سامۋيلدىڭ 1-جازباسى 6:1—21
-
كەلىسىم ساندىعىن يسرايلگە قايتارۋ (1—21)
6 ەحوبانىڭ كەلىسىم ساندىعى+ ٴفىلىستىر جەرىندە جەتى اي بولدى.
2 سودان ولار ابىزدارى مەن ساۋەگەيلەرىن+ شاقىرىپ: «ەحوبانىڭ كەلىسىم ساندىعىمەن نە ىستەۋىمىز كەرەك؟ ونى قالاي قايتارۋ كەرەك ەكەنىن ايتىڭدارشى»،— دەپ سۇرادى.
3 ولار: «يسرايل قۇدايى ەحوبانىڭ كەلىسىم ساندىعىن قايتارامىز دەسەڭدەر، ونى سي-تارتۋسىز جىبەرمەڭدەر. مىندەتتى تۇردە ايىپتى وتەيتىن سي-تارتۋمەن+ قايتارىڭدار. سوندا عانا اۋرۋلارىڭنان ايىعاسىڭدار، ٵرى ونىڭ سەندەردى نە ٷشىن ٵلى دە جازالاپ جاتقانىن بىلەسىڭدەر»،— دەدى.
4 جۇرت: «ايىپتى وتەيتىن سي-تارتۋ رەتىندە وعان نە بەرۋىمىز كەرەك؟»— دەپ سۇرادى. الگىلەردىڭ جاۋابى مىناۋ بولدى: «وزدەرىڭ دە، بيلەۋشىلەرىڭ دە بىردەي پالەگە ۇشىرادىڭدار عوي، سوندىقتان بيلەۋشىلەرىڭنىڭ سانىنا قاراي+، التىننان كوتەۋ ىسىگىنە ۇقسايتىن بەس ٴمۇسىن مەن بەس تىشقان ٴمۇسىنىن جاساپ جىبەرىڭدەر.
5 سەندەر اۋرۋلارىڭنىڭ ىسىكتەرى مەن جەرلەرىڭدى ٴبۇلدىرىپ جاتقان تىشقان مۇسىندەرىن+ جاساۋلارىڭ ٵرى يسرايل قۇدايىن ماداقتاۋلارىڭ كەرەك. سوندا ول وزدەرىڭە، قۇدايلارىڭ مەن ەلدەرىڭە جىبەرگەن جازانى جەڭىلدەتەتىن شىعار+.
6 مىسىر ەلى مەن پەرعاۋىن سياقتى جۇرەكتەرىڭدى قاسارىستىرىپ قايتەسىڭدەر+؟ قۇداي قاتتى جازاعا ۇشىراتقاننان كەيىن+، ولار يسرايلدىكتەردى بوساتۋعا ٴماجبۇر بولىپ ەدى عوي+؟
7 ەندى بىلاي ەتىڭدەر: ٴبىر جاڭا اربا جاساڭدار دا، ونى ەشقاشان مويىنتۇرىق سالىنباعان بۇزاۋلى ەكى سيىرعا جەگىڭدەر. ٴبىراق بۇزاۋلارىن ٴبولىپ الىپ، قورادا قالدىرىڭدار.
8 ەحوبانىڭ كەلىسىم ساندىعىن ارباعا سالىڭدار دا، قاسىنا ايىپتى وتەيتىن سي رەتىندە ۇسىنعان التىن مۇسىندەر سالىنعان ساندىقشانى قويىڭدار+. سوسىن اربانى جونىنە جىبەرىپ،
9 ارتىنان باقىلاپ وتىرىڭدار. ەگەر اربا بەت-شاميشكە+ اپاراتىن جولمەن ورلەپ، ساندىقتى ٶز جەرىنە قاراي اكەتسە، باسىمىزعا تۇسكەن زور پالەنى قۇدايدىڭ جىبەرگەنى. ال ولاي ەتپەسە، وندا بۇل پالە قۇدايدان ەمەس، باسىمىزعا كەزدەيسوق تۇسكەنىن بىلەتىن بولامىز».
