شەجىرەلەر 1-جازبا 10:1—14
-
ساۋل مەن ۇلدارىنىڭ ٶلىمى (1—14)
10 فىلىستىرلەر يسرايلگە قارسى اتتاندى. يسرايلدىكتەر ولاردان قاشا جونەلدى. ولاردىڭ كوبى گەلبويا تاۋىندا قازا بولدى+.
2 فىلىستىرلەر ساۋل مەن ۇلدارىن وكشەلەي قۋىپ، ونىڭ جوناتان، ٵبيناداپ، مالحيشۋا+ دەگەن ۇلدارىن ٶلتىردى.
3 ال ساۋلدىڭ اينالاسىندا شايقاس كۇشەيە ٴتۇستى. سول كەزدە وعان ساداقشىلاردىڭ جەبەسى ٴتيىپ، جارالاندى+.
4 سوندا ساۋل قارۋ-جاراعىن الىپ جۇرەتىن جىگىتكە: «سەمسەرىڭدى قىنابىنان سۋىرىپ، ماعان سۇعىپ ال! ايتپەسە مىنا سۇندەتتەلمەگەندەر كەلىپ، مەنى قورلاپ جۇرەر+»،— دەدى. ٴبىراق جىگىت قاتتى قورقىپ، ولاي ەتكىسى كەلمەدى. سوندا ساۋل سەمسەرىن الىپ، وزىنە قاراتتى دا، ۇستىنە قۇلاي سالدى+.
5 ساۋلدىڭ ولگەنىن كورگەندە، ونىڭ قارۋ-جاراعىن الىپ جۇرەتىن جىگىت تە سەمسەرىنىڭ ۇستىنە قۇلاپ ٶلدى.
6 وسىلايشا ساۋلدىڭ ٶزى، ونىڭ ٷش ۇلى مەن ٷي ٸشىنىڭ ٴبارى قازا بولدى+.
7 اڭعاردا تۇراتىن يسرايلدىكتەر يسرايل اسكەرىنىڭ قاشقانىن، ال ساۋل مەن ۇلدارىنىڭ قازا بولعانىن كورگەندە، قالالارىن تاستاپ قاشىپ كەتتى. فىلىستىرلەر بولسا ولاردىڭ قالالارىنا كىرىپ الدى.
8 كەلەسى كۇنى فىلىستىرلەر قازا بولعانداردى توناۋعا كەلگەندە، گەلبويا تاۋىندا ٶلىپ جاتقان ساۋل مەن ۇلدارىنىڭ مايىتىنە تاپ بولدى+.
9 ولار ساۋلدىڭ باسىن شاۋىپ الدى، ساۋىت-سايمانىن دا سىپىرىپ الىپ، وزدەرىنىڭ پۇتتارىنا+ جانە جۇرت اراسىندا حابارلاۋ ٷشىن فىلىستىرلەر جەرىنىڭ شارتارابىنا شابارماندار جىبەردى.
10 سوسىن ولار ساۋلدىڭ ساۋىت-سايمانىن قۇدايلارىنىڭ عيباداتحاناسىنا، ال باسىن داگون دەگەن تاڭىرلەرىنىڭ ۇيىنە+ اپارىپ قويدى.
11 يابەس-عالاقات+ تۇرعىندارى فىلىستىرلەردىڭ ساۋلعا نە ىستەگەنىنىڭ ٴبارىن ەستىگەندە+،
12 قالانىڭ ەر-ازاماتتارى جينالىپ، جولعا شىقتى. ولار ساۋل مەن ونىڭ ۇلدارىنىڭ دەنەلەرىن يابەسكە اكەلىپ، سۇيەكتەرىن يابەستەگى ٴبىر ۇلكەن اعاشتىڭ تۇبىنە كومدى دە+، جەتى كۇن ورازا تۇتتى.
13 وسىلاي ساۋل قازا بولدى، سەبەبى ول ەحوبانىڭ سوزىنە مويىنسۇنباي، ەحوباعا وپاسىزدىق جاسادى+. سونداي-اق ول ارۋاق شاقىرۋشىعا جۇگىندى+،
14 ال ەحوبادان باسشىلىق ىزدەمەدى. سوندىقتان ول وعان ٶلىم قۇشتىرىپ، پاتشالىق بيلىگىن ەسەي ۇلى داۋىتكە بەردى+.
