سامۋيلدىڭ 2-جازباسى 4:1—12
4 ساۋل ۇلى يشبوشەت+ حەبروندا ابىنەردىڭ قازا بولعانىن ەستىپ+، قورقىپ كەتتى. كۇللى يسرايلدىكتەر دە ابىرجىدى.
2 ساۋل ۇلىنىڭ شاپقىنشى توپتارىن باستاپ جۇرەتىن باعاناح جانە رەحاب دەگەن ەكى كىسى بار ەدى. ولار بەنيامين رۋىنان شىققان بەروتتىق ريموننىڭ ۇلدارى بولاتىن. (بەروت قالاسى+ بەنيامين رۋىنىڭ يەلىگى بولىپ ەسەپتەلەتىن.
3 بەروتتىقتار گيتتايمگە+ قاشىپ، ٵلى كۇنگە دەيىن سول جەردە جاتجەرلىكتەر رەتىندە تۇرادى.)
4 ساۋل ۇلى جوناتاننىڭ+ ەكى اياعى دا مايىپ بولىپ قالعان مەپىبوشەت دەگەن ۇلى بار ەدى+. ەزرەحەلدەن+ ساۋل مەن جوناتان قازا بولدى دەگەن سۋىق حابار كەلگەندە، ول بەس جاسار بولاتىن. سوندا قاتتى ساسقان كۇتۋشى ايەل ونى الا سالا قاشىپ بارا جاتقاندا، بالا قۇلاپ، ەكى اياعى مايىپ بولىپ قالعان ەدى.
5 بىردە بەروتتىق ريموننىڭ ۇلدارى رەحاب پەن باعاناح يشبوشەتتىڭ ۇيىنە باردى. كۇن ىسىپ تۇرعان تۇسكى مەزگىل بولعاندىقتان، ول دەمالىپ جاتقان ەدى.
6 الگىلەر+ بيداي الۋعا كەلگەن سىڭايمەن ۇيگە كىرىپ، يشبوشەتكە سەمسەر سۇعىپ ٶلتىردى دە، ەشكىمنىڭ كوزىنە تۇسپەي شىعىپ كەتتى.
7 رەحاب پەن باعاناح ۇيگە كىرگەندە، يشبوشەت جاتىن بولمەسىندەگى توسەكتە جاتقان ەدى. ولار يشبوشەتتى ٶلتىرىپ، باسىن شاۋىپ الدى. سوسىن باستى وزدەرىمەن الىپ، اراباعا اپاراتىن جولعا ٴتۇستى دە، ٴتۇنى بويى ٴجۇرىپ وتىردى.
8 اعايىندىلار حەبرونعا جەتكەن سوڭ، ٴداۋىت پاتشاعا يشبوشەتتىڭ+ باسىن الىپ بارىپ: «مىنە، بۇل — جانىڭىزدى العىسى كەلگەن+ جاۋىڭىز ساۋل+ ۇلى يشبوشەتتىڭ باسى. ەحوبا بۇگىن پاتشا يەم ٷشىن ساۋل مەن ونىڭ ۇرپاعىنان كەك الدى»،— دەدى.
9 ٴبىراق ٴداۋىت بەروتتىق ريموننىڭ ۇلدارى رەحاب پەن باعاناحقا: «بار قيىنشىلىقتاردان جانىمدى قۇتقارعان* ٴتىرى قۇداي ەحوبانىڭ+ الدىندا شىن ايتامىن*،
10 سەكەلاگتا بىرەۋ ماعان «ساۋل ٶلدى» دەپ+، جاقسى حابار اكەلدىم دەگەن ويمەن ٴسۇيىنشى كۇتىپ ەدى، مەن ونى ٶلتىرىپ تاستادىم+. مەنىڭ بەرگەن ٴسۇيىنشىم سول بولدى!
11 ەندەشە ٶز ۇيىندە جاتقان ٵدىل ادامدى ولتىرگەن زۇلىمداردى قالايشا جازاسىز قالدىرامىن؟ ونىڭ قانى ٷشىن ەكەۋىڭدى مىندەتتى تۇردە جاۋاپقا تارتىپ+، جەر بەتىنەن قۇرتىپ جىبەرەمىن!»— دەدى.
12 سوسىن ٴداۋىتتىڭ بۇيرىعىمەن جىگىتتەرى ولاردى ٶلتىرىپ+، اياق-قولدارىن شاۋىپ الدى دا، دەنەلەرىن حەبرون حاۋىزىنىڭ ماڭىنا ٸلىپ قويدى+. ال يشبوشەتتىڭ باسى حەبرونداعى ابىنەردىڭ قابىرىنە قويىلدى.
سىلتەمەلەر
^ نەمەسە «جانىمنىڭ قۇنىن وتەپ العان».
^ نەمەسە «ەحوبانىڭ ٴتىرى ەكەنىندەي حاق ٴسوزىم».
