سامۋيلدىڭ 2-جازباسى 5:1—25
5 كەيىنىرەك يسرايلدىڭ بارلىق رۋلارى حەبرونعا كەلىپ+، داۋىتكە بىلاي دەدى: «ٴبىز سەنىڭ باۋىرلارىڭبىز*+.
2 ەلدى ساۋل بيلەپ تۇرعاندا يسرايلدى جورىقتارعا باستاپ جۇرگەن ٶزىڭ ەدىڭ+. ەحوبا ساعان: — حالقىم يسرايلدىڭ باعۋشىسى ٵرى باسشىسى بولاتىن سەنسىڭ،— دەگەن ەدى عوي+».
3 وسىلايشا يسرايلدىڭ كۇللى اقساقالدارى حەبرونعا كەلدى دە، ٴداۋىت ولارمەن ەحوبانىڭ الدىندا كەلىسىم جاساستى+. سوسىن ولار ٴداۋىتتى يسرايلدىڭ پاتشاسى ەتىپ مايلادى+.
4 ٴداۋىت 30 جاسىندا پاتشا بولىپ، 40 جىل بيلىك قۇردى+.
5 ول حەبروندا ياھۋدا رۋىنا 7 جىل 6 اي، ال يەرۋساليمدە+ كۇللى يسرايل مەن ياھۋداعا 33 جىل بيلىك ەتتى.
6 بىردە پاتشا ساربازدارىمەن يەرۋساليمدە تۇرىپ جاتقان ەبۋستىكتەرگە+ قارسى سوعىسقا اتتاندى. ٴبىراق ەبۋستىكتەر: «مۇندا ەشقاشان كىرمەيسىڭ، سەنى سوقىرلار مەن اقساقتار-اق قۋىپ جىبەرەدى!»— دەپ، ٴداۋىتتى مازاق قىلدى. ولار: «ٴداۋىت مۇندا ەشقاشان كىرمەيدى!»— دەپ ويلادى+.
7 الايدا ٴداۋىت سيون قامالىن باسىپ الدى. ول قازىر «ٴداۋىتتىڭ قالاسى» دەپ اتالادى+.
8 سول كۇنى پاتشا: «ەبۋستىكتەرمەن شايقاساتىندار ارىق* ارقىلى قالاعا كىرىپ، ٴداۋىتتىڭ جانى جاراتپايتىن سوقىرلار مەن اقساقتاردى قىرىپ سالسىن!»— دەپ بۇيىردى. ەل اۋزىنداعى «سوقىر مەن اقساق ۇيگە كىرۋشى بولماسىن!» دەگەن ٴسوز وسىدان قالعان.
9 پاتشا سول قامالعا كەلىپ ورنىقتى، سودان ول «ٴداۋىتتىڭ قالاسى» دەپ اتالىپ كەتتى*. ٴداۋىت ميللودا*+ جانە قالانىڭ باسقا دا جەرلەرىندە دۋالدار مەن عيماراتتار سالا باستادى+.
10 ول بارعان سايىن كۇشەيە بەرىپ+، اسكەرباسى ەحوبا وعان جار بولىپ ٴجۇردى+.
11 تير پاتشاسى حيرام+ داۋىتكە حابارشىلارىن جۇمسادى. ولارمەن بىرگە قاراعاي بورەنەلەرىن+، اعاش ۇستالارى مەن دۋال تۇرعىزاتىن تاس قالاۋشىلاردى دا جىبەردى. وسى شەبەرلەر داۋىتكە ٷي سالا باستادى+.
12 سوندا ٴداۋىت يسرايلدەگى پاتشالىعىن ەحوبانىڭ بەرىك ەتكەنىنە جانە ٶز حالقى ٷشىن+ بيلىگىن اسقاقتاتقانىنا كوز جەتكىزدى+.
