سامۋيلدىڭ 2-جازباسى 21:1—22
21 ٴداۋىتتىڭ تۇسىندا ەلدى ٷش جىل بويى اشتىق جايلادى+. ٴداۋىت ەحوباعا سيىنىپ وسى جايىندا سۇراپ ەدى، ەحوبا: «ساۋل گيبەوندىقتاردى ٶلتىردى، سوندىقتان ولاردىڭ قانى سونىڭ جانە اۋلەتىنىڭ موينىندا»+،— دەپ جاۋاپ بەردى.
2 سوندا پاتشا گيبەوندىقتاردى+ شاقىرىپ الىپ، ولارمەن سويلەستى. (گيبەوندىقتار يسرايلدىكتەرگە جاتپايتىن امورلىقتاردان+ قالعان حالىق بولاتىن. كەزىندە يسرايلدىكتەر ولارعا جويمايمىز دەپ انت بەرگەن-ٴدى+. ٴبىراق ساۋل بۇل حالىقتىڭ يسرايل مەن ياھۋدانىڭ اراسىندا تۇرىپ جاتقانىنا توزبەي، ولاردى جويىپ جىبەرگىسى كەلگەن ەدى.)
3 ٴداۋىت گيبەوندىقتاردان: «سەندەر ٷشىن نە ىستەيىن؟ ەحوبانىڭ مەنشىكتى يەلىگىنە باتا بەرۋلەرىڭ ٷشىن، كىنانى قالاي وتەي الامىن؟»— دەپ سۇرادى.
4 ولار: «ساۋل مەن ونىڭ اۋلەتىنەن بىزگە كۇمىس تە، التىن دا كەرەك ەمەس+. يسرايلدە بىرەۋدى ولتىرەتىن قۇقىمىز دا جوق»،— دەدى. بۇعان ٴداۋىت: «ايتقاندارىڭنىڭ ٴبارىن ورىندايمىن»،— دەپ ۋادە ەتتى.
5 سوندا گيبەوندىقتار مىنانى ايتتى: «حالقىمىزدى قىرىپ، بۇكىل يسرايل جەرىنەن جويىپ جىبەرگىسى كەلگەن ادام ٷشىن+
6 ونىڭ ۇرپاعىنان بىزگە جەتى ەر ادام بەرىلسىن. ٴبىز ولاردىڭ دەنەلەرىن ەحوبا تاڭداعان ساۋلدىڭ+ قالاسى گيبەياعا+ اپارىپ، ەحوبانىڭ الدىندا ٸلىپ قويامىز+». پاتشا بۇعان: «مەن ولاردى سەندەرگە بەرەمىن»،— دەدى.
7 الايدا ٴداۋىت مەپىبوشەتكە+ جانى اشىپ، ونى امان الىپ قالدى. ويتكەنى كەزىندە مەپىبوشەتتىڭ اكەسى ساۋل ۇلى جوناتانمەن ەحوبانىڭ الدىندا ٴسوز بايلاسقان ەدى+.
8 ٴسۇيتىپ، گيبەوندىقتارعا اياح قىزى ريسپانىڭ+ ساۋلعا تۋىپ بەرگەن ەكى ۇلى ارموني مەن مەپىبوشەتتى جانە ساۋل قىزى ميحالدىڭ*+ مەحولالىق بارزيلاي ۇلى ادىريەلگە+ تۋىپ بەرگەن بەس ۇلىن بەردى.
9 گيبەوندىقتار ولاردى ٶلتىرىپ، ەحوبانىڭ الدىندا دەنەلەرىن تاۋدا ٸلىپ قويدى+. وسىلاي ولاردىڭ جەتەۋى بىردەي قازا بولدى. ولار ناۋقاننىڭ العاشقى كۇندەرىندە، ارپا جيناۋ ناۋقانى باستالعاندا ٶلتىرىلدى.
10 سوندا اياح قىزى ريسپا+ جارتاسقا قارا ماتا توسەپ الدى دا، ناۋقان باستالعان كەزدەن كوكتەن جاۋىن جاۋعانشا سول جەردە وتىردى. ول ٸلۋلى تۇرعان دەنەلەرگە كۇندىز قۇستاردى، تۇندە اڭداردى جولاتپادى.
