاساعان كۇناسىنان ەشقانداي قۇرباندىق پەن سي-تارتۋ ارقىلى اقتالا المايدى دەپ انت ەتتىم+».
15 سامۋيل تاڭ اتقانشا جاتتى دا، تۇرعان سوڭ ەحوبانىڭ ٷيىنىڭ ەسىگىن اشتى. ٴبىراق العان ايانى جايىندا ەليگە ايتۋعا قورىقتى.
16 ەلي: «سامۋيل، بالام!»— دەپ شاقىردى. سامۋيل: «مەن مۇندامىن»— دەدى.
17 ەلي مىنانى ايتتى: «ول ساعان نە دەدى؟ وتىنەمىن، مەنەن ەشتەڭە جاسىرما. ەگەر ٴبىر ٴسوزىن جاسىرىپ قالساڭ، قۇداي سەنى جازالاعان ۇستىنە جازالاسىن».
18 سوندا سامۋيل بىردە-ٴبىر ٴسوزىن جاسىرماي، ەستىگەندەرىنىڭ ٴبارىن ايتىپ بەردى. ەلي بولسا: «بۇل — ەحوبانىڭ ەركى. ول ٶزى دۇرىس دەپ تاپقاندى ىستەسىن»،— دەدى.
19 سامۋيل ەسەيىپ، ەرجەتە بەردى. ەحوبا ونىڭ ايتقان سوزدەرىنىڭ ٴبارىن جۇزەگە اسىرىپ، جار بولىپ ٴجۇردى+.
20 دان مەن بەر-شەبانىڭ اراسىندا تۇرىپ جاتقان يسرايلدىكتەردىڭ ٴبارى ٴسامۋيلدىڭ ەحوبانىڭ پايعامبارى بولىپ تاعايىندالعانىن ٴبىلدى.
21 ەحوبا ٶزىن شيلودا ايان ەتۋدى جالعاستىرا بەردى. ويتكەنى ەحوبا سامۋيلگە سول جەردە كورىندى. سامۋيل ەحوبانى ودان العان حابارى ارقىلى كورەتىن+.
سىلتەمەلەر
^ ياعني شاتىرداعى.
