سامۋيلدىڭ 2-جازباسى 12:1—31
12 سودان ەحوبا داۋىتكە ناتان پايعامباردى+ جىبەردى+. ول پاتشاعا كەلىپ، مىنانى ايتتى: «ٴبىر قالادا ەكى كىسى بار ەدى. بىرەۋى باي، ەكىنشىسى كەدەي ەكەن.
2 بايدىڭ ٸرىلى-ۇساقتى مالى كوپ بولسا+،
3 كەدەيدىڭ ساتىپ العان ٴبىر كىشكەنتاي قوزىسىنان باسقا ەشتەڭەسى بولمادى+. كەدەي ونى كۇتىپ-باپتاپ، بالالارىمەن بىرگە ٶسىرىپتى. ول قوجايىنىنىڭ داستارقانىنداعى ازىن-اۋلاق تاماقتان جەپ، توستاعانىنان سۋ ٸشىپ، قولىندا ۇيىقتاپ، تۋعان قىزىنداي بولىپتى.
4 بىردە بايعا قوناق كەلىپتى. ٴبىراق ول تاماق ٴپىسىرۋ ٷشىن ٶز قوي-سيىرىن سويعىسى كەلمەي، كەدەيدىڭ الگى قوزىسىن تارتىپ الىپ، سودان قوناعىنا تاماق ٴپىسىرىپ بەرىپتى+».
5 ٴداۋىت الگى بايعا قاتتى اشۋلانىپ، ناتانعا: «ەحوبانىڭ ٴتىرى ەكەنىندەي حاق ٴسوزىم+، وسىلاي ەتكەن ادام ولىمگە لايىق!
6 كەدەيگە جانى اشىماي، وسىلاي ىستەگەنى ٷشىن ول قوزىنىڭ ورنىن ٴتورت ەسە تولتىرۋ كەرەك+!»— دەدى.
7 سوندا ناتان مىنانى ايتتى: «سول ادام سەنسىڭ! يسرايلدىڭ قۇدايى ەحوبا بىلاي دەيدى: — مەن سەنى يسرايلدىڭ پاتشاسى ەتىپ تاعايىندادىم+، ساۋلدىڭ قولىنان دا قۇتقاردىم+.
8 پاتشا يەڭنىڭ ٷي ٸشى+ مەن ايەلدەرىن+ ساعان بەردىم. يسرايل ٷيى مەن ياھۋدا ٷيىن دە قولىڭا تابىستادىم+. مۇنى از كورسەڭ، بۇدان دا كوپ قوسىپ بەرەر ەدىم+.
9 نەگە ەحوبانىڭ ٴسوزىن ەلەمەي، ونىڭ كوز الدىندا وسىنداي جاماندىق ىستەدىڭ؟ سەن حەتتىك ۇريانى سەمسەرمەن ٶلتىردىڭ+! ونىڭ ايەلىن وزىڭە الدىڭ+، ال ٶزىن امموندىقتاردىڭ سەمسەرىمەن ٶلتىردىڭ+.
10 مەنى ەلەمەي، حەتتىك ۇريانىڭ ايەلىن وزىڭە العانىڭ ٷشىن، بۇدان بىلاي ۇيىڭە سەمسەر ٴتونىپ تۇراتىن بولادى+.
11 ەحوبا تاعى دا مىنانى ايتادى: — مىنە، ٶز ٷي ىشىڭنەن ساعان قارسى پالە شىعارامىن+. كوز الدىڭدا ايەلدەرىڭدى الىپ، باسقا بىرەۋگە بەرەمىن+. ول تاپا تال تۇستە ايەلدەرىڭمەن جاقىنداسادى+.
12 سەن جاسىرىنىپ ارەكەت ەتتىڭ+، ال مەن بۇنى بۇكىل يسرايلدىڭ الدىندا ٵرى تاپا تال تۇستە ىستەيمىن».
13 سوندا ٴداۋىت ناتانعا: «مەن ەحوباعا قارسى كۇنا جاسادىم»،— دەدى+. ناتان وعان: «ەندەشە، ەحوبا كۇناڭدى كەشىرەدى+، سەن ولمەيسىڭ+.
14 ٴبىراق وسى قىلىعىڭمەن ەحوبانى قاتتى قورلاعانىڭ ٷشىن، جاڭا تۋعان ۇلىڭ شەتىنەيدى»،— دەپ جاۋاپ بەردى.
15 بۇدان كەيىن ناتان ۇيىنە قايتىپ كەتتى.
ۇريانىڭ ايەلى داۋىتكە تۋىپ بەرگەن بالانى ەحوبا اۋىر دەرتكە ۇشىراتتى.
16 ٴداۋىت بالا ٷشىن شىنايى قۇدايعا جالبارىندى. ول ورازا تۇتىپ، ٶز بولمەسىنەن شىقپاي، ٴتۇنى بويى جەردە جاتتى+.
17 ۇيىندەگى اقساقالدار كەلىپ، جەردەن تۇرعىزۋعا تىرىسقانمەن، ول كونبەدى. ولارمەن بىرگە تاماق تا ىشپەي قويدى.