11 داۋىتكە ساۋلدىڭ كانيزاگى اياح قىزى ريسپانىڭ نە ىستەگەنى تۋرالى حابار جەتكەندە،
12 ول يابەس-عالاقات+ باسشىلارىنا* بارىپ، ساۋل مەن ونىڭ ۇلى جوناتاننىڭ سۇيەگىن اكەلدى. سەبەبى ساۋلدى گەلبويادا ولتىرگەن سوڭ، فىلىستىرلەر جوناتان ەكەۋىنىڭ دەنەلەرىن بەت-شانعا اپارىپ، قالا الاڭىنا ٸلىپ قويعان بولاتىن. ال يابەس-عالاقاتتىڭ ادامدارى سول جەردەن ولاردىڭ دەنەلەرىن جاسىرىن الىپ كەتكەن ەدى+.
13 ٴداۋىت ساۋل مەن جوناتاننىڭ سۇيەگىمەن قوسا، الگى جەتەۋىنىڭ دە سۇيەكتەرىن ٸلۋلى تۇرعان جەرىنەن ٴتۇسىرىپ اكەلدى+.
14 ساۋل مەن جوناتاننىڭ سۇيەگى بەنيامين جەرىندەگى سەلاحقا+ اپارىلىپ، ساۋلدىڭ اكەسى قيشتىڭ+ قابىرىنە قويىلدى. مۇنىڭ ٴبارى پاتشانىڭ بۇيرىعىنا ساي ورىندالدى. وسىدان كەيىن قۇداي ولاردىڭ وتىنىشىنە قۇلاق اسىپ، جەرگە باتاسىن بەردى+.
15 فىلىستىرلەر مەن يسرايل اراسىندا قايتادان سوعىس بولدى+. ٴداۋىت قىزمەتشىلەرىمەن بىرگە ىلديلاپ بارىپ، ۇرىسقا ارالاستى. ٴبىراق ٴبىر كەزدە شارشاپ قالدى.
16 سوندا رەفايمدەر+ ۇرپاعىنان شىققان يشبي-بەنوپ ٴداۋىتتى ولتىرمەك بولدى. ونىڭ قولىندا سالماعى 300 شەكەل* مىس نايزا+، بەلىندە سۋ جاڭا سەمسەرى بار ەدى.
17 سول ساتتە سارۇيانىڭ ۇلى ٵبىساي+ كومەككە كەلىپ+، الگى ٴفىلىستىردى مەرت قىلدى. سوندا ٴداۋىتتىڭ ادامدارى انت ەتىپ، پاتشاعا: «بۇدان بىلاي بىزبەن شايقاسقا شىقپايسىز+! يسرايلدىڭ شىراعىن وشىرمەڭىز+!»— دەدى.
18 بۇدان كەيىن گوبتا فىلىستىرلەرمەن تاعى دا سوعىس بولدى+. سول شايقاستا حۋشالىق سيبەكاي+ رەفايمدەردىڭ+ تاعى ٴبىر ۇرپاعى سافتىڭ كوزىن قۇرتتى.
19 گوبتا بولعان كەلەسى ٴبىر شايقاستا+ بەتلەحەمدىك جاعاري-ورگەمنىڭ ۇلى ەلحانان عاتتىق عولياتتى جەر قۇشتىردى. الگى ٴفىلىستىردىڭ نايزاسىنىڭ سابى توقىماشىنىڭ كەرگى اعاشىنداي ەدى+.
20 بۇدان كەيىن عاتتا سوعىس بۇرق ەتتى. سول جەردە اياق-قولدارىندا التى-التىدان — بارلىعى 24 ساۋساعى بار ەرەكشە ۇلكەن كىسى بولدى. ول دا رەفايمدەر ۇرپاعىنان ەدى+.
21 وسى الىپ يسرايلدىكتەرگە ٴتىل تيگىزە بەرگەن سوڭ+، ٴداۋىتتىڭ اعاسى شيمەيدىڭ+ ۇلى جوناتان ونى ٶلتىرىپ تاستادى.
22 رەفايمدەر ۇرپاعىنان شىققان وسى ٴتورت الىپ تا عاتتان ەدى. تورتەۋى دە ٴداۋىت پەن ونىڭ قىزمەتشىلەرىنىڭ قولىنان قازا تاپتى+.
سىلتەمەلەر
^ مۇمكىن: «مەرابتىڭ».
^ مۇمكىن: «جەر يەلەرىنە».
^ شامامەن 42.3 كيلوگرام B14 قوسىمشاسىن قاراڭىز.