شەجىرەلەر 1-جازبا 13:1—14
13 ٴداۋىت مىڭباسى-ٴجۇزباسىلارمەن، سونداي-اق بارلىق باسشىلارىمەن+ كەڭەس قۇردى.
2 سوسىن كۇللى يسرايل قاۋىمىنا بىلاي دەدى: «ەگەر دۇرىس دەپ تاپساڭدار ٵرى قۇدايىمىز ەحوباعا ۇنامدى بولسا، يسرايلدىڭ بارلىق ايماقتارىنداعى وزگە باۋىرلارىمىزعا جانە قالالارى مەن جايىلىمدارىندا تۇرىپ جاتقان ٴدىني قىزمەتكەرلەر مەن لەۋىلىكتەرگە+ حابار جىبەرەيىك. ولار دا بىزگە كەلىپ قوسىلسىن.
3 ٴبارىمىز بارىپ، قۇدايىمىزدىڭ كەلىسىم ساندىعىن وزىمىزگە الىپ كەلەيىك+». ويتكەنى ساۋلدىڭ تۇسىندا ول قاراۋسىز قالعان ەدى+.
4 كۇللى جاماعات بۇعان كەلىستى، سەبەبى بۇل ولارعا دۇرىس بولىپ كورىندى.
5 سودان ٴداۋىت كيريات-ەعاريمنەن شىنايى قۇدايدىڭ كەلىسىم ساندىعىن اكەلۋ ٷشىن، مىسىر وزەنىنەن* لەبو-حاماتقا+ دەيىن تۇرىپ جاتقان كۇللى يسرايلدىكتەردىڭ باسىن قوستى+.
6 ٴداۋىت جانە كۇللى يسرايل كەرۋبتەردىڭ ۇستىندە* وتىرعان شىنايى قۇدايدىڭ+ كەلىسىم ساندىعىن اكەلمەك بولىپ، ياھۋدا جەرىندەگى باعالاحقا+، ياعني كيريات-ەعاريمگە، ورلەپ باردى. وسىلاي ولار جۇرت ەحوبانىڭ اتىن اتاپ شاقىراتىن كەلىسىم ساندىعىن اكەلمەك بولدى.
7 ٴبىراق ولار شىنايى قۇدايدىڭ ساندىعىن ٵبيناداپتىڭ ۇيىنەن جاڭا ارباعا سالىپ+ الىپ شىقتى. اربانى ۇزاح پەن احيو باستاپ ٴجۇردى+.
8 ٴداۋىت پەن بۇكىل يسرايلدىكتەر ارفا جانە باسقا دا ىشەكتى اسپاپتار تارتىپ، داڭعىرا+ مەن جەز تاباقشالار قاعىپ+، كەرنەيلەتىپ+، شىنايى قۇدايدىڭ الدىندا جان سالا ٵن سالىپ، بي بيلەپ كەلە جاتتى.
9 ولار كيدوننىڭ قىرمانىنا جەتكەندە، بۇقالار ارباداعى كەلىسىم ساندىعىن قۇلاتا جازدادى. سوندا ۇزاح قولىن سوزىپ، ساندىقتى ۇستاي الدى.
10 ۇزاح قولىن ساندىققا قاراي سوزعانى ٷشىن، ەحوبانىڭ قاھارى لاۋلاپ، ونى جازالادى+. ول سول بويدا قۇدايدىڭ الدىندا ٴتىل تارتپاي كەتتى+.
11 ٴداۋىت ەحوبانىڭ ۇزاحقا قاھارىن توككەنىنە اشۋلاندى*. سوندىقتان بۇل جەر ٵلى كۇنگە دەيىن پارەس-ۇزاح* دەپ اتالادى.
12 ٴداۋىت سول كۇنى شىنايى قۇدايدان قورقىپ: «ٶزىم تۇراتىن جەرگە شىنايى قۇدايدىڭ كەلىسىم ساندىعىن قالاي اكەلمەكپىن؟»— دەدى+.
13 وسىلايشا قۇدايدىڭ كەلىسىم ساندىعىن ٶزى تۇرىپ جاتقان ٴداۋىتتىڭ قالاسىنا اكەلمەي، عاتتىق عابيت-ەدومنىڭ ۇيىنە اپارعىزدى.
14 شىنايى قۇدايدىڭ كەلىسىم ساندىعى سول ۇيدە ٷش اي تۇردى. ەحوبا عابيت-ەدومنىڭ ٷي ٸشى مەن وندا باردىڭ ٴبارىن جارىلقاپ وتىردى+.
سىلتەمەلەر
^ نەمەسە «شيحوردان».
^ مۇمكىن: «اراسىندا».
^ نەمەسە «ۇنجىرعاسى ٴتۇستى».
^ ماعىناسى «ۇزاحقا توگىلگەن قاھار».
