شەجىرەلەر 1-جازبا 12:1—40
-
ٴداۋىتتىڭ پاتشالىعىن قولداعاندار (1—40)
12 ٴداۋىت قيش ۇلى ساۋلدان جاسىرىنىپ، ەركىن ٴجۇرىپ-تۇرا المادى+. سول كەزدە تومەندە اتى اتالعان كىسىلەر سەكەلاگقا+ كەلىپ، وعان قوسىلدى. بۇلار داۋىتكە شايقاستا قولعابىس ەتكەن مىقتى ساربازدار ەدى+.
2 ولار ساداقپەن قارۋلانعان بولاتىن، ٵرى وڭ قولىمەن دە، سول قولىمەن دە+ ساقپان+ جانە ساداق اتا الاتىن. بۇل كىسىلەر ساۋلدىڭ باۋىرلارى، بەنياميندىكتەر ەدى+.
3 داۋىتكە قوسىلعان مىنا كىسىلەر: ولاردىڭ باسشىسى احيەزەر مەن ونىڭ باۋىرى جوعاش (بۇل ەكەۋى گيبەيالىق+ شەماحتىڭ ۇلدارى ەدى)؛ ازماۋەتتىڭ+ ۇلدارى ەزيەل مەن پەلەت، بەراح، اناتوتتىق يقۋ،
4 وتىز باتىردىڭ ٴبىرى+ ٵرى سولاردىڭ باسشىسى گيبەوندىق+ يشمايا، ەرەميا، جاحازيەل، جوحانان، گەدەرالىق جوزاباد،
5 ەلۇزاي، ەريموت، بەلياح، شەمارياح، حاريپتىك شافاتياح،
6 قوراحتىقتار+: ەلقانا، يشياح، ازارەل، جوحەزەر جانە ياشوبام،
7 گەدورلىق ەروحامنىڭ ۇلدارى جوحەلاح پەن زاباديا.
8 ادام اياعى باسپايتىن جەرلەردە جۇرگەن داۋىتكە+ بىرنەشە عادتىق دا كەلىپ قوسىلدى. ولار سوعىسۋعا ماشىقتانعان، قالقان-نايزالارى ارقاشان دايىن تۇراتىن مىقتى ساربازدار ەدى. تۇرلەرى ارىستانداي ايبارلى، وزدەرى تاۋ كيىگىندەي جۇيرىك بولاتىن.
9 ولاردىڭ باسشىسى — ەزەر، ودان كەيىن — اباديا، ٷشىنشىسى — ەلياپ،
10 ٴتورتىنشىسى — ميشماناق، بەسىنشىسى — ەرەميا،
11 التىنشىسى — اتتاي، جەتىنشىسى — ەليەل،
12 سەگىزىنشىسى — جوحانان، توعىزىنشىسى — ەلزاباد،
13 ونىنشىسى — ەرەميا، ون ٴبىرىنشىسى — ماحباناي.
14 بۇلار عادتىقتار+ ٵرى قولباسىلار ەدى. ولاردىڭ وسال دەگەندەرى 100، ال مىقتى دەگەندەرى 1000 ادامعا تويتارىس بەرە الاتىن+.
15 اتى اتالعان قولباسىلار ٴبىرىنشى ايدا سۋى ارناسىنان تاسىپ جاتقان يوردان وزەنىن كەسىپ ٶتتى دە، اڭعار تۇرعىندارىنىڭ ٴبارىن قۋىپ تاستاپ، باتىس پەن شىعىسقا بىتىراتىپ جىبەردى.
16 ٴداۋىت بەكىنىپ جاتقان جەرگە+ كەيبىر بەنياميندىكتەر مەن ياھۋدالىقتار دا كەلىپ قوسىلدى.
17 سوندا ٴداۋىت ولاردىڭ الدىنان شىعىپ: «ەگەر بەيبىت نيەتپەن كومەككە كەلگەن بولساڭدار، وداقتاسىم رەتىندە قۇشاق جايا قارسى الامىن. ال ەشكىمگە جاماندىق جاساماسام دا، وپاسىزدىقپەن جاۋلارىما ۇستاپ بەرۋگە كەلسەڭدەر، اتا-بابامىزدىڭ قۇدايى مۇنى كورىپ، ٶزى تورەلىك ەتسىن+»،— دەدى.
18 سوندا وتىز باتىردىڭ باسى عاماسايعا قۇداي رۋحى قونىپ+، ول بىلاي دەدى:
«ۋا، ٴداۋىت، ٴبىز سەنىكىمىز! ۋا، ەسەي ۇلى، ٴبىز سەنىمەن بىرگەمىز+!
اماندىق پەن تىنىشتىق بولسىن! ساعان دا، سەنى قولدايتىندارعا دا اماندىق پەن تىنىشتىق بولسىن!ويتكەنى سەنىڭ كومەكشىڭ — قۇداي+!»
سوندا ٴداۋىت ولاردى قابىلداپ، جاساقتارىنا باسشى ەتىپ قويدى.
19 ٴداۋىت فىلىستىرلەرمەن بىرگە ساۋلعا قارسى شايقاسقا اتتانعاندا، وعان كەيبىر ماناسالىقتار دا كەلىپ قوسىلعان ەدى. ٴبىراق ٴداۋىت فىلىستىرلەرگە كومەكتەسكەن جوق، سەبەبى فىلىستىرلەردىڭ بيلەۋشىلەرى+: «ول قوجايىنىنىڭ جاعىنا ٶتىپ كەتىپ، باسىمىزدان ايىرىلىپ قالارمىز»،— دەپ، ونى قايتارىپ جىبەرگەن بولاتىن+.
