سامۋيلدىڭ 2-جازباسى 9:1—13
-
ٴداۋىتتىڭ مەپىبوشەتكە تانىتقان اينىماس سۇيىسپەنشىلىگى (1—13)
9 بىردە ٴداۋىت: «ساۋلدىڭ اۋلەتىنەن ٴتىرى قالعان بىرەۋ بار ما ەكەن، جوناتان ٷشىن وعان اينىماس سۇيىسپەنشىلىك تانىتايىن»،— دەدى+.
2 ساۋلدىڭ ۇيىندە سيبا دەگەن قىزمەتشىسى بولاتىن+. ول پاتشانىڭ الدىنا اكەلىندى. سوندا ٴداۋىت: «سيبا دەگەن سەنسىڭ بە؟— دەپ سۇراعاندا، ول: — ٴيا، تاقسىر، سول قىزمەتشىڭىز مەنمىن»،— دەپ جاۋاپ بەردى.
3 ٴداۋىت: «ساۋلدىڭ اۋلەتىنەن ٴتىرى قالعان بىرەۋ بار ما ەكەن؟ مەن وعان قۇدايدىڭ اينىماس سۇيىسپەنشىلىگىن تانىتايىن»،— دەدى. بۇعان سيبا: «جوناتاننىڭ ۇلدارىنىڭ بىرەۋى ٵلى دە بار، ونىڭ ەكى اياعى دا مايىپ»+،— دەدى.
4 پاتشا: «ول قايدا؟»— دەپ سۇرادى. سيبا ونىڭ لودەباردا، اميەلدىڭ ۇلى ٴماحيردىڭ+ ۇيىندە، تۇرىپ جاتقانىن ايتتى.
5 پاتشا دەرەۋ كىسى جىبەرىپ، لودەبارداعى اميەلدىڭ ۇلى ٴماحيردىڭ ۇيىنەن ونى الدىرتتى.
6 ٴداۋىتتىڭ الدىنا كەلگەندە، ساۋلدىڭ نەمەرەسى، جوناتاننىڭ ۇلى مەپىبوشەت جەرگە جىعىلا كەتىپ تاعزىم ەتتى. ٴداۋىت وعان: «مەپىبوشەت!— دەگەندە، ول: — قىزمەتشىڭىز تىڭداپ تۇر»،— دەدى.
7 پاتشا وعان: «قورىقپا، اكەڭ جوناتان ٷشىن ساعان اينىماس سۇيىسپەنشىلىك تانىتامىن+. اتاڭ ساۋلدىڭ جەرىنىڭ ٴبارىن قايتارامىن. ال ٶزىڭ ٵردايىم مەنىڭ داستارقانىمنان تاماقتاناتىن بولاسىڭ+»،— دەدى.
8 مەپىبوشەت جەرگە دەيىن ٴيىلىپ تاعزىم ەتىپ: «ٴسىز كوڭىل بولەتىندەي قۇلىڭىز سونشا كىم؟ نەبارى ٴيتتىڭ ولىمتىگى ەمەس پە؟!+»— دەدى.
9 سوندا ٴداۋىت ساۋلدىڭ قىزمەتشىسى سيبانى شاقىرتىپ الىپ، مىنانى ايتتى: «ساۋل مەن ونىڭ اۋلەتىنە تيەسىلىنىڭ ٴبارىن مىرزاڭنىڭ نەمەرەسىنە بەرىپ وتىرمىن+.
10 ال سەن ٶزىڭ دە، ۇلدارىڭ مەن قىزمەتشىلەرىڭ دە ونىڭ جەرىن وڭدەپ، مىرزاڭنىڭ نەمەرەسىنىڭ ٷي ٸشى جەيتىن ٶنىم جينايسىڭدار. مەپىبوشەتتىڭ ٶزى ٵردايىم مەنىڭ داستارقانىمنان ٸشىپ-جەيدى+».
سيبانىڭ 15 ۇلى، 20 قىزمەتشىسى بار ەدى+.
11 ول پاتشاعا: «قىزمەتشىڭىز پاتشا يەمنىڭ بۇيىرعاندارىن ەكى ەتپەي ورىندايدى»،— دەپ جاۋاپ بەردى. سودان مەپىبوشەت پاتشا ۇلدارىنىڭ بىرىندەي، ٴداۋىتتىڭ* داستارقانىنان ٸشىپ-جەيتىن بولدى.
12 ونىڭ ميحا دەگەن كىشكەنتاي ۇلى بار ەدى+. سونىمەن، سيبا بۇكىل ٷي ىشىمەن مەپىبوشەتكە قىزمەت ەتەتىن بولدى.
13 مەپىبوشەتتىڭ ٶزى پاتشا داستارقانىنان ٸشىپ-جەيتىن بولعاندىقتان+ يەرۋساليمدە تۇرىپ جاتتى. ونىڭ ەكى اياعى دا مايىپ ەدى+.
سىلتەمەلەر
^ مۇمكىن: «مەنىڭ».