13 حەبروننان كوشىپ كەلگەن سوڭ، ٴداۋىت وزىنە يەرۋساليمنەن تاعى بىرنەشە كانيزاك+ پەن ايەل الىپ، ۇل-قىزدارى دا كوبەيدى+.
14 ونىڭ يەرۋساليمدە تۋىلعان بالالارى مىنالار: شاممۋا، شوباب، ناتان+، سۇلەيمەن+،
15 ەبحار، ەليشۋا، نەفەگ، ياپيا،
16 ەليشاما، ەليادا جانە ەليپەلەت.
17 فىلىستىرلەر ٴداۋىتتىڭ يسرايلگە پاتشا بولىپ مايلانعانىن ەستىپ+، ونى ىزدەۋگە شىقتى+. مۇنى ەستىگەندە، ٴداۋىت ادام اياعى باسپايتىن جەرگە قاراي ىلديلادى+.
18 فىلىستىرلەر بولسا رەفايمدەر اڭعارىنا كەلىپ، سول جەردى كەزىپ ٴجۇردى+.
19 ٴداۋىت ەحوبادان: «فىلىستىرلەرگە قارسى اتتانايىن با؟ ولاردى اياعىما جىعىپ بەرەسىڭ بە؟— دەپ سۇراپ ەدى+، ەحوبا: — اتتان! مەن ولاردى مىندەتتى تۇردە اياعىڭا جىعىپ بەرەمىن»،— دەپ جاۋاپ بەردى+.
20 سودان ٴداۋىت باعال-پەراسيمگە كەلىپ، سول جەردە جاۋدى تاس-تالقان ەتتى. ول: «سۋ تاسقىنىنىڭ بوگەتتى بۇزىپ-جارعانىنداي، ەحوبا جاۋلارىمنىڭ ساپتارىن بۇزىپ-جاردى+»،— دەدى. بۇل جەر سودان بەرى باعال-پەراسيم*+ دەپ اتالىپ كەتتى.
21 فىلىستىرلەر پۇتتارىن سول جەرگە قالدىرىپ كەتكەن ەدى. ٴداۋىت پەن ساربازدارى ولاردى الىپ كەتىپ، جويىپ تاستادى.
22 كەيىنىرەك فىلىستىرلەر قايتادان رەفايمدەر اڭعارىنا كەلىپ، سول جەردى كەزىپ ٴجۇردى+.
23 ٴداۋىت ەحوباعا جۇگىنىپ ەدى، ول بىلاي دەپ جاۋاپ بەردى: «ولارعا تىكەلەي قارسى اتتانباي، اينالىپ ٶتىپ، ارت جاعىنان بار دا، بۇتالار* جاقتان تاپ بەر.
24 بۇتالاردىڭ ۇستىمەن بىرەۋ ٴجۇرىپ كەلە جاتقانداي دىبىس ەستىگەندە، بىردەن ىسكە كىرىس. سەبەبى بۇل فىلىستىرلەر قوسىن تالقانداۋ ٷشىن ەحوبانىڭ سەنىڭ الدىڭدا كەلە جاتقانىن بىلدىرەدى».
25 ٴداۋىت ٴبارىن دە ەحوبا بۇيىرعانداي ىستەپ، فىلىستىرلەردى گەبادان+ سوناۋ گەزەرگە+ دەيىن قىردى+.
سىلتەمەلەر
^ سوزبە-ٴسوز «سۇيەگىڭ مەن ەتىڭبىز».
^ ياعني «سۋ اعاتىن تۋننەل».
^ مۇمكىن: «سودان ول ونى «ٴداۋىتتىڭ قالاسى» دەپ اتادى».
^ ەۆرەي ٴسوزىنىڭ ماعىناسى «ٷيىندى».
^ ماعىناسى «بۇزىپ-جارۋدىڭ يەسى».
^ سوزبە-ٴسوز «باكا بۇتالارى». «باكا» — ەۆرەي ٴسوزىنىڭ ترانسليتەراسياسى. ماعىناسى بەلگىسىز.
