سامۋيلدىڭ 1-جازباسى 5:1—12
5 فىلىستىرلەر شىنايى قۇدايدىڭ كەلىسىم ساندىعىن قولعا تۇسىرگەننەن+ كەيىن، ونى ابەن-ەزەردەن ازوتقا الىپ باردى.
2 ولار ساندىقتى داگوننىڭ+ عيباداتحاناسىنا اكەلىپ، ونىڭ ٴمۇسىنىنىڭ قاسىنا قويدى.
3 كەلەسى كۇنى تاڭەرتەڭ ازوتتىقتار عيباداتحاناعا كەلسە، داگوننىڭ ٴمۇسىنى ەحوبانىڭ كەلىسىم ساندىعىنىڭ الدىندا ەتپەتىنەن قۇلاپ جاتىر ەكەن+. ولار ٴمۇسىندى تۇرعىزىپ، ورنىنا قويدى+.
4 ەرتەڭىنە تاعى دا ەرتە تۇرىپ كەلسە، داگوننىڭ ٴمۇسىنى قايتادان ەحوبانىڭ كەلىسىم ساندىعىنىڭ الدىنا ەتپەتىنەن قۇلاپتى. ونىڭ باسى مەن ەكى قولى شابىلىپ، تابالدىرىقتا جاتىر ەكەن. دەنەسى* عانا ٴبۇتىن قالىپتى.
5 سول سەبەپتەن داگوننىڭ ابىزدارى مەن ونىڭ عيباداتحاناسىنا كەلەتىندەر كۇنى بۇگىنگە دەيىن ازوتتاعى سول تابالدىرىقتى باسپايدى.
6 ەحوبا ازوتتىقتارعا جازا جىبەرىپ، ازوت پەن ونىڭ اينالاسىنداعىلاردى كوتەۋگە شالدىقتىردى. وسىلاي ولاردى ازاپقا سالدى+.
7 مۇنى كورگەن ازوتتىقتار: «يسرايل قۇدايىنىڭ كەلىسىم ساندىعىن مۇندا قالدىرۋعا بولمايدى. ويتكەنى ولاردىڭ قۇدايى ٴبىزدى دە، قۇدايىمىز داگوندى دا قاتتى جازالاپ جاتىر»،— دەستى.
8 ازوتتىقتار ٴفىلىستىر بيلەۋشىلەرىنىڭ ٴبارىن شاقىرىپ الىپ: «يسرايل قۇدايىنىڭ كەلىسىم ساندىعىمەن نە ىستەيمىز؟»— دەپ سۇرادى. ولار: «ونى عاتقا+ اپارىڭدار»،— دەدى. ٴسۇيتىپ، يسرايل قۇدايىنىڭ ساندىعى عاتقا اپارىلدى.
9 ساندىق عاتقا اكەلىنگەندە، ەحوبا ونىڭ تۇرعىندارىنا جازا جىبەردى. قالا حالقىن جاسى بار، كارىسى بار — ٴبارىن كوتەۋگە شالدىقتىرىپ، قاتتى ابدىراتتى+.
10 سول سەبەپتەن ولار شىنايى قۇدايدىڭ ساندىعىن ەكرونعا+ جونەلتتى. ٴبىراق ساندىقتىڭ سول جەرگە جەتكەنى سول-اق ەكەن، ەكروندىقتار: «بۇلار يسرايل قۇدايىنىڭ كەلىسىم ساندىعىن ٴبىزدى ولىمگە ۇشىراتۋ ٷشىن وسىندا اكەلىپ وتىر!»+— دەپ زارلادى.
11 اقىرىندا، ولار ٴفىلىستىر بيلەۋشىلەرىنىڭ ٴبارىن جيناپ الىپ: «ٶزىمىز دە، حالقىمىز دا قىرىلىپ قالماۋ ٷشىن، يسرايل قۇدايىنىڭ كەلىسىم ساندىعىن ٶز مەكەنىنە جىبەرىڭدەر»،— دەدى. ويتكەنى بۇكىل قالا تۇرعىندارى ولىمنەن قورقىپ، ۇرەيلەرى ۇشتى. شىنايى قۇداي ولاردى قاتتى جازالاپ جاتتى+.
12 ال امان قالعاندارى كوتەۋگە شالدىقتى. سوندا قالا تۇرعىندارى كوككە قاراپ جالبارىنىپ، كومەك سۇرادى.
سىلتەمەلەر
^ نەمەسە «بالىق پىشىندەس دەنەسى».