سامۋيلدىڭ 1-جازباسى 30:1—31
30 ٷش كۇننەن كەيىن ٴداۋىت ادامدارىمەن سەكەلاگقا+ جەتتى. سويتسە، امالەكتىكتەر+ وڭتۇستىككە* جانە سەكەلاگقا شاپقىنشىلىق جاساپ، قالانى ورتەپ جىبەرىپتى.
2 ال قالاداعىلاردىڭ ٴبارىن — ايەلدەردى دە+، كارى-جاستى دا تۇتقىنداپتى. ەشكىمدى ولتىرمەپتى، ولاردى وزدەرىمەن الىپ، جوندەرىنە كەتكەن ەكەن.
3 ٴداۋىت پەن ادامدارى قالاعا كەلگەندە، ونىڭ ورتەلگەنىن، ال ايەلدەرى مەن ۇل-قىزدارىنىڭ تۇتقىنعا اكەتىلگەنىن كوردى.
4 سوندا جۇرت بار داۋىستارىمەن جىلاي باستادى. ولار بويلارىندا قاۋقار قالماعانشا جىلادى.
5 ٴداۋىتتىڭ ەكى ايەلى، ەزرەحەلدىك احينوعام مەن نابالدىڭ جەسىرى كارميلدىك ابيگەل دە تۇتقىندالىپتى+.
6 جۇرت بالا-شاعاسىنىڭ تۇتقىنعا اكەتىلگەنىنە قاتتى اشىنىپ، ٴداۋىتتى تاسپەن اتقىلاپ ولتىرەتىنىن ايتتى. سوندىقتان ونىڭ جانى قىسىلىپ، قينالدى. ٴبىراق قۇدايى ەحوبانىڭ ارقاسىندا بويىنا قايتا كۇش-قايرات ٴبىتتى+.
7 ٴداۋىت احيمالىكتىڭ ۇلى ٴدىني قىزمەتكەر ٵبياتاردان+ ەفودتى اكەلۋدى ٶتىندى+. ول اكەلگەندە،
8 ٴداۋىت ەحوبادان: «توناۋشىلاردى قۋايىن با؟ مەن ولارعا جەتە الامىن با؟»— دەپ سۇرادى+. قۇداي وعان: «سوڭدارىنا ٴتۇس! ولاردى قۋىپ جەتىپ، ٴبارىن قۇتقارىپ الاسىڭ!»— دەپ جاۋاپ بەردى+.
9 ٴداۋىت قاسىنداعى 600 ادامىمەن+ دەرەۋ جورىققا اتتاندى. ولار بوسور وزەن اڭعارىنا كەلگەندە، جىگىتتەرىنىڭ كەيبىرى سوندا قالىپ قويدى.
10 قاتتى شارشاعاندىقتان 200 جىگىتى بوسور وزەن اڭعارىنان وتە المادى+. سويتسە دە ول قالعان 400 ادامىمەن توناۋشىلاردى قۋا بەردى.
11 جولشىباي ولار جاپان تۇزدە جاتقان ٴبىر مىسىرلىق جىگىتتى تاۋىپ الىپ، داۋىتكە اكەلدى. ولار وعان نان مەن سۋ،
12 سونداي-اق كەپتىرىلگەن ٸنجىر كۇلشەدەن ٷزىپ بەردى، مەيىز كۇلشەدەن دە ەكەۋىن ۇسىندى. جىگىت ٷش تاۋلىك بويى تاماق تا، سۋ دا ىشپەگەن ەكەن. ول جۇرەك جالعاپ، الدەنىپ العان سوڭ،
13 ٴداۋىت ودان: «كىمسىڭ؟ قايدان بولاسىڭ؟»— دەپ سۇرادى. جىگىتتىڭ جاۋابى مىناۋ بولدى: «مەن مىسىرلىقپىن، ٴبىر امالەكتىك كىسىنىڭ قۇلىمىن. اۋىرىپ قالعاندىقتان قوجايىنىم ٷش كۇن بۇرىن تاستاپ كەتتى.
14 ٴبىز كەرەتتىكتەر+ جەرىنىڭ وڭتۇستىگى مەن ياھۋدا جەرىنە جانە حالەپتىڭ+ وڭتۇستىگىنە شاپقىنشىلىق جاسادىق، ال سەكەلاگتى ورتەپ جىبەردىك».