20 ٴداۋىت سەكەلاگقا+ كەلگەندە، وعان ماناسا رۋىنان مىنالار كەلىپ قوسىلدى: ادىناح، جوزاباد، ەديەل، ميكايل، جوزاباد، ەليحۋ، سيلەتاي. بۇلار ماناسالىقتاردىڭ مىڭباسىلارى+ بولاتىن.
21 ولار داۋىتكە شاپقىنشىلارمەن كۇرەسۋگە كومەكتەسكەن شەتىنەن مىقتى، ەرجۇرەك جىگىتتەر ەدى+. كەيىن ولار ٴداۋىتتىڭ اسكەرىنىڭ قولباسىلارى بولدى.
22 كۇن سايىن داۋىتكە ادامدار كەلىپ قوسىلا بەردى+. اقىرىندا ونىڭ اسكەرى قۇداي اسكەرى ىسپەتتى، قالىڭ قولعا اينالدى+.
23 ەحوبانىڭ نۇسقاۋىمەن ساۋلدىڭ ورنىنا ٴداۋىتتى پاتشا ەتۋ ٷشىن، مۇزداي قارۋلانىپ حەبرونعا+ كەلگەن ساربازدار سانى تومەندەگىدەي+:
24 ياھۋدالىقتاردان ۇلكەن قالقان جانە نايزا ۇستاعان 6800 كىسى.
25 شيموندىقتاردان 7100 مىقتى ٵرى ەرجۇرەك سارباز.
26 لەۋى رۋىنان 4600 ادام.
27 حارون ۇلدارىنىڭ+ باسى ەحوداي+ مەن وعان ەرگەن 3700 ادام.
28 سادىق+ دەگەن مىقتى ٵرى ەرجۇرەك جىگىت جانە ونىڭ اۋلەتىنەن 22 باسشى.
29 بەنياميندىكتەردەن، ساۋلدىڭ باۋىرلارىنان+، 3000 ادام. ولاردىڭ كوبىسى كەزىندە ساۋل ٷيىنىڭ مۇددەسىن قورعاعاندار.
30 ەفرەمدىكتەردەن ٶز اۋلەتتەرىندە اتاعى شىققان 20800 مىقتى ٵرى ەرجۇرەك كىسى.
31 ماناسا رۋىنىڭ جارتىسىنان 18000 ادام. ولار ٴداۋىتتى پاتشا ەتۋ ٷشىن ەسىمدەرى اتالىپ، ارنايى تاعايىندالعاندار.
32 يساحار رۋىنان 200 باسشى. بۇل ۋاقىت اعىمىنا قاراي يسرايلدىڭ نە ىستەۋى كەرەكتىگىن ايىرا بىلەتىن كىسىلەر ەدى. بارلىق باۋىرلارى سولاردىڭ باسشىلىعىمەن جۇرەتىن.
33 زابۋلون رۋىنان اسكەرگە جارامدى ٵرى ٴتۇرلى قارۋمەن جابدىقتالعان 50000 ادام. ولار داۋىتكە بار جۇرەگىمەن بەرىلگەن ساربازدار ەدى.
34 نافتاليم رۋىنان 1000 باسشى، ولاردىڭ ۇلكەن قالقان جانە نايزا ۇستاعان 37000 ادامى بولدى.
35 دان رۋىنان 28600 ادام ساپ تۇزەپ شىقتى.
36 اشير رۋىنان اسكەرگە جارامدى 40000 ادام ساپ تۇزەپ شىقتى.
37 يورداننىڭ ارعى بەتىندەگى+ رۋبەندىكتەر، عادتىقتار مەن ماناسانىڭ جارتى رۋىنان قارۋ-جاراقتىڭ بارلىق تۇرىمەن جابدىقتالعان 120000 كىسى قوسىلدى.
38 بۇلاردىڭ ٴبارى ساپ تۇزەپ شايقاسۋعا دايىن ساربازدار ەدى. ولار بار جۇرەكتەرىمەن ٴداۋىتتى پاتشا ەتۋدى قالاپ، حەبرونعا كەلگەن بولاتىن. سونداي-اق كۇللى يسرايل ٴداۋىتتى پاتشا ەتۋ ٷشىن ٴبىر كىسىدەي جۇمىلدى+.
39 ولار ٴداۋىتتىڭ قاسىندا ٷش كۇن بولىپ، ٸشىپ-جەدى. ياھۋدالىق باۋىرلارى ولارعا اس-اۋقات ازىرلەپ قويعان ەدى.
40 سونىمەن قاتار يساحار، زابۋلون، نافتاليم سياقتى الىستى-جاقىندى ايماقتاردا تۇراتىندار دا ەسەك، تۇيە، قاشىر جانە ٸرى قارا مالدارعا ارتىپ، ۇن، ٸنجىر جانە مەيىز كۇلشە، شاراپ، ماي، سيىر-قوي ەتىن كوپتەپ اكەلىپ جاتتى. ويتكەنى كۇللى يسرايل زور قۋانىشقا بولەنگەن ەدى.