10 جۇرت ايتىلعانداردى ىستەپ، بۇزاۋلى ەكى سيىردى ارباعا جەكتى دە، بۇزاۋلارىن قوراعا قاماپ قويدى.
11 ارباعا ەحوبانىڭ كەلىسىم ساندىعىن سالىپ، قاسىنا ىسىكتەر مەن تىشقانداردىڭ مۇسىندەرى سالىنعان ساندىقشانى قويدى.
12 سوندا سيىرلار تۋرا بەت-شاميشكە اپاراتىن جولعا ٴتۇسىپ+، وڭعا دا، سولعا دا بۇرىلماي، موڭىرەگەن كۇيى داڭعىل جولمەن ٴجۇرىپ وتىردى. ال ٴفىلىستىر بيلەۋشىلەرى بەت-شاميش شەگاراسىنا دەيىن ولاردىڭ سوڭىنان ەرىپ كەلدى.
13 بۇل كەزدە بەت-شاميش تۇرعىندارى جازىقتا بيداي ورىپ جاتقان بولاتىن. ولار باستارىن كوتەرىپ، كەلىسىم ساندىعىن كوردى دە، قاتتى قۋانىپ كەتتى.
14 اربا بەت-شاميشتىك ەشۋانىڭ تانابىنا كەلىپ، ٴبىر ۇلكەن تاستىڭ جانىنا توقتادى. سونداعى جۇرت اربانىڭ اعاشىن وتىنعا جاراتىپ، سيىرلاردى+ تۇگەل ورتەلەتىن قۇرباندىق رەتىندە ەحوباعا ارناپ ورتەپ جىبەردى.
15 لەۋىلىكتەر+ ەحوبانىڭ كەلىسىم ساندىعى مەن التىن مۇسىندەر سالىنعان ساندىقشانى ٴتۇسىرىپ، الگى ۇلكەن تاسقا قويدى. بەت-شاميش+ تۇرعىندارى بولسا سول كۇنى ەحوباعا ارناپ تۇگەل ورتەلەتىن جانە باسقا دا قۇرباندىقتار شالدى.
16 مۇنى كورگەن فىلىستىرلەردىڭ بەس بيلەۋشىسى سول كۇنى ەكرونعا قايتىپ كەتتى.
17 فىلىستىرلەر ايىپتى وتەيتىن سي-تارتۋ رەتىندە ازوت+، گازا، اشكەلون، عات+ جانە ەكرون+ قالالارىنىڭ اتىنان ەحوباعا ٴبىر-ٴبىر التىن ىسىك ٴمۇسىنىن ۇسىنعان بولاتىن+.
18 سونداي-اق ولار بەس بيلەۋشىنىڭ يەلىگىندەگى بەكىنىستى قالالار مەن اشىق جەردەگى اۋىلداردىڭ سانىنا سايكەس، التىننان جاسالعان تىشقان مۇسىندەرىن ۇسىنعان ەدى.
ەحوبانىڭ كەلىسىم ساندىعى قويىلعان ۇلكەن تاس بولعان جايتتىڭ كۋاسى رەتىندە بەت-شاميشتىك ەشۋانىڭ تانابىندا كۇنى بۇگىنگە دەيىن تۇر.
19 ەحوبا ٶزىنىڭ كەلىسىم ساندىعىنا كوز الماي قاراعاندارى ٷشىن بەت-شاميش تۇرعىندارىن جازالاپ، 50070 ادام* ٶلىم قۇشتى. ەحوبا قىرعىنعا ۇشىراتقاندىقتان، جۇرت ازا تۇتىپ+:
20 «كيەلى قۇداي ەحوبانىڭ+ الدىندا كىم تۇرا الادى؟ ول بىزدەن كەتىپ، باسقالارعا بارسا ەكەن+!»— دەدى.
21 ٴسۇيتىپ، ولار كيريات-ەعاريم+ تۇرعىندارىنا «فىلىستىرلەر ەحوبانىڭ كەلىسىم ساندىعىن قايتاردى. كەلىپ، ونى اكەتىڭدەر» دەگەن حابار جىبەردى+.
سىلتەمەلەر
^ سوزبە-ٴسوز «70 ادام، 50000 ادام».