18 جەتىنشى كۇنى نارەستە شەتىنەدى. قىزمەتشىلەرى داۋىتكە بۇنى ايتۋعا باتا الماي، ٶزارا: «بالا ٵلى ٴتىرى كەزدە ايتقان سوزىمىزگە قۇلاق اسقىسى كەلمەپ ەدى، ەندى بالانىڭ شەتىنەگەنىن قالاي ايتامىز؟ ول وزىنە بىردەڭە ىستەپ قويىپ جۇرەر»،— دەستى.
19 ٴداۋىت ولاردىڭ سىبىرلاسىپ تۇرعانىن بايقاپ، بالاسىنىڭ شەتىنەگەنىن ٴتۇسىندى. سوندىقتان قىزمەتشىلەرىنەن: «بالا شەتىنەدى مە؟»— دەپ سۇرادى. ولار: «ٴيا»،— دەپ جاۋاپ بەردى.
20 سوندا ٴداۋىت ورنىنان تۇرىپ، جۋىنىپ-شايىنىپ، مايمەن سىلانىپ+، كيىمىن اۋىستىردى. بۇدان كەيىن ەحوبانىڭ ۇيىنە+ بارىپ تاعزىم ەتتى. سوسىن ۇيىنە قايتىپ كەلىپ، تاماق سۇرادى. قىزمەتشىلەرى دەرەۋ الدىنا اس قويدى، ول سودان جەپ الدى.
21 قىزمەتشىلەرى بۇعان: «نەگە بۇلاي ەتتىڭىز؟ بالاڭىز ٴتىرى كەزدە سول ٷشىن ورازا تۇتىپ، جىلاۋمەن بولدىڭىز. ول شەتىنەپ ەدى، ورنىڭىزدان تۇرىپ، تاماق جەي باستادىڭىز»،— دەدى.
22 ٴداۋىت: «بالام ٴتىرى كەزدە: — كىم بىلەدى، بالكىم، ەحوبا ماعان وڭ كوزبەن قاراپ، بالام ٴتىرى قالار؟— دەگەن ويمەن ورازا ۇستاپ+، جىلاۋمەن بولدىم+.
23 ٴبىراق ول شەتىنەدى، ەندى ورازا ۇستاپ قايتەمىن؟ ٴبارىبىر ونى قايتارا المايمىن عوي+. مەن وعان بارارمىن+، ول ماعان قايتىپ كەلمەيدى+»،— دەپ جاۋاپ بەردى.
24 سوسىن ٴداۋىت ايەلى بارسابياعا+ بارىپ، ونى جۇباتتى. كەيىن ونىمەن جاقىنداستى دا، ول ۇل تۋدى. بالاعا سۇلەيمەن* دەگەن ات قويىلدى+. ەحوبا نارەستەنى جاقسى كوردى+.
25 ول ناتان ارقىلى حابار جىبەرىپ+، بالانىڭ اتىن ەديدەياح* دەپ قويدى. سەبەبى ول ەحوبا سۇيگەن بالا بولدى.
26 بۇل كەزدە جوعاب امموندىقتاردىڭ+ راببا قالاسىنا+ قارسى سوعىستى جالعاستىرىپ، پاتشا قالاسىن جاۋلاپ العان ەدى+.
27 ول داۋىتكە شابارماندارىن جىبەرىپ: «مەن رابباعا قارسى سوعىسىپ+، سۋلار قالاسىن* باسىپ الدىم.
28 ەندى قالعان ساربازداردى جيناپ، قالاعا قارسى ورنالاسىپ، ونى جاۋلاپ ال. قالانى ٶزىم السام، ول مەنىڭ اتىممەن اتالىپ جۇرەر»،— دەگەن حابار جەتكىزدى.
29 ٴداۋىت بارلىق ساربازدارىن جيناپ، رابباعا اتتاندى دا، قالاعا قارسى سوعىس جۇرگىزىپ، ونى جاۋلاپ الدى.
30 ول مالحامنىڭ باسىنداعى ٴتاجىن شەشىپ الدى. ٴبىر تالانت* التىننان جاسالىپ، اسىل تاستارمەن اشەكەيلەنگەن ٴتاج ٴداۋىتتىڭ باسىنا كيگىزىلدى. بۇعان قوسا، ول قالادان وتە كوپ ولجا+ الىپ شىقتى+.
31 ول قالا تۇرعىندارىن دا الىپ شىعىپ، تاس كەستىرىپ قويدى، سونداي-اق ولاردى وتكىر تەمىر سايماندارمەن، بالتامەن ىستەلەتىن جۇمىسقا سالدى، كىرپىش تە قۇيدىردى. ٴداۋىت امموندىقتاردىڭ بارلىق قالالارىنىڭ تۇرعىندارىن دا وسىنداي جۇمىسقا سالدى. سودان ٴداۋىت بۇكىل ساربازدارىمەن يەرۋساليمگە قايتىپ كەلدى.
سىلتەمەلەر
^ ەۆرەي ٴتىلىنىڭ «بەيبىتشىلىك؛ تىنىشتىق» دەگەن ٴسوزىنىڭ تۇبىرىنەن شىققان.
^ ماعىناسى «ەحوبا سۇيگەن».
^ مۇندا قالاداعى سۋ كوزدەرى جونىندە ايتىلىپ تۇرعان بولۋى مۇمكىن.
^ 2.34 كيلوگرام B14 قوسىمشاسىن قاراڭىز.