سامۋيلدىڭ 2-جازباسى 10:1—19
-
اممون مەن سيريانى جەڭۋ (1—19)
10 ٴبىراز ۋاقىت وتكەن سوڭ امموندىقتاردىڭ+ پاتشاسى ناحاش قايتىس بولىپ، ورنىنا ۇلى انون تاققا وتىردى+.
2 مۇنى ەستىگەن ٴداۋىت: «ناحاشتىڭ ماعان تانىتقان اينىماس سۇيىسپەنشىلىگىن مەن ونىڭ ۇلى انونعا تانىتايىن»،— دەپ، اكەسىنىڭ ولىمىنە كوڭىل ايتۋ ٷشىن قىزمەتشىلەرىن جىبەردى. سودان ٴداۋىتتىڭ قىزمەتشىلەرى اممون جەرىنە كەلدى.
3 ٴبىراق امموندىق بەكزادالار پاتشالارىنا: «ٴداۋىت مىنا قىزمەتشىلەرىن اكەڭىزدى سيلاعاندىقتان، سىزگە كوڭىل ايتۋ ٷشىن جىبەردى دەيسىز بە؟ ولاردى قالانى بارلاپ شىعىپ، ٴبارىن ٴبىلىپ الىپ، تالقانداۋ ٷشىن جىبەرىپ وتىر ەمەس پە؟»— دەدى.
4 سوندا انون ٴداۋىتتىڭ قىزمەتشىلەرىن ۇستاپ الىپ، ساقالدارىنىڭ ٴبىر جاعىن قىرىپ+، كيىمدەرىنىڭ ەتەگىن جامباستارىنا دەيىن قيىپ تاستادى دا، كەرى قايتارىپ جىبەردى.
5 ٴداۋىت بۇل جايلى ەستي سالا، قاتتى ماسقارالانعان قىزمەتشىلەرىنىڭ الدىنان ادام جىبەرىپ: «ساقالدارىڭ وسكەنشە يەريحوندا+ قالا تۇرىڭدار، سودان كەيىن قايتىپ كەلەسىڭدەر»،— دەدى.
6 ٴداۋىتتى وزدەرىنە وشىكتىرىپ العانىن كورگەن امموندىقتار وكىلدەرىن جۇمساپ، سيرياداعى بەت-رەحوب+ پەن سوبادان+ 20000 جاياۋ اسكەر، ماعاق+ پاتشاسى مەن ونىڭ 1000 اسكەرىن جانە يشتوبتان 12000 اسكەر جالدادى+.
7 ٴداۋىت مۇنى ەستىگەندە، جوعاب باستاعان كۇللى اسكەرىمەن قوسا، ەڭ مىقتى ساربازدارىن اتتاندىردى+.
8 امموندىقتار شايقاسقا دايىندالىپ، قالا قاقپاسىنىڭ سىرتىنا ساپ تۇزەدى. ال سوبا مەن رەحوبتان كەلگەن سيريالىقتار، يشتوبتىقتار مەن ماعاق ٶز ادامدارىمەن جازىققا ورنالاستى.
9 جوعاب ٶز اسكەرىنىڭ الدىنان دا، ارتىنان دا قىسپاققا الىنىپ، ەكى جاقتان سوعىسۋ كەرەكتىگىن كورگەندە، يسرايلدىڭ ەڭ مىقتى ساربازدارىنان ٴبىرازىن ىرىكتەپ الىپ، سيريالىقتارعا قارسى ساپقا تۇرعىزدى+.
10 اسكەردىڭ قالعان بولىگىن ٸنىسى ٵبىسايدىڭ+ قولىنا بەرىپ، امموندىقتارعا+ قارسى ساپ تۇزەۋدى تاپسىردى.
11 جوعاب بىلاي دەدى: «ەگەر سيريالىقتاردىڭ كۇشى مەنەن باسىم بولىپ بارا جاتسا، سەن ماعان كومەككە كەل. ال امموندىقتاردىڭ كۇشى سەنەن باسىم بولىپ بارا جاتسا، مەن ساعان كومەككە كەلەمىن.
12 ەش قايمىقپاي حالقىمىز ٷشىن، قۇدايىمىزدىڭ قالالارى ٷشىن باتىل شايقاسايىق+! ال ەحوبا دۇرىس دەپ تاپقانىن ىستەسىن+».
13 سونىمەن، جوعاب پەن ادامدارى سيريالىقتارمەن شايقاستى دا، جاۋ قاشا جونەلدى+.
14 مۇنى كورىپ، امموندىقتار دا ٵبىساي باستاعان اسكەردەن كەرى شەگىنىپ، قالاعا بارىپ بەكىندى. سوندا جوعاب امموندىقتارمەن شايقاسۋدى دوعارىپ، يەرۋساليمگە ورالدى.
15 سيريالىقتار يسرايلدىكتەردەن جەڭىلىپ قالعانىن كورگەندە، ٴبارى ٴبىر جەرگە جينالدى+.
16 ادادازەر+ ەۆفرات وڭىرىنە+ ەلشىلەرىن جۇمساپ، سونداعى سيريالىقتاردى شاقىردى. ولاردى ادادازەر اسكەرىنىڭ قولباسشىسى شوباق ەلامعا باستاپ اكەلدى.
17 بۇل جايلى داۋىتكە حابار جەتكەندە، ول دەرەۋ كۇللى يسرايلدىڭ باسىن قوستى دا، يورداننان ٶتىپ، ەلامعا كەلدى. سيريالىقتار داۋىتكە قارسى ساپ تۇزەپ، ونىمەن شايقاستى+.
18 ٴبىراق ولار يسرايل اسكەرىنەن قاشا جونەلدى. ٴداۋىت ولاردىڭ 700 ارباكەشىن، 40000 سالت اتتى ساربازىن جەر قۇشتىردى، قولباسشىلارى شوباقتى دا سۇلاتىپ سالدى. ول سول جەردە ٶلدى+.
19 ادادازەرگە باعىنىشتى پاتشالاردىڭ ٴبارى يسرايلدەن جەڭىلگەندەرىن كورگەندە، بەيبىت ٴبىتىم جاساسىپ، وعان باعىنىشتى بولدى+. سيريالىقتار جۇرەكسىنىپ، بۇدان بىلاي امموندىقتارعا كومەكتەسپەيتىن بولدى.