15 ٴداۋىت: «مەنى سول توناۋشىلارعا باستاپ اپاراسىڭ با؟— دەپ سۇراپ ەدى، جىگىت: —مەنى ولتىرمەيمىن، قوجايىنىمنىڭ قولىنا بەرمەيمىن دەپ، قۇدايدىڭ اتىمەن انت ەتسەڭىز، باستاپ اپارامىن»،— دەدى.
16 سونىمەن، جىگىت ولاردى ەرتىپ اپاردى. امالەكتىكتەر بولسا ٵر جەرگە شاشىراي ورنالاسىپ، فىلىستىرلەر مەن ياھۋدا جەرىنەن كوپ ولجا تۇسىرگەندەرىن تويلاپ، ٸشىپ-جەپ جاتىر ەكەن.
17 ٴداۋىت ولارمەن تاڭ بوزارعاننان قارا كەشكە دەيىن شايقاسىپ، تۇيەلەرىنە ٴمىنىپ قاشىپ قۇتىلعان 400 جىگىتتەن باسقاسىنىڭ ٴبارىن قىرىپ تاستادى+.
18 ول امالەكتىكتەر اكەتكەننىڭ ٴبارىن دە، ٶزىنىڭ ەكى ايەلىن دە قايتارىپ الدى+.
19 ۇلكەن دە، كىشى دە — ەشتەڭە جوعالماپتى. ولار ۇل-قىزدارىن دا، ولجالارىن دا قايتارىپ الدى+. ٴداۋىت ٴبارىنىڭ ورنىن تولتىردى.
20 بۇعان قوسا، ٴداۋىت توناۋشىلاردىڭ ٸرىلى-ۇساقتى مالىن دا ولجالادى. جىگىتتەرى: «بۇل — ٴداۋىتتىڭ ولجاسى»،— دەپ، ولاردى ٶز مالدارىنىڭ الدىنا سالىپ ايداپ اكەتتى.
21 سودان ٴداۋىت بوسور وزەن اڭعارىندا قالدىرىپ كەتكەن 200 ادامىنا كەلدى. قاتتى شارشاعاندىقتان جورىققا بارا الماي قالعاندار+ الدارىنان شىققاندا، ٴداۋىت ولاردان اماندىق سۇرادى.
22 ٴبىراق جورىققا بارعانداردىڭ اراسىنداعى ارامزا، وڭباعان ادامدار: «ولار بىزبەن بارعان جوق، سوندىقتان قايتارىپ العان ولجادان ۇلەس المايدى. تەك ايەل، بالا-شاعاسىن السىن دا، جوندەرىنە كەتسىن»،— دەدى.
23 بۇعان ٴداۋىت: «باۋىرلارىم، بۇلاي ەتپەڭدەر! مۇنىڭ ٴبارىن بىزگە ەحوبا بەردى عوي. ول ٴبىزدى قورعاپ، توناۋشىلاردى قولىمىزعا ٴتۇسىردى+.
24 بۇلارىڭمەن كىم كەلىسەدى؟ شايقاسقا بارعانداردىڭ ۇلەسى جۇكتىڭ قاسىندا قالعانداردىكىمەن بىردەي بولسىن+. ٴبارى دە ولجادان ۇلەس الادى+!»— دەدى.
25 سول كۇننەن باستاپ ٴداۋىت مۇنى يسرايلدە ەرەجە ٵرى زاڭ ەتىپ بەكىتتى. بۇل كۇنى بۇگىنگە دەيىن ساقتالىپ كەلەدى.
26 سەكەلاگقا كەلگەن سوڭ، ٴداۋىت ياھۋدا ەلىندەگى وزىنە دوس اقساقالدارعا تۇسكەن ولجادان سي جىبەرىپ: «مىناۋ — ەحوبانىڭ جاۋلارىنان تۇسكەن ولجادان سىباعا»،— دەگەن سالەم جولدادى.
27 ونىڭ سي جىبەرگەن جەرلەرى مىنالار ەدى: بەتەل+، نەگەۆتەگى راموت، ياتير+،
28 اروگەر، سيفموت، ەشتەموعا+،
29 راحال، ەراحمەلدىكتەردىڭ+ قالالارى، كەندىكتەردىڭ+ قالالارى،
30 حورما+، بوراشان، اتاح،
31 حەبرون+ جانە ٶزى ادامدارىمەن بارىپ جۇرگەن باسقا دا جەرلەر.
سىلتەمەلەر
^ نەمەسە «نەگەۆكە».
